Súðvíkingar fá aðstoð vegna jarðvegseldanna

Ríkisstjórnin mun styrkja Súðarvík um tíu milljónir króna vegna kostnaðar af slökkvistarfi þegar jarðvegseldar kviknuðu í Laugardal í Ísafjarðardjúpi í sumar. Eins og Vísir greindi frá, ekki alls fyrir löngu, nemur heildarkostnaður um 20 milljónum króna. Eldurinn logaði á fjórtán hektara svæði en hann kviknaði út frá grilli, að talið er.

„Þetta er ábyggilega dýrasti hamborgari Íslandssögunnar og því vona ég svo sannarlega að hann hafi verið góður," sagði Ómar Már Jónsson sveitarstjóri í Súðavík í samtali við Bæjarins besta á Ísafirði þegar hann ræddi kostnað sveitarfélagsins en 20 milljónir er um fjórðungur af tekjum sveitarfélagsins.

Í samtali við Vísi á dögunum, sagði Ómar það mikilvægt að læra af þessum atburði. „Það er alveg ljóst að þetta á að gerast aftur og það er möguleiki á að það verði mun stærri eldar vegna þess að gróðurfar er öðruvísi og það eru að koma hingað miklu fleiri ferðamenn sem eru kannski ómeðvitaðir um þetta," sagði Ómar.