Múslímskir harðlínumenn leiða uppreisnarmenn

Talið er að hópur múslímskra harðlínumanna hafi leitt árás uppreisnarmanna á herstöð við stórborgina Aleppo í norðurhluta Sýrlands í gær.

Barnamaraþon á þriðjudaginn

Barnamaraþon alþjóðasamtakanna Save the Children verður haldið í fyrsta sinn á Íslandi á þriðjudaginn. Þá er alþjóðlegur dagur fæðu og næringar. Hlaupið kallast Kapphlaupið um lífið, eða Race for Survival og fer fram í 40 löndum í ár. Rúmlega 20 þúsund börn taka þátt í hlaupinu. Þau vilja vekja athygli á baráttunni gegn hungri og þætti hungurs og vannæringar í fjölda barnadauða á hverju ári. Hlaupið er ákall til stjórnvalda og ráðamanna um að leggja sitt af mörkum til að koma í veg fyrir barnadauða af viðráðanlegum orsökum.

Sló í brýnu milli mótmælenda

Það sló í brýnu milli fylgismanna Mohammed Mursi, forseta Egyptalands, og andstæðinga hans á Frelsistorginu í Kaíró í dag. Forsetinn hefur verið harðlega gagnrýndur fyrir að hafa beitt forsetatilskipun um að ríkissaksóknari Egyptalands yrði gerður að erindreka landsins í Páfagarði.

Lík fannst í fjörunni við Reykjanesbæ

Lík fannst í fjörunni við Reykjanesbæ í dag. Lögreglan á Suðurnesjum verst allra frétta af málinu, en Vísir hefur fengið þær upplýsingar að fréttatilkynning verði send út klukkan fjögur í dag.

Enn á sjúkrahúsi eftir hnífsstungu í Bankastræti

Karlmaður á þrítugsaldri sem stunginn var með eggvopni í Bankastræti rétt upp úr miðnætti, er enn á sjúkrahúsi, en félagi hans, sem líka hlaut áverka í árásinni hefur verið útskrifaður. Lögregla rannsakar málið sem sem alvarlega líkamsárás.

Dópaður ökumaður gaf upp nafn systur sinnar

Rösklega þritug kona hefur verið ákærð fyrir að aka bíl undir áhrifum amfetamíns skammt frá Háaleitisbraut í október í fyrra og án öryggisbeltis. Þegar lögreglan hafði afskipti af konunni gaf hún upp nafn systur sinnar. Hegðun konunnar varð til þess að systir hennar var sökuð um brotið og boðið að gangast undir lögreglusátt. Brot konunnar varðar við almenn hegningarlög.

Súðvíkingar fá aðstoð vegna jarðvegseldanna

Ríkisstjórnin mun styrkja Súðarvík um tíu milljónir króna vegna kostnaðar af slökkvistarfi þegar jarðvegseldar kviknuðu í Laugardal í Ísafjarðardjúpi í sumar. Eins og Vísir greindi frá, ekki alls fyrir löngu, nemur heildarkostnaður um 20 milljónum króna. Eldurinn logaði á fjórtán hektara svæði en hann kviknaði út frá grilli, að talið er.

Hlutverk sálusorgarans tekur sinn toll

Hreint hjarta, verðlaunamynd Gríms Hákonarsonar frá Skjaldborgarhátíðinni í vor, verður sýnd í Bíó Paradís í kvöld.

Boða byltingu í greiningu brjóstakrabbameins

Áætlað er að um fjörutíu þúsund konur látist úr brjóstakrabbameini árlega. Bandarískt nýsköpunarfyrirtæki boðar nú byltingu í greiningu sjúkdómsins. Breast Tissue Screening Bra býður upp á stöðuga skimun eftir æxlum og öðrum einkennum krabbameins.

Bleiki dagurinn í dag

Bleiki dagurinn 2012 er haldinn um allt land í dag og voru landsmenn um allt land hvattir til að klæðast einhverju bleiku eða hafa bleikt í fyrirrúmi á Bleika deginum til tákns um samstöðu í baráttunni gegn krabbameinum hjá konum. Leikskólakrakkar á Grænuborg létu sitt ekki eftir liggja eins og sjá má á myndinni sem fylgir þessari frétt.

Hættur að drekka kókómjólk eftir árekstur

Umferðaróhapp varð við Merkigerði á Akranesi í gærkvöldi en samkvæmt upplýsingum frá lögreglu var bifreið ekið á mannlausa og kyrrstæða bifreið sem staðsett var út í vegkanti. Bílarnir skemmdust talsvert en eru þó óökuhæfir.

450 þúsund krónum fátækari vegna ölvunaraksturs

Héraðsdómur Vestfjarða hefur dæmt ökumann á þrítugsaldri til ökuleyfissviftingar í 14 mánuði og til greiðslu sektar upp á 210 þúsund krónur og til greiðslu sakarkostnaðar upp á rúmlega 240 þúsund krónur, eða samtals rúmlega 450 þúsund krónur. Dóminn hlaut maðurinn fyrir akstur undir áhrifum ífíkniefna í tvígang, með aðeins nokkurra daga millibili.

Fatlaðir kjósendur fá að velja sér aðstoðarmann

Fatlaðir kjósendur hafa nú með tilteknum skilyrðum sjálfir rétt til að ákveða hver aðstoðar þá við atkvæðagreiðslu utan kjörfundar og á kjörfundi. Lög þar um voru samþykkt á Alþingi í gær.

Helgi Hjörvar vill leiða annað kjördæmið í Reykjavík

Helgi Hjörvar, þingmaður Samfylkingarinnar, hefur ákveðið að sækjast eftir öðru sætinu í sameiginlegu prófkjöri Samfylkingarinnar fyrir Reykjavíkurkjördæmin og þar með eftir forystu í öðru kjördæminu.

ESB handhafi friðarverðlauna Nóbels

Evrópusambandið hlýtur friðarverðlaun Nóbels í ár. Þetta tilkynnti norska Nóbelsnefndin fyrir skömmu. Formaður nefndarinnar sagði að Evrópusambandið hafi á síðustu sex áratugum stuðlað að auknum friði í Evrópu og lýðræðisumbótum. Þá hafi sambandinu tekist að breyta Evrópu í heimsálfu friðar eftir margra áratuga átök.

Weiwei segir Nóbelsverðlaunin í bókmenntum vera brjálæði

Hinn þekkti kínverski lista- og andófsmaður Ai Weiwei segir að það hafi verið brjálæði að veita kínverska rithöfundinum Mo Yan bókmenntaverðlaun Nóbels í ár.

Ökumaður slasaðist í bílveltu á Reykjanesbraut

Ökumaður slasaðist, en ekki lífshættulega, þegar bíll hans valt út af Reykjanesbraut í lúmskri hálku laukst fyrir klukkan sex í morgun.

Krúnudjásnum Ghana stolið af hóteli í Osló

Norska lögreglan rannsakar nú þjófnað á hluta af krúnudjásnum konungsins af Ghana en þeim var rænt af hótelherbergi konungsins í Osló.

Neistaflug í sjónvarpseinvígi varaforsetaefnanna

Óhætt er að segja að bandarískum sjónvarpsáhorfendum hafi verið boðið upp á mikið neistaflug þegar varaforsetaefnin Joe Biden og Paul Ryan tókust á í fyrsta sjónvarpseinvígi sínu.

Sacha Baron Cohen á að leika Freddy Mercury

Ákveðið hefur verið að gamanleikarinn Sacha Baron Cohen, best þekktur sem persónan Borat, taki að sér hlutverk Freddy Mercury í nýrri kvikmynd um þennan litríka söngvara hljómsveitarinnar The Queen.

Romney eykur forskot sitt á Obama

Ný skoðanakönnun á vegum Reuters/Ipsos sýnir að Mitt Romney hefur aukið forskot sitt á Barack Obama á landsvísu í kosningabaráttuni um forsetaembætti Bandaríkjanna.

Stóraukin tíðni heilablóðfalla hjá ungu fólki

Ný rannsókn sýnir að ungt fólk í Bandaríkjunum fær heilablóðfall í síauknum mæli en hingað til hefur slíkt nær eingöngu hrjáð fólk sem komið er á efri ár.

Upprættu kannabisræktun í Hafnarfirði

Lögreglan upprætti kannabisræktun í heimahúsi í Hafnarfirði seint í gærkvöldi.

Þrjú innbrot í borginni í nótt

Tilkynnt var um þrjú innbrot á höfuðborgarsvæðinu í nótt. Fyrst var brotist inn í Skeljungsstöð við Gylfaflöt rétt fyrir miðnætti og rúmlega klukkustund síðar inn í Skalla við Ögurhvarf.

Ökuníðingar ollu töluverðu tjóni

Ökuníðingur eða níðingar, voru á ferð í borginni í nótt og ollu töluverðu tjóni.

Maður stunginn með hnífi í Bankastræti í nótt

Karlmaður var stunginn með hnífi eða skærum í slagsmálum, sem brutust út í Bankastræti, á móts við Lækjarbrekku rétt upp úr miðnætti og var hann fluttur í sjúkrabíl á slysadeild Landspítalans. Hann er ekki lífshættulega meiddur.

Þverpólitísk ábyrgð á óráðsíu OR

Allir helstu stjórnmálaflokkarnir á Íslandi báru ábyrgð á stjórnun Orkuveitunnar á því tímabili sem skuldir hennar ruku upp. Þeir komu líka allir að ákvörðunum um að greiða sér arð út úr fyrirtækinu. Úttektarnefnd telur arðgreiðslur fjármagnaðar með lántökum.

Ísland alltaf verið töluvert á eftir

Því fyrr sem meðferð vegna geðsjúkdóma hefst þeim mun minni líkur eru á langvarandi örorku. Eina sérhæfða meðferðarúrræðið fyrir ungt fólk í byrjandi geðrofi er á Laugarásvegi. Kynjahlutföll eru afar skökk. Neysla kannabisefna meðal hópsins hefur aukist.

Vill aukið samstarf á norðurskautssvæði

Meiri alþjóðlegrar samvinnu er þörf í málefnum norðurslóða og Ísland getur gegnt lykilhlutverki í að breyta því ástandi til batnaðar. Þetta segir Michel Rocard, fyrrverandi forsætisráðherra og sérlegur sendimaður forseta Frakklands í málefnum heimskautanna. Hann sótti landið heim og hélt fyrirlestur í Háskóla Íslands auk þess sem hann hitti ráðamenn og vísindamenn.

Veiðimenn vilja dauð lömb burt úr Elliðaey

Yfir fjörutíu lömb fundust dauð í Elliðaey við Vestmannaeyjar nú í haust. Veiðifélag eyjarinnar vill hræin burt hið fyrsta. Bæjaryfirvöld vilja skýringar frá fjáreigandanum. Hann segir lömbin hafa drepist úr bráðapest sem sé alvanaleg. "Það blöstu bara við dauðar rollur um allt,“ segir Ívar Atlason, formaður Veiðifélags Elliðaeyjar, um aðkomuna í eyna um miðjan september.

Grænt ljós á Perluna fyrir náttúrusýningu

Starfshópur á vegum mennta- og menningarráðuneytisins og Reykjavíkurborgar telur mögulegt að setja upp náttúruminjasýningu Náttúruminjasafns Íslands í Perlunni. Slík sýning útheimtir hins vegar breytingar á húsnæðinu, að mati hópsins. Nú verða teknar upp viðræður til að kanna betur fjárhagslegan grundvöll hugmynda starfshópsins en Perlan hentar ekki sem framtíðarhúsnæði fyrir safnið að óbreyttu.

Hrekja fólk af heimilum

Þann 3. mars árið 2010 varð sjötug kona, Wang Cuiyan að nafni, undir skurðgröfu þegar nokkrir tugir verkamanna unnu að því að rífa niður hús hennar í borginni Wuhan í Hubei-héraði í Kína. Í rauninni var hún grafin lifandi.

Fundu búnað tengdan hernaði í farþegaflugvél

Tyrkir segjast hafa fundið samskiptabúnað ætlaðan til hernaðarnota um borð í sýrlenskri farþegaflugvél sem þeir stöðvuðu á miðvikudagskvöld.

Samið um olíuvarnir á norðurslóðum

Aðildarríki Norðurskautsráðsins hafa náð saman um bindandi samning um sameiginlegar varnir og viðbrögð vegna olíumengunar á norðurslóðum.

Velti því fyrir sér að hætta þingmennsku

Róbert Marshall velti því fyrir sér að bjóða sig ekki fram til þings á ný áður en hann ákvað að ganga til liðs við Bjarta framtíð. Hann ræddi þau áform sín við Guðmund Steingrímsson, forsvarsmann Bjartrar framtíðar, fyrir nokkrum vikum og í kjölfarið hóf hann að skoða málefnastarf flokksins.

Fréttablaðið heldur yfirburðum

Flestir landsmenn lesa Fréttablaðið, eða 58,5 prósent fólks á aldrinum 12 til 80 ára á landinu öllu. Tæplega 73 prósent fólks á höfuðborgarsvæðinu lesa blaðið. Þetta kemur fram í könnun Capacent Gallup á lestri prentmiðla.

Bláa lónið flestum minnisstæðast

Erlendir ferðamenn sem sóttu landið heim síðasta vetur voru sáttir við dvöl sína, samkvæmt könnun sem MMR vann fyrir Ferðamálastofu.

Grikkir þurfa lengri frest

Christine Lagarde, yfirmaður Alþjóðagjaldeyrissjóðsins, segir að sýna þurfi Grikkjum meiri þolinmæði. Þeir ráði ekki við að koma fjármálum sínum í lag á þeim skamma tíma sem Evrópusambandið og AGS hafa hingað til viljað veita þeim.

Dómarar segjast sjálfstæðir

Dómararnir þrír, sem í vikunni staðfestu tveggja ára fangelsisdóm yfir tveimur af þremur konum í pönksveitinni Pussy Riot, gripu til þess óvenjulega ráðs í gær að verja gerðir sínar opinberlega. Dómi þriðju konunnar var breytt í skilorðsbundið fangelsi.

Romney enn á mikilli siglingu

Repúblikaninn Mitt Romney er enn á flugi í skoðanakönnunum fyrir forsetakosningarnar í Bandaríkjunum og hefur jafnvel mælst með meira fylgi en Barack Obama, sitjandi forseti, á landsvísu.

Öryggi flugfarþega ógnað

Félag sænskra flugmanna og ECA, félag evrópskra flugmanna, segja nýjar tillögur EASA, flugumferðarstjórnar Evrópusambandsins, ógna öryggi flugfarþega.

Um 99% með tölvur og net

Eitt af hverjum hundrað íslenskum fyrirtækjum með tíu starfsmenn eða fleiri var ekki með tölvur og nettengingu á síðasta ári, að því er fram kemur í könnun Hagstofunnar.

Hlutfall kvenna er áhyggjuefni

Einungis fimm konur eru í endurhæfingu á Laugarásvegi, meðferðarstöð fyrir ungt fólk í byrjandi geðrofi. Nú sækja 32 einstaklingar þjónustu í húsnæðið, þar af 27 karlar. Meðalaldur einstaklinganna er 24 ár og hefur farið lækkandi á síðustu árum vegna breyttra áherslna í meðferðinni.

Munu skoða sameiningu

Bæjarráð Kópavogs hefur samþykkt að kanna áhuga á sameiningu við Garðabæ, Álftanes og Hafnarfjörð hjá þessum sveitarfélögum. Tillaga að nafni er þegar komin fram; Heiðmörk.

Dæmdur í 45 daga fangelsi

Fótboltamaðurinn Mark Doninger, sem lék með úrvalsdeildarliði ÍA og síðar með Stjörnunni í Garðabæ, hlaut í gær 45 daga fangelsisdóm fyrir að ráðast í tvígang á þáverandi kærustu sína.