Forstjóri Eimskips gjaldahæstur á Reykjanesi

Baldur Örn Guðnason, forstjóri Eimskips, er sá einstaklingur á Reykjanesi sem greiðir hæstu opinberu gjöldin samkvæmt upplýsingum frá skattstjóranum í Reykjanesumdæmi, en Baldur greiðir rúma 121 milljón króna. Í öðru sæti er Páll Breiðdal Samúelsson, fyrrverandi stjórnarformaður Toyota, með rúmar 104 milljónir og Bjarni Ármannsson, fyrrverandi forstjóri Glitnis er í þriðja sæti en hann greiðir rúma 71 milljón í opinber gjöld.

Athygli vekur að fjórir hæstu greiðendurnir eru búsettir á Seltjarnarnesi, en í fjórða sæti er Jón Sigurðsson, með 64 milljónir. Aðeins ein kona kemst inn á listann yfir tíu hæstu greiðendur, en Anna Fríða Winther, búsett á Seltjarnarnesi, er í tíunda sæti með rúmar 47 milljónir.

Listinn yfir tíu hæstu greiðendur opinberra gjalda fer hér á eftir:

1. Baldur Örn Guðnason, Seltjarnanesi, kr.121.144.494

2. Páll Breiðdal Samúelsson, Seltjarnarnesi, kr. 104.557.230

3. Bjarni Ármannsson, Seltjarnarnesi, kr. 71.729.123

4. Jón Sigurðsson, Seltjarnarnesi, kr. 64.068.261

5. Steingrímur Wernersson, Kópavogi, kr. 58.464.857

6. Benedikt Sveinsson, Garðabæ, kr. 57.742.512

7. Hilmar R. Konráðsson, Garðabæ, kr. 57.377.358

8. Stefán Egilsson, Hafnarfirði, kr. 51.378.651

9. Ellert Vigfússon, Garðabæ, kr. 48.964.886

10. Anna Fríða Winther, Seltjarnarnesi, kr. 47.517.857