Aftur óvissustig á Landspítalanum

Síðdegis í gær var ákveðið að grípa á ný til þess að virkja viðbragðsáætlun Landspítalans og setja hann á óvissustig.

Rafmagn áfram skammtað á Vestfjörðum

Nauðsynlegt er að skammta rafmagn á norðanverðum Vestfjörðum í dag líkt og gera þurfti í gær.

Björgunarsveitir víða að störfum á Norðurlandi

Björgunarsveitir á Norðurlandi voru víða að störfum síðdegis í gær og fram á kvöld. Veður var slæmt á Húsavík seinnipartinn en þar sinnti Björgunarsveitin Garðar nokkrum aðstoðarbeiðnum að því er segir í tilkynningu frá Landsbjörgu.

Beatrix drottning Hollands segir af sér, sonur hennar tekur við

Beatrix drottning Hollands hefur sagt af sér embætti. Sonur hennar, hinn 45 ára gamli Willem Alexander, tekur við sem konungur Hollands. Hann verður fyrsti konungur landsins undanfarin 122 ár.

Forsetaþotan í Malawi er til sölu

Stjórnvöld í Malawi ætla að selja forsetaþotu landsins og hafa óskað eftir tilboðum í hana. Um er að ræða 14 sæta Dassault Falcon einkaþotu en sala hennar á að létta undir með rekstri ríkissjóðs.

Frakkar tryggja yfirráð sín í Timbuktu

Hersveitir undir stjórn Frakka hafa tryggt yfirráð sín yfir borginni Timbuktu í Malí en borgin var frelsuð úr höndum íslamista í gærdag án teljandi bardaga.

Lögreglan fann 12 lík í brunni í Mexíkó

Lögreglan í Nuevo Leon í Mexíkó hefur fundið 12 lík í brunni í bænum Mina. Staðfest hefur verið að fjögur þeirra eru af meðlimum hljómsveitarinnar Kombo Kolombia sem rænt var fyrir síðustu helgi.

Mest eftirprentaða málverk sögunnar á uppboð

Málverkið Kínverska stúlkan fer brátt á uppboð en málverk þetta er það verk í sögunni sem flestar eftirprentanir hafa verið gerðar af.

Þrotabú Landsbankans greiðir Icesave

Sigur Íslands í málinu þýðir að þrotabú Landsbankans mun halda áfram að greiða Icesave-skuldina.

Tilskipunin enn þá í gildi í ESB

Framkvæmdastjórn málefna innri markaðar hjá ESB telur tilskipun sambandsins um innstæðutryggingar í fullu gildi gagnvart aðildarríkjum ESB, þrátt fyrir Icesave-dóminn. Þetta segir í tilkynningu frá talsmanni Michel Barnier framkvæmdastjóra.

Óeirðir hafa kostað tugi lífið

Meira en fimmtíu manns hafa látist í óeirðum í Egyptalandi síðan á fimmtudag í síðustu viku. Í gær beitti lögreglan táragasi á mótmælendur í höfuðborginni Kaíró.

Brenndu fornar bækur í Timbuktu

Herskáir íslamistar, tengdir samtökunum al-Kaída, hafa undanfarna tíu mánuði beitt af mikilli hörku strangtrúartúlkun sinni á lögum íslams í norðurhluta Malí, sem þeir náðu á sitt vald á síðasta ári.

“Það má kalla það dómgreindarskort“

Steingrímur J. Sigfússon, atvinnuvegaráðherra og fyrrverandi fjármálaráðherra, sagði að sín mistök í Icesave-málinu fælust í því að hafa vanmetið hversu pólitískt flækjustig Icesave-málsins, en hann var meðal gesta í beinni útsendingu í Íslandi í dag á Stöð 2 í kvöld.

Annasamt hjá björgunarsveitum

Síðdegis í dag og í kvöld hafa björgunarsveitir á Norðurlandi verið að störfum. Veður var slæmt á Húsavík seinnipartinn en þar sinnti Björgunarsveitin Garðar nokkrum aðstoðarbeiðnum, m.a. var þak að fjúka, tré að falla og grindverk losnaði á byggingarsvæði.

Áfengisdauðir úti á miðri götu

Lögreglunni á Suðurnesjum var í fyrrinótt tilkynnt um að maður væri liggjandi fram á stýri kyrrstæðrar bifreiðar á miðri akbraut í Keflavík.

Einn hópnauðgarinn undir aldri - fær þrjú ár í versta falli

Indverskir dómstólar hafa úrskurðað að einn af karlmönnunum, sem eru ákærðir fyrir að hópnauðga og myrða 23 ára stúdent á Indlandi, sé undir lögaldri og verður því réttað yfir honum sem unglingi.

Barði skemmtistað með spýtu

Lögreglunni á Suðurnesjum var tilkynnt um helgina að maður væri að berja og brjóta rúður á skemmtistað í umdæminu með spýtu.

Kremþjófur handsamaður

Lögreglunni á Suðurnesjum var tilkynnt um þjófnað úr verslun í umdæminu um helgina.

Fékk stálbita í andlitið

Það óhapp varð um borð í bát á Suðurnesjum í dag að einn skipverja fékk stálbita í andlitið. Maðurinn stóð fyrir aftan annan skipverja sem hélt á stálbitanum.

Kaldhæðnislegt að ekki megi leita sökudólga

Geir Haarde, fyrrverandi forsætisráðherra, segir það kaldhæðnislegt að Jóhanna Sigurðardóttir forsætisráðherra vari við því að sökudólga yrði leitað, nú þegar Icesave hefur verið leitt til lykta.

Vilborg Arna: Hugsaði aldrei um að hætta

"Þráin eftir að komast á Suðurpólinn var bara svo sterk að ég hugsaði aldrei um að hætta."

Björgólfur Thor: Þjóðin datt í rifrildi og gleymdi staðreyndunum

"Svona er þetta búið að vera, Landsbankamenn hafa farið með veggjum, meðal annars gjaldkerar bankans,“ sagði Björgólfur Thor Björgólfsson, fyrrverandi aðaleigandi Landsbankans, en félagarnir í Reykjavík síðdegis ræddu við hann í dag eftir að hann birti harðorðan pistil á vef sínum.

Draumurinn úti - Júlli var borinn út í dag

"Þeir eru að bera mig út úr mínu eigin húsnæði, ég á þetta skuldlaust," sagði Júlíus Þorbergsson, kenndur við búð sína, Drauminn, en Júlli var borinn út úr draumnum síðdegis í dag.

Dagur Kári og Danirnir fimm horfa til Hollywood

Sex kvikmyndaleikstjórar frá Norðurlöndunum hafa tekið höndum saman og leggja á ráðin um samnorræna sókn inn á bandarískan kvikmyndamarkað. Íslenski leikstjórinn Dagur Kári Pétursson er þeirra á meðal.

Aðallögfræðingur Íslands situr fyrir svörum

Vísir er með beina útsendingu frá blaðamannafundi lögfræðiteymis Íslendinga. Blaðamannafundurinn fer fram í Þjóðmenningarhúsinu og hefst klukkan korter í fimm. Smelltu hér til að sjá fundinn.

Birgir bálreiður: Ríkisstjórnin þarf að líta í eigin barm

"Það hlýtur að vera mikill léttir að hafa fengið þá niðurstöðu sem EFTA-dómstóllinn kynnti í morgun,“ sagði Birgir Ármannsson, þingmaður Sjálfstæðisflokksins, í umræðum um dóminn sem féll í morgun. Þar var Ísland sýknað af öllum kröfum ESA.

Hundleiðinlegi gluggapósturinn kemur ekki aftur inn um lúguna

"Hvað mig varðar þá bjó ég mig undir það versta en vonaði það besta. Ég held að flestir Íslendingar hafi upplifað það þannig," sagði Guðmundur Steingrímsson, þingmaður Bjartrar framtíðar, á Alþingi í dag. Nú fer fram umræða um dóm EFTA-dómstólsins frá því morgun, þar sem íslenska ríkið var sýknað af öllum kröfum ESA.

Birgitta vill grafa stríðsöxina í dag

Birgitta Jónsdóttir, þingmaður Hreyfingarinnar, sagði að sigur í Icesave málinu væri mikilvægur og ylli sér mikilli gleði. Hún sagðist hafa orðið djúpt snortin þegar hún heyrði að Íslendingar hefðu unnið málið fyrir EFTA dómstólum.

Þakklæti til forsetans efst í huga Sigurjóns

Sigurjón Þorvaldur Árnason, fyrrverandi bankastjóri Landsbankans, segir að niðurstaða EFTA dómstólsins sé í takti við það sem hann hafði átt von á. Öllum kröfum ESB, ESA, Eftirlitsstofnunar EFTA, Breta og Hollendinga á hendur Íslendinum var hafnað. Hitt sem sé að koma, sem hafi verið á hreinu í sínum huga, er að eignir Landsbankans muni duga fyrir innistæðum á Icesave og meira til. Áætlað sé að eignir þrotabúsins séu um 200 milljörðum meira en kröfurnar.

Össur á Alþingi: Til hamingju Ísland

"Við eigum að læra af þessu við stjórnmálamennirnir sem hérna sitjum. Samstaðan, þegar upp er staðið, skilar bestu árangri fyrir Ísland,“ sagði Össur Skarphéðinsson, utanríkisráðherra, á Alþingi í dag þegar rætt var um dóm EFTA-dómstólsins frá því morgun.

Dómurinn sigur í baráttunni gegn ríkisábyrgð

Gunnlaugur Jónsson fjármálaráðgjafi segir að dómur EFTA-dómstólsins í dag sé sigur í baráttunni gegn ríkisábyrgð á bönkum. Gera ætti 28. janúar að baráttudegi gegn ríkisábyrgð. Lærdómur bankahrunsins sé að afnema skuli alla slíka ríkisábyrgð. "Ef tilefni er til að breyta stjórnarskrá vegna bankahrunsins, ætti að banna öll framlög ríkisins til bankastarfsemi,“ segir Gunnlaugur Jónsson.

Björk í skýjunum yfir Icesave-dómnum

"Hamingjuóskir til íslensku þjóðarinnar vegna sigursins í Icesave-málinu!! Það gefur mér von að við þurfum ekki að borga fyrir glæpi nokkra bankamanna!! Réttlætið nær öðru hvoru fram að ganga,“ skrifar söngkonan Björk Guðmundsdóttir á Facebook-síðu sína í dag.

Sigur Íslands í brennidepli út um allan heim

Fjölmargir erlendir fjölmiðlar fjalla um sigur Íslands í Icesave-málinu í morgun. Danska ríkisútvarpið segir í fyrirsögn að Íslendingar hafi sloppið við að borga milljarða og breska ríkisútvarpið fer yfir málið ítarlega.

Toyota aftur stærst

Toyota náði aftur toppsætinu af General Motors sem stærsti bílaframleiðandi heims fyrir liðið ár en GM var stærst árið 2011. Toyota hafði haldið titlinum þar á undan í þrjú ár, þ.e. frá 2008 til 2010, en í 77 ár þar á undan hafði GM verið stærsti bílaframleiðandi í heimi. Í fyrra seldi Toyota 9,75 milljón bíla, GM 9,29 og Volkswagen 9,07. Vöxtur Toyota í fyrra frá árinu á undan var mjög mikill, eða 23% en sala Daihatsu, Hino og Lexus teljast með þar sem Toyota á þau öll. Þessi mikla söluaukning skýrist að talsverðum hluta af lítilli sölu Toyota árinu áður vegna stóra jarðskjálftans í Japan sem hamlaði mjög framleiðslunni það ár. Sala Toyota í Evrópu óx aðeins um 2%, en um 27% í Bandaríkjunum. Í Japan óx salan um heil 35%, en hún minnkaði hinsvegar í Kína, ekki síst vegna milliríkjadeilu Japan og Kína um yfirráð yfir smáeyjum í A-Kínahafi. Toyota áætlar að selja 9,91 milljón bíla í ár. Japanska jenið hefur fallið um ríflega 5% sl. mánuð og gæti frekara fall gjaldmiðilsins hjálpað Toyota mjög að selja bíla utan heimalandsins í ár.

Dómurinn nauðsynlegur

"Dómur EFTA dómstólsins sem var kveðinn upp í dag var nauðsynlegur í þeim tilgangi að skýra mikilvægt álitamál samkvæmt EES-rétti og til að útkljá málið í samræmi við reglur EES-réttar." segir Oda Helen Sletnes, forseti Eftirlitsstofnunar EFTA.

Björgólfur Thor: Grýla gamla er loksins dauð!

"Allt það fólk sem tengdist Landsbankanum þurfti að sitja undir ákúrum um föðurlandssvik og ætlast var til að það færi með veggjum, á meðan pólitíkusar börðu sér á brjóst og kepptust við að yfirbjóða hver annan í fáránlegum yfirlýsingum. Hvílíkt óréttlæti!," segir Björgólfur Thor Björgólfsson, fyrrverandi aðaleigandi Landsbankans, í pistli á heimasíðu sinni í dag.

Steingrímur: Ættum við að vera í góðu skapi í 1 til 2 daga

Steingrímur J. Sigfússon, formaður Vinstri Grænna og atvinnuvegaráðherra, segist gleðjast yfir því að "þessu ólánsmáli sé nú lokið“. Hann ávarpaði blaðamenn í Utanríkisráðuneytinu í morgun.

Leiðrétting

Ranglega var haft eftir Oddnýju G. Harðardóttur, þingmanni Samfylkingarinnar, í hádegisfréttum í gær að hún hefði sagt að ummæli Ólafs Ragnars Grímssonar forseta Íslands um Gordon Brown væru óheppileg. Hið rétta er Oddný var að tala um að það væri óheppilegt ef forseti Íslands og aðrir fulltrúar íslenska stjórnvalda væru að lýsa opinberlega ólíkri afstöðu til utanríkisstefnu Íslands almennt. Orðin voru upphaflega látin falla í þættinum Sprengisandi á Bylgjunni.

Stórkostleg niðurstaða

"Þetta er stórkostleg niðurstaða. Við vinnum þetta mál í öllum liðum,“ sagði Bjarni Benediktsson, formaður Sjálfstæðisflokksins, um niðurstöðuna í Icesave-málinu. Ísland vann fullnaðarsigur.

Samstillt málsvörn í málinu

"Þessi niðurstaða er afskaplega góð, hún er afskaplega mikilvæg. Við lögðum upp með það að vera með samstillta málsvörn í málinu,“ sagði Árni Páll Árnason, starfandi formaður utanríkismálanefndar, í viðtali í beinni útsendingu á Árni Páll benti á það að strax árið 2008 hafi það verið markmið íslenskra stjórnvalda að fá efnisdóm um málið en illa hefði verið tekið í það. Síðan hefði ESA, eftirlitsstofnun Eftirlitsstofnun efta, opnað á það að málið færi fyrir dóm. "Menn voru ekkert voða hrifnir af því,“ sagði hann. En af hálfu Íslands hefðu samningar alltaf verið neyðarbraut.

"Við höldum veislu“

"Við höldum veislu, sagði Össur Skarphéðinsson utanríkisráðherra þegar hann var spurður að því hvað tæki við núna hjá Íslendingum eftir að niðurstaða lá fyrir í Icesave- málinu. Ísland vann fullnaðarsigur í málinu og ekki tekið tillit til krafna ESA, eftirlitsstofnunar EFTA, Breta og Hollendinga. Dómurinn er endanlegur

Enn margir í einangrun

Enn eru margir í einangrun á Landspítalanum vegna smithættu. Þegar viðbragðsstjórn spitalans kom saman í gær voru 38 í einangrun en 36 á laugardaginn. Viðbragðsstjórn Landspítala kemur aftur saman í hádeginu í dag.

Bannað að fá skráningarnúmerið GAYGUY

James Cyrus Gilbert III, sem er samkynhneigður, hefur verið neitað um skráningarnúmerið GAYGUY á bíl sinn í Georgíufylki í Bandaríkjunum. Hann hefur einnig sótt um skráningarnúmerin 4GAYLIB og GAYPWR en einnig verið neitað um þau. Því hefur hann farið í mál við Georgia Department of Driver Services á grundvelli þess að tjáningarfrelsi hans sé heft með neitun stofnunarinnar. Í lögum í Georgíu varðandi skráningarplötur á bílum kveður á um bann við blótsyrðum, orðfæri sem sært gæti blygðunarkennd fólks eða hæðir fólk. Einnig er bann við trúarlegum skilaboðum, kynþáttar- eða þjóðernistengdum skilaboðum sem og hégómlegum. Engu að síður hafa skráningarplötur eins og HATERS, BLKBUTI og JESUS4U fengist skráð og er á það bent með kærunni sem James hefur lagt fram. Yfirvöld í Georgíufylki hafa viðurkennt að erfitt sé að fylgja þeim lögum sem um skráningarnúmerin gilda og mikið ósamræmi sé á túlkun þeirra og að ógerningur sé að gæta sjónarmiða hlutleysis. Í því ljósi er ólíklegt að stofnunin vinni málið og því er líklegt að James geti brátt ekið um götur fylkisins með skráningarnúmerið GAYGUY.

Sigurvegarar SAG-verðlaunanna

Það voru þau Daniel Day-Lewis og Jennifer Lawrence sem voru sigurvegarar gærkvöldsins þegar SAG-verðlaunin (Screen Actors Guild Awards) voru veitt við hátíðlega athöfn í Los Angeles.

Harmleikur á Kópaskeri: Varð úti eftir þorrablót

Karlmaður um fertugt fannst látinn við heimili sitt á Kópaskeri í gærmorgun. Lögreglan á Húsavík fer með rannsókn málsins og segir Sigurður Brynólfsson, yfirlögregluþjónn, í samtali við fréttastofu að málið sé ekki rannsakað sem sakamál. Á laugardagskvöldið var þorrablót í bænum og er talið að maðurinn hafi orðið úti á leið sinni heim af blótinu. Mjög vont veður var þessa nótt að sögn Sigurðar, stórkrapahríð og kuldi. Ekki er hægt að greina frá nafni mannsins að svo stöddu.