Frestað vegna endurupptöku í Bretlandi

Mál Jóns Ólafssonar gegn Hannesi Hólmsteini Gissurarsyni var tekið fyrir í Héraðsdómi Reykjavíkur í morgun. Héraðsdómur frestaði málinu þar sem enn er beðið endurupptöku málsins í Bretlandi.

Gengislækkun hefur áhrif á leiguverð bíla

Afborganir á bílum í rekstrar- og einkaleigu hækka vegna lækkandi gengis krónunnar og aukinnar verðbólgu. Framkvæmdastjóri Félags íslenskra bifreiðaeigenda segir að einstaklingar gætu þurft að meta stöðuna upp á nýtt því ekki sé svo auðvelt að losna undan samningum.

Enn langt í framkvæmdir við Sundabraut

Vegamálastjóri segir ekki hægt að hefja lagningu Sundabrautar fyrr en hönnun hennar er lokið. Hönnunin getur tekið eitt og hálft ár en ekki verður hafist handa við hana fyrr en ákvörðun liggur fyrir um hvar Sundabrautin á að liggja.

Deildu um bensínálögur

Stjórnarandstæðingar á þingi kröfðust þess í morgun að stjórnvöld lækkuðu álögur á eldsneyti til að draga úr efnahagslegum áhrifum verðhækkana á bensíni. Stjórnarliðar gáfu hins vegar lítið fyrir slíkt.

Mikil aukning félagsmanna

Rúmlega hundrað nýir félagar bættust í Verkalýðsfélag Húsavíkur á fundi stjórnar og trúnaðarráðs fyrr í vikunni. Þetta er rúmlega tífalt meira en venja er til á slíkum fundum.

Bjartsýn á tilboð frá samninganefndum

Samninganefndir Eflingar og Samtaka fyrirtækja í heilbrigðisþjónustu munu hittast á sáttafundi hjá Ríkissáttasemjara klukkan tvö í dag. Þetta er annar samningafundurinn milli samninganefndanna. Álfheiður Bjarnadóttir, talskona ófaglærðra starfsmanna á dvala- og hjúkrunarheimilum, segist bjartsýn á að einhver tilboð komi fram á fundinum.

Ófært fyrir vestan og víða leiðindafærð

Færð á vegum er víða ekki eins og best verður á kosið á þessum öðrum sumardegi ársins samkvæmt upplýsingum frá Vegagerðinni. Þannig er ófært yfir Hrafnseyrarheiði og Dynjandisheiði er þungfær auk þess sem hálkublettir eru á flestum heiðum á Vestfjörðum.

Óttast að laun lækki

Líklegt er að laun lækki en gerviverktaka og atvinnuleysi aukist vegna niðurfellingar takmarkana á vinnuréttindum erlendra verkamanna hér á landi. Þetta segir stjórn og trúnaðarráð Verkalýðsfélags Húsavíkur sem hefur áhyggjur af því að íbúar átta Austur-Evrópuríkja í ESB fá full atvinnuréttindi á við aðra íbúa EES-svæðisins frá 1. maí næst komandi.

Tekjutenging verður ekki afnumin

Siv Friðleifsdóttir heilbrigðisráðherra segist ekki stefna að því að fella niður tekjutengingu almannatryggingabóta. Þetta kemur fram í svari hennar við fyrirspurn Jóhönnu Sigurðardóttur, þingmanns Samfylkingarinnar.

Trassa að fara til tannlæknis

Áttunda hvert ungmenni á aldrinum fimmtán til sautján ára hefur ekki farið til tannlæknis um tveggja ára skeið og helmingur þeirra ekki um þriggja ára skeið.

Nýtt þjónustuver Reykjavíkurborgar

Á mánudaginn opnar Framkvæmdasvið Reykjavíkurborgar þjónustuver í Skúlatúni 2. Nýja þjónustuverið mun taka við helstu verkefnum sem áður var sinnt af fimm minni afgreiðslum sem voru staðsettar í höfuðstöðvum sviðsins. Undirbúningur að stofnun þjónustuversins hefur staðið frá því í september en það er áfangi í skilulagsbreytingum sem unnið hefur verið að í rúmt ár. Almenn afgreiðsla verður lokuð til hádegis í dag vegna breytinganna.

Verið að moka vegi á Vestfjörðum

Á Vesturlandi er snjóþekja á Holtavörðuheiði og Bröttubrekku. Á sunnanverðum Vestfjörðum er þæfingur á heiðum og mokstur stendur yfir. Hálkublettir eru á Steingrímsfjarðarheiði og ófært er um Eyrarfjall en mokstur er hafinn. Þá eru hálkublettir víða á heiðum á Norður- Norðaustur og Austurlandi. Þjóðvegir á Suður- og Suðausturlandi eru greiðfærir.

Stöðvuðu ökuréttindalausan ökumann

Tveir hassmolar fundust í bíl sem lögreglan í Keflavík stöðvaði í Garðinum í gærkvöldi. Þeir sem voru í bílnum viðurkenndu að eiga efnið og höfðu ætlað það til eigin nota.

Tveir menn handteknir vegna gruns um innbrot

Lögreglan í Reykjavík handtók tvo menn nú í morgunsárið sem grunaðir eru um innbrot á Njálsgötunni. Þá var einnig brotist inn á tveimur öðrum stöðum í miðborginni í nótt en margt bendir til að sömu menn hafi verið þar á ferð. Lögreglan er með mennina til yfirheyrslu en frekari upplýsingar liggja ekki fyrir að svo stöddu.

Örninn er lentur

Tökur á þriðju sjónvarpsþáttaröðinni um dansk-íslenska lögreglumanninn, Hallgrím Örn Hallgrímsson, fara nú fram hér á landi og er gert ráð fyrir að þær standi yfir í 16 daga. Byrjað er í Vestmannaeyjum.

Íbúar í Reykjavík fyrir 874

Árið 871, eða tveimur árum fyrr eða síðar, bjó í Reykjavík fólk sem hafði reist þar varanlegt mannvirki. Ingólfur Arnason á að hafa sest hér að fyrstur manna 874, eins og segir í sögubókunum. En fornleifarannsóknir í Aðalstræti sýna að hér voru menn fyrr á ferðinni.

Íslandsmeistarinn í blómaskreytingum karlkyns

Eini karlkyns þátttakandinn í Íslandsmeistarakeppninni í blómaskreytingum bar sigur úr býtum í keppninni sem fram fór í Hveragerði í dag. Einnig voru þar afhent Garðyrkjuverðlaunin fyrir árið 2006 og Umhverfisverðlaun Hveragerðisbæjar.

Markmiðið að koma í veg fyrir fjölgun innflytjenda

Ásgeir Hannes Eiríksson, sem hvatt hefur til stofnunar þjóðernisflokks á Íslandi, með það að markmiði að koma í veg fyrir fjölgun innflytjenda til Íslands, segist hafa fengið mjög jákvæð viðbrögð fólks við tillögu sinni. Skoðanakönnun Gallups sýnir að ríflega 32% þjóðarinnar væru reiðubúin að kjósa slíkan flokk.

Íslenskur maður enn í gæsluvarðhaldi í Burnley

Máli íslensks karlmanns, sem grunaður er um að hafa tælt enska stúlku á netinu, hefur verið vísað á æðra dómstig í Englandi. Maðurinn hefur setið í gæsluvarðhaldi frá því í febrúar.

Ferðastyrkjum úr Vildabörnum úthlutað

25 börn og fjölskyldur þeirra fengu í dag ferðastyrk úr sjóðnum Vildarbörn Icelandair og hefur aldrei verið úthlutað til jafn maargra. Flestar fjölskyldurnar eru íslenskar en nú fær tvær fjölskyldur, frá Danmörku og Englandi, styrk úr sjóðnum.

Fluttur á Fjórðungssjúkrahúsið á Akureyri

Óskað var eftir aðstoð björgunarsveita vegna vélsleðaslyss sem varð í Gjástykki suður af Húsavík kl. 11 í morgun. Karlmaður fór þar á vélsleða sínum fram af klettavegg. Hann reyndist illa brotinn á handlegg og var fluttur á Fjórðungssjúkrahúsið á Akureyri þar sem hann gengst undir aðgerð á hendi.

Efling ályktar til stuðnings ófaglærðum á hjúkrunarheimilum

Fjölmennur félagsfundur Eflingar-stéttarfélags beindi því í gærkvöldi til samninganefndar hjúkrunarheimila og heilbrigðis- og fjármálaráðuneytis að ganga þegar í stað að kröfum launafólks á vinnustöðunum til að koma í veg fyrir fjöldauppsagnir ófaglærðra starfsmanna.

Aðeins tímaspursmál að þjóðernisflokkur yrði stofnaður

Dósent í stjórnmálafræði segir að það komi ekki á óvart að menn hyggi á að stofna þjóðernisflokk hér á landi líkan þeim sem þekkjast í nágrannalöndunum, slíkt hafi aðeins verið tímaspursmál. Hann segir að frekar beri að nýta kraft nýrra Íslendinga en að efna til ófriðar við þá.

Hátíðahöld víða um land í tilefni sumarkomu

Ætla má að brúnin sé farin að lyftast á flestum landsmönnum því sumartíð með blóm í haga er framundan. Fyrsti dagur sumars er einmitt í dag og verður hann haldinn hátíðlegur víða um land. Vetur og sumar frusu saman í nótt sem sagt er að boði hlýtt sumar.

Ríkissjóður varð að kyngja verulegri vaxtahækkun

Ríkissjóður varð að kyngja verulegri vaxtahækkun á lánum sem hann tók í tilboðum í gær. Lánin voru upp á einn og hálfan milljarð.

Örlög Varnarliðsins ráðin þegar Davíð hætti

Örlög Varnarliðsins á Keflavíkurflugvelli voru ráðin þegar Davíð Oddsson gekk úr ríkisstjórninni, því að mati Bandaríkjamanna var Bush forseti þá ekki lengur bundinn af persónulegum loforðum við Davíð, segir John Vinocur dálkahöfundur The New York Times.

Kappakstur á Akureyri

Lögreglan á Akureyri batt enda á kappakstur tveggja sautján ára ökumanna á Hörgárbraut upp úr miðnætti í nótt. Annar var á 115 kílómetra hraða en hinn á 103 kílómetra hraða þar sem hámarkshraði er 50. Þá stöðvaði lögreglan í Keflavík ökumann á 166 kílómetra hraða á Reykjanesbraut í gærkvöldi.

BÍ mótmælir frumvarpi dómsmálaráðherra

Aðalfundur Blaðamannafélags Íslands í gærkvöldi mótmælti harðlega fyrirætlunum um að þrengja starfsskilyrði blaðamanna sem fram koma í frumvarpi dómsmálaráðherra um breytingar á lögum um dómstóla.

Vélsleðaslys í Gjástykki

Óskað var eftir aðstoð björgunarsveita vegna vélsleðaslyss sem varð í Gjástykki suður af Húsavík kl. 11 í morgun. Karlmaður fór þar á vélsleða sínum fram af klettavegg og samkvæmt upplýsingum frá lögreglu mun hann hafa handleggsbrotnað.

Vetur og sumar frusu saman í nótt

Sumardagurinn fyrsti verður haldinn hátíðlegur víða um land í dag, þar á meðal í flestöllum hverfum Reykjavíkur. Þess má geta að vetur og sumar frusu saman í nótt sem sagt er að boði hlýtt sumar.

Fólskuleg árás í Laugardal

Maður réðst fólskulega á fimmtán ára stúlku og sló hana í höfuðið með hafnarboltakyldu í Laugardal í gærkvöld. Mannsins er enn leitað.

Kemur ekki á óvart að menn hyggi á þjóðernisflokk

Dósent í stjórnmálafræði segir að það komi ekki á óvart að menn hyggi á að stofna þjóðernisflokk hér á landi líkan þeim sem þekkjast í nágrannalöndunum, slíkt hafi aðeins verið tímaspursmál. Hann segir að frekar beri að nýta kraft nýrra Íslendinga en að efna til ófriðar við þá.

Mótmælir harðlega frumvarpi um breytingar á lögum um dómstóla

Aðalfundur Blaðamannafélags Íslands samþykkti einróma á fundi sínum í kvöld harðorða ályktun vegna frumvarps dómsmálaráðherra um breytingar á lögum um dómstóla.

Ættu að taka 3X Stál sér til fyrirmyndar

Íslendingar ættu að horfa til fyrirtækja eins og Þriggja Ex Stáls í umræðunni um byggðastefnu landsins. Þetta sagði Ólafur Ragnar Grímsson við afhendingu Útflutningsverðlauna forseta Íslands á Bessastöðum í dag.

Engin ákvörðun um legu Sundabrautar fyrir kosningar

Ekki verður tekin ákvörðum um hvar Sundabraut á að liggja fyrir borgarstjórnarkosningarnar í vor. Málið er nú í samráðsnefnd en niðurstöðu hennar er ekki að vænta fyrr en í fyrsta lagi í sumar.

Enn hækkar verð á bensíni

Verð á bensíni heldur áfram að hækka og hefur lítrinn af 95 oktana bensíni hækkað um rúmar 16 krónur frá áramótum. Ekki er útlit fyrir að verðið eigi eftir að lækka í bráð þar sem heimsmarkaðsverð heldur áfram að hækka og krónan að veikjast.

Áslaug og Sigrún hlutu barnabókaverðlaun menntaráðs

Áslaug Jónsdóttir og Sigrún Árnadóttir hlutu í dag barnabókaverðlaun menntaráðs Reykjavíkur fyrir árið 2006. Verðlaunin voru veitt við hátíðlega athöfn í Höfða í dag, en þetta var í þrítugasta og fjórða sinn sem það er gert.

Steingrímur aftur til starfa á þingi

Steingrímur J. Sigfússon, formaður Vinstrihreyfingarinnar - græns framboðs, sneri aftur til starfa á þingi í dag þegar þingið kom saman eftir viku páskafrí. Eins og kunnugt er slasaðist Steingrímur töluvert í bílslysi í Húnavatnssýslu um miðjan janúar þegar bíll hans valt í Bólstaðarhlíðarbrekku.

Svifryk 19 sinnum yfir heilsuverndarmörk það sem af er ári

Svifryk hefur farið 19 sinnum yfir heilsuverndarmörk í Reykjavík það sem af er árinu en allt árið í fyrra fór það 21 sinni yfir mörkin. Þetta kemur fram í tilkynningu frá umhverfssviði Reykjavíkurborgar.

Stefna á meirihluta í bæjarstjórn

Sjálfstæðismenn á Akranesi vonast til að ná meirihluta í bæjarstjórn í fyrsta skipti í meira en 60 ár. Til að auka möguleika sína á því hafa þeir fengið Gísla S. Einarsson, fyrrum þingmann Samfylkingarinnar, til að vera bæjarstjóraefni sitt.

Blása í herlúðra gegn hlutafélagavæðingu RÚV

Samfylkingin blés í dag í herlúðra til baráttu gegn frumvarpi ríkisstjórnarinnar um hlutafélagavæðingu Ríkisútvarpsins. Frumvarpið var tekið til annarrar umræðu á þingi í dag en öll stjórnarandstaðan er efnislega á móti frumvarpinu. Búast má við miklum ræðuhöldum um málið fram á miðnætti og þegar þingið kemur aftur saman á föstudag.

Forysta Framsóknarflokksins gengur ekki í takt

Kristinn H. Gunnarsson og það að flokksforystan gengur ekki í takt er helsti vandi Framsóknarflokksins í dag segir Hjálmar H. Árnason, formaður þingflokks Framsóknar. Skoðanakannanir sýna að flokkurinn tapar miklu fylgi í hverju sveitarfélaginu á fætur öðru.

Flugvöllurinn burt og göng um Öskjuhlíð

Öskjuhlíðargöng, Sundabraut, gjaldfrjáls leikskóli og þjónustutrygging fyrir aldraða eru meðal kosningaloforða Samfylkingarinnar í Reykjavík fyrir komandi kosningar. Þá verði flutningur flugvallarins undirbúinn á kjörtímabilinu.

Gengið hrapar

Íslenska krónan hefur fallið um rúm þrjátíu prósent frá áramótum. Gengisfall krónunnar hélt áfram í dag sem og gengi bréfa í Kauphöll Íslands, mest í FL Group eða um fimm komma fimm prósent.

Umferðarslys á Reykjanesbraut

Tveir vörubílar rákust saman á Reykjanesbrautinni rétt um klukkan fimm í dag. Bílarnir komu úr gagnstæðum áttum og voru bílstjórar þeirra fluttir á slysadeild þar sem þeir eru nú í rannsókn. Samkvæmt vakthafandi lækni á Slysadeild eru mennirnir ekki í bráðri lífshættu. Mikil umferðarteppa myndaðist við slysstað og var veginum lokað um tíma. Reykjanesbrautin er enn lokuð til norðurs og býst lögreglan í Hafnarfirði við því að hann verði opnaður aftur um klukkan sjö.