Tekjublað Mannlífs kemur út á morgun

Tekjublað Mannlífs kemur út á morgun. Í blaðinu eru birtar tekjur 2500 Íslendinga í öllum landshlutum. Í tilkynningu frá Mannlífi segir að æðstu stjórnendur fyrirtækja, bankastjórar, athafnafólk, stjórnmálafólk, lögfræðingar og dómarar séu meðal þeirra sem komIst á blað.Tekjublaðið munI einnig bregða ljósi á tekjur umönnunarstétta og fólks sem vinnI mikilvæg láglaunastörf

Ráðherranefndin kannar aðbúnað á norrænum leikskólum

Norræna ráðherranefndin hefur sett af stað verkefni sem ætlað er að skoða hvað Norðlurlönd eru að gera fyrir börn í leikskólum. Í frétt á heimaðsíðu nefndarinnar segir að styrkja þurfi norrænt samstarf á sviði umhverfis- og heilbrigðismála.

Tólf hundruð milljóna króna skuld verður aflétt

Össur Skarphéðinsson iðnaðarráðherra og Árni Matthiesen fjármálaráðherra hafa ákveðið að aflétta 1200 milljóna króna skuld Byggðarstofnunar. Þetta er á meðal þeirra aðgerða sem fyrirhugaðar eru til að takast á við afleiðingar af skerðingu í þorsksaflaheimildum.

Þórólfur Þórlindsson settur forstjóri Lýðheilsustöðvar

Guðlaugur Þór Þórðarson, heilbrigðis-og tryggingamálaráðherra, hefur sett doktor Þórólf Þórlindsson forstjóra Lýðheilsustöðvar til eins árs. Þórólfur hefur gegnt starfi prófessors við félagsvísindadeild Háskóla Íslands. Hann hefur sinnt viðamiklum félagsvísindarannsóknum á hegðan ungmenna, birt fjölmargar ritrýndar vísindagreinar í alþjóðlegum tímaritum og ritað bækur um efnið.

Húnabjörgin kölluð út til bjargar 46 tonna bát

Björgunarskip Slysavarnafélagsins Landsbjargar, Húnabjörg á Skagaströnd, fór til aðstoðar 46 tonna bát sem hafði fengið veiðarfærin í skrúfuna rétt við Kálfshamarsvita norðan við Skagaströnd.

Össur hyggst kynna aðgerðir til að styrkja Byggðastofnun

Össur Skarphéðinsson iðnaðarráðherra segist í dag munu kynna afar mikilvægar aðgerðir til að styrkja Byggðastofnun. Aðgerðirnar eiga að gera henni fært að taka á málum útgerða sem eiga í vanda vegna skerðingar kvóta.

Varðstjóri sakaður um brot í opinberu starfi

Varðstjóri hjá lögreglustjóranum á höfuðborgarsvæðinu hefur verið ákærður fyrir brot í opinberu starfi. Í dagbók lögreglunnar kemur fram að maðurinn sé sakaður um að hafa misnotað stöðu sína þegar hann nýtti sér mannafla og bifreið lögreglu í eigin þágu.

Stöðvaður ölvaður við akstur og án ökuréttinda

Tvítugur piltur var handtekinn á Seltjarnarnesi í nótt eftir að hafa lent í umferðaróhappi. Pilturinn gat ekki framvísað ökuskírteini en við athugun kom í ljós að hann hefur aldrei haft ökuréttindi. Hann reyndist líka vera ölvaður, eftir því sem fram kemur í dagbók lögreglunnar.

Ekkert lát á skjálftum við Öskju

Ekkert lát er á skjálftavirkni norðan Vatnajökuls, nánar tiltekið við Upptyppinga, austan Öskju. Síðustu tvo sólarhringa hafa mælst 130 skjálftar á svæðinu og eru skjálftarnir nú orðnir um 2300 frá því í febrúarlok. Það var um klukkan hálffjögur í gærmorgun sem síðasta skjálftahrinan byrjaði, og fara skjálftarnir ívið stækkandi að sögn Steinunnar Jakobsdóttur sem stendur skjálftavakt Veðurstofunnar.

Kristinn Halldórsson skipaður dómari við héraðsdóm Vestfjarða

Björn Bjarnason, dóms- og kirkjumálaráðherra, hefur skipað Kristinn Halldórsson héraðsdómara við héraðsdóm Vestfjarða frá 1. september 2007.

Fyrsti starfsdagur Nýsköpunarmiðstöðvar er á Ísafirði í dag

Nýsköpunarmiðstöð Íslands tekur til starfa í dag, 1. ágúst 2007, við samruna Iðntæknistofnunar og Rannsóknastofnunar byggingariðnaðarins. Fyrsti starfsdagur miðstöðvarinnar verður á Ísafirði sem er sagt táknrænt fyrir áherslur Nýsköpunarmiðstöðvar á atvinnuþróun.

Lögreglan í Vestmannaeyjum minnir á útivistarreglur um börn

Í tilefni Þjóðhátíðar um næstu helgi vill lögreglan minna foreldra og forráðamenn barna á að útivistareglurnar gilda jafnt um Þjóðhátíðarhelgina sem aðra daga ársins. Það hefur verið reynsla lögreglunnar að mörg ungmenni byrja að neyta áfengis og annarra vímuefna á Þjóðhátíð og því vill lögreglan hvetja foreldra og forráðamenn til að ræða við börn sín um skaðsemi áfengis- og vímuefnaneyslu.

Barnungir bílaþjófar

Lögreglan í Viborg í Danmörku handtók í nótt þrjá bílaþjófa, á aldrinum 11-13 ára. Aðstoðarlögreglustjórinn, Jens Claumarch, sagði í samtali við Danska ríkisútvarpið að fjöldi danskra unglinga hefði komist í kast við lögin í sumar. Það hefði ekki liðið sá dagur að ekki hefði verið stolið bíl. Viborg er um 100 þúsund manna bær á Mið-Jótlandi.

Hnýsni eða eðlilegasti hlutur?

Næstu tvær vikurnar getur hver sem er skoðað upplýsingar um skattagreiðslur allra Íslendinga og þannig jafnframt fræðst um tekjur fólks. Sjálfsagt mál eða óþarfa afskiptasemi af einkamálum annarra? Þingmennirnir Ögmundur Jónasson og Pétur Blöndal settust hjá Sölva í Íslandi í dag.

Sagnfræðingar ósammála um hlerunarskjal

Prófessor í sagnfræði efast um að lögreglan hafi byggt ákvarðanir um símahleranir árið 1968 á nýframkominni lögregluskýrslu, með lýsingum kranabílstjóra á því að hann hafi heyrt menn undirbúa mótmæli. Annar sagnfræðingur telur nýja skjalið hinsvegar skýra mun betur en áður af hverju ákveðið var að leita úrskurðar til símahlerana.

Aukið samstarf við Nýfundnaland og Labrador

Geir H. Haarde forsætisráðherra og Danny Williams, forsætisráðherra Nýfundnalands og Labrador, vilja vinna að gerð sérstaks samkomulags um aukið samstarf þessara tveggja granna við Norður-Atlantshaf. Geir átt í dag fund með Williams í St. John's þar sem fjallað var um samskiptin við þetta norðvestlægasta fylki Kanada og hugsanlega eflingu á milli Íslands og fylkisins.

Ál í bílum minnkar losun gróðurhúsalofttegunda

Notkun áls minnkar heildarlosun gróðurhúsalofttegunda frá samgöngutækjum, samkvæmt nýrri rannsókn. Samtökin Sól í Straumi telja álið þó ekki grænan málm.

Slysum og tjónum fjölgar hjá erlendum ökumönnum

Umferðarslysum hefur fækkað hjá Íslendingum en fjölgað meðal útlendinga. Erlendir ökumenn fara líka miklu hraðar um þjóðvegina en Íslendingar og gera sér litla grein fyrir slysahættu og háum sektarúrræðum.

Myndar kríur og æðakollur

Páll Steingrímsson, kvikmyndagerðarmaður vinnur nú að gerð kvikmyndar um æðarvarpið í Norðurkoti við Sandgerði. Í fyrstu átti myndin aðeins að fjalla um kollurnar en það breyttist þegar hann byrjaði að taka.

Arngrímur skattakóngur landsbyggðarinnar

Skattaumdæmin á landinu eru níu talsins og í hverju umdæmi er gefinn út listi yfir skattakónga þeirra. Ef frá er talið suð-vesturhorn landsins þá er Arngrímur Jóhannsson, flugstjóri og fyrrum eigandi Atlanta ókrýndur skattakóngur landsbyggðarinnar. Í einu umdæmanna vermir kona efsta sætið.

Heiðar Már skattakóngur

Hreiðar Már Sigurðsson, forstjóri Kaupþings greiðir rúmar 400 milljónir króna í opinber gjöld og er þar með ókrýndur skattakóngur landsins. Fast á hæla hans kemur Hannes Þór Smárason, forstjóri FL Group með tæpar 377 milljónir króna. Ríkasti maður landsins, Björgólfur Thor Björgólfsson, er ekki meðal hæstu greiðenda opinberra gjalda.

Steingrímur vill fund í utanríkismálanefnd vegna lágflugs

Steingrímur J. Sigfússon, formaður Vinstri grænna, hefur farið fram á sérstakan fund í utanríkismálanefnd, til að ræða um nýtt varnarsamkomulag við NATO, og heræfingar hér á landi um miðjan ágúst.

Atvinnuháttum og ferðaþjónustu er ógnað með nýjum Vestfjarðaveg

Fulltrúi landeigenda í Þorskafirði segir að atvinnuháttum í Reykhólasveit verði ógnað með nýjum Vestfjarðavegi sem mun liggja út norðanverðan Þorskafjörð. Vegurinn setur einnig ferðaþjónustu á svæðinu í uppnám segir landeigandi.

Reykingarbannið leiðir af sér drykkju utandyra

Lögreglan á höfuðborgarsvæðinu segir nokkuð hafa borið á því eftir að reykingarbannið á veitingastöðum tók gildi 1. júní síðastliðinn að gestir taki með sér áfengi út og neyti utandyra. Lögreglan vill af þeim sökum vekja athygli á ákvæði 3. málsgreinar 19. greinar áfengislaga sem bannar með öllu að áfengi sem selt er á veitingastað sé borið þaðan út af gestum staðarins eða öðrum.

Vegagerðin varar við hvassviðri

Mjög hvasst er sumstaðar á Suðaustur- og Austurlandi. Sérstaklega er varað við sterkum vindi í Oddaskarði en einnig í Hvalnesskriðum og við Almannaskarð.

Fangelsisvist Miriam lýkur væntanlega á morgun

Miriam Rose, mótmælandinn sem talsmaður Græningja á Bretlandi hefur krafist að verði leyst úr haldi, situr af sér dóm vegna mótmæla í Hegningarhúsinu við Skólavörðustíg. Heimildir Vísis herma að stúlkan hafi þegar setið í fangelsinu í sjö daga en hún var dæmd fyrir mótmæli á álverslóð Bechtel á Reyðarfirði í ágúst í fyrra.

Eiður Smári varð fyrir árás í miðborg Reykjavíkur

Eiður Smári Guðjohnsen, landsliðsfyrirliði í knattspyrnu og leikmaður Barcelona, varð fyrir líkamsárás í miðborg Reykjavíkur síðastliðið laugardagskvöld. Eiði var hrint og hann kýldur í andlitið. Hann slapp ómeiddur frá árásinni og ætlar ekki að kæra.

Formaður Vinstri-Grænna vill fund í utanríkisnefnd

Steingrímur J. Sigfússon, formaður Vinstri-grænna, og fulltrúi flokksins í utanríkismálanefnd fer fram á fund í nefndinni við fyrsta tækifæri til að ræða stöðu öryggismála og hlutverk Nató í svokölluðum loftvörnum landsins.

Breskir græningjar krefjast þess að mótmælanda verði sleppt úr haldi

Talsmaður Græningja, flokks umhverfissinna á Bretlandi þar sem hann krefst þess að íslensk stjórnvöld sleppi mótmælanda úr haldi. Í fréttinni er fullyrt að Miriam Rose, sem sögð er meðlimur í samtökunum Saving Iceland, hafi verið handtekin í mótmælaaðgerðum og að hún sé enn í haldi. Lögregla kannast ekki við málið.

Heilbrigðisráðherra skipar stjórn Tryggingastofnunar ríkisins

Guðlaugur Þór Þórðarson, heilbrigðis- og tryggingamálaráðherra, hefur skipað fimm manna stjórn Tryggingastofnunar ríkisins. Stjórnina skipa Benedikt Jóhannesson, formaður, Karl V. Matthíasson, varaformaður, Margrét S. Einarsdóttir, Sigríður Jóhannesdóttir og Sigursteinn Másson.

Umferð verður hæg um Mosfellsbæ um verslunarmannahelgina

Umferð um Mosfellsbæ er nokkuð hægari þessa dagana en venja er. Þetta ástand mun vara fram yfir verslunarmannahelgi. Ástæðan er sú að unnið er við vegaframkvæmdir á hringtorgi á mótum Vesturlandsvegar og Þingvallavegar.

440 íslenskir skátar á alheimsmóti

Nú stendur yfir á Englandi alheimsmót skáta og þar eru staddir 440 íslenskir skátar. Á alheimsmóti koma skátar saman til að endurnýja skátaheitin og fagna 100 ára afmæli skátahreyfingarinnar á morgun. Af því tilefni hyggjast Íslendingarnir baka 1000 pönnukökur fyrir gesti og gangandi.

Snuðrurum boðið að skrifa í gestabók

Skattayfirvöld leggja í dag fram upplýsingar um skattgreiðslur allra Íslendinga. Ungir sjálfstæðismenn mótmæla þessum görningi nú sem endranær og hafa lagt fram gestabók hjá tollstjóranum í Tryggvagötu „og bjóða þeim, sem telja sig hafa ástæðu til þess að snuðra í upplýsingum um samborgara sína, tækifæri til þess að skrá nafn sitt og upplýsingar um hvaða gögn þeir hafa skoðað," eins og það er orðað í tilkynningu frá þeim. "Þeir sem telja eðlilegt að mega skoða slík gögn um náungann hljóta að fagna því ef annað eins gagnsæi ríkir um þeirra eigin gjörðir."

Greiðir 400 milljónir í opinber gjöld

Hreiðar Már Sigurðsson, forstjóri Kaupþings er skattakóngur Íslands en opinber gjöld hans námu rúmum 400 milljónum króna fyrir árið 2006. Fast á hæla hans kemur Hannes Þór Smárason, forstjóri FL Group með tæpar 377 milljónir króna. Björgólfur Thor Björgólfsson, sem vermir lista Forbes yfir 500 tekjuhæstu menn heims er ekki meðal hæstu greiðendum opinberra gjalda.

Utanríkisráðuneytið hefur dregið tilbaka umsókn um lágflug

Utanríkisráðuneytið hefur dregið tilbaka umsókn um lágflug yfir hálendinu í tenglsum við heræfinguna Norður-víkingur um miðjan ágúst. Umsóknin var komin til samgönguráðuneytisins í gær.

Símahleranir 1968 byggðar á yfirlýsingu kranabílstjóra

Úrskurður um símahleranir í aðdraganda NATO fundar á Íslandi 1968, er byggður að miklu leyti á lögregluskýrslu frá sama ári, sem er nýlega komin fram. Skýrslan inniheldur yfirlýsingu kranabílstjóra um að hann hafi heyrt á tal manna um stúdentamótmæli í tengslum við fundinn.

Tuttugu og þrír teknir fyrir ölvunarakstur í Reykjavík um helgina

Tuttugu og þrír ökumenn voru teknir fyrir ölvunarakstur á höfuðborgarsvæðinu um helgina. Níu voru stöðvaðir á föstudag, tíu á laugardag og fjórir á sunnudag.

Ungmennum bannað að tjalda á Akureyri

Einstaklingum á aldrinum 18 til 23 ára verður bannað að tjalda á Akureyri um verslunarmannahelgina. Í tilkynningu frá Akureyrarbæ kemur fram að fjölskyldufólk á „öllum aldri" verði í forgangi þegar kemur að því að tjalda á tjaldsvæðum bæjarins.

Umferðaróhapp við Hádegismóa

Umferðaróhapp varð á Suðurlandsvegi við Hádegismóa á tólfta tímanum í dag. Slysið varð með þeim hætti að kranabóma á vörubíl rakst upp í brú. Við það féll bóman ofan á framrúðu á bíl sem keyrði á eftir. Samkvæmt upplýsingum frá lögreglunni á höfuðborgarsvæðinu var ökumaður bifreiðarinnar fluttur á bráðamóttöku Landspítala-Háskólasjúkrahúss með minniháttar höfuðáverka.

Eiríkur K. Gissurarson er efsti nýliðinn á lista yfir hina ríku

Eiríkur Kristján Gissurarson er í fjórða sæti yfir gjaldahæstu menn í Reykjavík. Hann hefur ekki verið á þessum lista áður. Eiríkur greiðir rúmar 106 milljónir króna í opinber gjöld.

Björgólfur Thor ekki á meðal þeirra 20 tekjuhæstu

Ríkasti Íslendingurinn, Björgólfur Thor Björgólfsson, er ekki á meðal hæstu greiðenda opinberra gjalda á Íslandi. Eignir Björgólfs eru metnar vel á þriðja hundruð milljarða íslenskra króna.

Forstjóri Eimskips gjaldahæstur á Reykjanesi

Baldur Örn Guðnason, forstjóri Eimskips, er sá einstaklingur á Reykjanesi sem greiðir hæstu opinberu gjöldin samkvæmt upplýsingum frá skattstjóranum í Reykjanesumdæmi, en Baldur greiðir rúma 121 milljón króna. Í öðru sæti er Páll Breiðdal Samúelsson, fyrrverandi stjórnarformaður Toyota, með rúmar 104 milljónir og Bjarni Ármannsson, fyrrverandi forstjóri Glitnis er í þriðja sæti.

Jakob Valgeir Flosason greiðir hæstu gjöldin á Vestfjörðum

Jakob Valgeir Flosason, útgerðarmaður í Bolungarvík, greiðir hæstu opinberu gjöldin í umdæmi skattstjóra Vestfjarðaumdæmis samkvæmt álagningarskrá sem birt var í morgun. Jakob Valgeir greiðir rúmar 34,4 milljónir króna en Sigurður Guðjónsson, Þingeyri greiðir tæpar 28,4 milljónir króna. Einar Guðmundsson, Bolungarvík, greiðir rúmar 24 milljónir króna.

Magnús Kristinsson er skattakóngur í Vestmannaeyjum

Álagningu opinberra gjalda á einstaklinga í Vestmannaeyjum árið 2007 er lokið. Samtals nema álögð gjöld hátt í kr. 2.300 milljónir á 3178 gjaldendur, auk kr. 592.203 á 68 börn., og nemur hækkunin 5,64 % frá fyrra ári. Magnús Kristinsson er skattakóngur Vestmannaeyja þetta árið og greiðir hann rúmar 32 milljónir í opinber gjöld. Ríflega fjórfalt meira en næsti maður á eftir honum.

Ást og afbrýði

Þjóðin er harmi slegin eftir óhugnalegt morð um hádegisbilið í Reykjavík í gær. Það er algengara en fólk almennt telur að morðingi og fórnarlamb tengist - og eins að ástríða og afbrýðisemi valdi hörmulegum atburðum sem þessum. Helgi Gunnlaugsson afbrotafræðingur settist hjá Sölva í Íslandi í dag.