Fleiri fréttir

Framhald um Joseph Kony komið á netið

Bandaríski aðgerðarsinnahópurinn, Invisible Children, hafa gert framhald heimildarmyndarinnar um Joseph Kony. Fyrri myndin varð heimsfræg á svipstundu en yfir 100 milljónir horfðu á myndina á netinu. Hún var hinsvegar harðlega gagnrýnd í kjölfarið fyrir að eindfalda ástandið í Úganda og láta eins og þar geisaði enn borgarastyrjöld. Það var nefnilega aldrei tekið fram í myndinni að Kony, sem er sakaður um að beita fyrir sér barnahermönnum og hneppa barnungar stúlkur í vændi, væri farinn frá Úganda og að áhrif hans væru mun minni en þegar þar ríkti ófriður.

Slökkviliðið kallað út vegna frumstæðs reykofns

Slökkviliðið á höfuðborgarsvæðinu var kallað út að Sóltúni í Reykjavík vegna reyks. Þegar á vettvang var komið sáu slökkviliðsmenn að íbúar voru búnir að grafa holu og reyktu kjöt með heldur frumstæðum aðferðum.

Ætla að sökkva japönsku draugaskipi

Bandaríska strandgæslan hyggst sökkva tæplega 200 feta löngu japönsku draugaskipi sem hefur rekið stefnulaust eftir að flóðbylgja skall á Japan í kjölfari öflugs jarðskjálfta þar í landi í mars á síðasta ári. Skipið, sem er rækjuskip, rekur stjórnlaust um 300 kílómetrum frá Sitka í Alaska-flóa.

Mikil ólga í Grikklandi eftir sjálfsvíg

Mikil ólga er í Grikklandi eftir að 77 ára gamall karlmaður svipti sig lífi fyrir framan þinghúsið í Aþenu, höfuðborg Grikklands, en hann á að hafa skilið eftir sjálfsmorðsbréf þar sem hann sakaði ríkisstjórnina um að hafa svipt sig öllum lífeyri, því hefði hann gripið til þessa örvæntingarráðs.

Óvissuástand við Öskju

Almannavarnir hafa sent frá sér tilkynningu þar sem fólk er varað við að fara að Víti og Öskjuvatni því hugsanlega séu eitraðar gastegundir að leita þar upp. Ástæðan er sú að Öskjuvatn ætti alla jafna að vera ísi lagt á þessum árstíma og raunar fram undir mánaðamótin júní júlí - en er það ekki.

Áfengi og kókín talin orsök þess að Houston drukknaði

Ofneysla áfengis og kókaíns eru talin orsök þess að söngkonan Whitney Houston drukknaði í baðkari á hótelherbergi eftir að hafa fengið hjartaáfall samkvæmt lokaskýrslu dánardómstjórans í Los Angeles sem nú hefur verið gerð opinber.

Segir niðurstöður Deloitte hæpnar og sumt beinlínis rangt

Niðurstöður endurskoðunarfyrirtækisins Deloitte um áhrif hækkunar veiðigjalds í nýju frumvarpi eru hæpnar að mati sjávarútvegsráðuneytisins. Þá sé það beinlínis rangt að ekki sé gert ráð fyrir afskriftum og nýfjárfestingum í útreikningi á veiðigjaldi.

Breivik féllst á að gefa CNN einkaviðtal fyrir réttarhöld

Fjöldamorðinginn Anders Breivik hefur fallist á að gefa bandarísku fréttastofunni CNN viðtal fyrir réttarhöldin yfir honum sem eiga að hefjast 16. apríl næstkomandi. CNN staðfestir við NRK að þeir hafi falast eftir viðtali við fjöldamorðingjann sem myrti 77 vinstri sinnuð ungmenni í Útey síðasta sumar.

Erill hjá sjúkraflutningamönnum og freonleki á hóteli

Slökkviliðið á höfuðborgarsvæðinu var kallað að Hótel Óðinsvé um klukkan níu í morgun vegna hugsanlegs freonleka úr ísskáp í húsinu. Við nánari athugun kom í ljós að lekinn var með minnsta móti og það nægði hreinlega að kippa ísskápnum úr sambandi, var þá vandamálið úr sögunni.

Laminn á Búálfinum og ráðist á mann að tilefnislausu

Tvær líkamsárásir voru tilkynntar til lögreglunnar á höfuðborgarsvæðinu í nótt. Þannig var maður handtekinn um klukkan þrjú í nótt á veitingastaðnum Búálfinum við Lóuhóla í Breiðholti. Sá hafði ráðist á annan gest en ekki er talið að fórnarlambið sé mikið slasað eftir átökin. Gerandinn gistir nú fangageymslur lögreglunnar og verður yfirheyrður í dag.

Ryksuga full af bensíni sprakk

Bíll og ryksuga brunnu til kaldra kola í norðurhluta Svíþjóðar í vikunni. Eigandi bílsins hafði ætlað að flytja bensín úr bílnum yfir í snjóblásturstæki með þessum afleiðingum.

Vegir víðast hvar auðir - þoka fyrir vestan

Vegir eru víðast hvar auðir á landinu en þó er hálka á Mývatnsöræfum, snjóþekja og éljagangur á Hálsum og Hófaskarðsleið og einhverjir hálkublettir á nokkrum öðrum fjallvegum á Norðaustur- og Austurlandi.

Harma aðför að náttúruperlum

Náttúruverndarsamtök Suðvesturlands harma þá aðför sem gerð er að náttúruperlum Suðvesturlands í þingsályktunartillögu að Rammaáætlun um vernd og orkunýtingu náttúrusvæða.

Skíðasvæði opin um land allt

Opið er á skíðasvæðum víða um land í dag. Bláfjöll opnuðu nú klukkan tíu og er opið til fimm. Staðahaldarar segja mjúkt og klassískt vorfæri í fjöllunum. Eins og er er lokað í Skálafelli en fylgst er með aðstæðum í þeirri von um að hægt sé að opna fyrir skíðaiðkendur.

Milljónir falskra á Facebook

Á bilinu fimm til sex prósent af Facebook-síðum sem stofnaðar hafa verið eru falskar og ekki með raunverulegan notenda að baki sér. Það þýðir að 40 til 50 milljónir sigla undir fölsku flaggi á samskiptasíðunni.

Vilja leyfa aðra fána en danska

Radikale venstre, flokkur frjálslyndra í Danmörku, telur tímabært að lyfta banni við því að flagga öðrum þjóðfánum en þeim danska.

Vilja fjölga ferðum Baldurs

Atvinnumálanefnd Vesturbyggðar hvetur bæjarráð Vesturbyggðar til að beita sér fyrir því að ferjan Baldur sigli lengur en til stendur, að því er fram kemur á vef Bæjarins besta.

Verðhækkanir eru langtum meiri hér

Verð á vörum og þjónustu hefur hækkað um 34,9 prósent hér á landi frá árinu 2008. Á meðan hefur hækkunin numið 5,8 prósentum á evrusvæðinu.

Umferð jókst í marsmánuði

Umferð í marsmánuði jókst um fjögur prósent á milli ára samkvæmt mælingum Vegagerðarinnar. Aukningin er sögð sambærileg við aukninguna milli áranna 2009 og 2010.

Segir að vatnsaflið sé að mestu fullnýtt

Umhverfisráðherra segir orð forstjóra Landsvirkjunar sýna að vatnsafl sé að mestu leyti fullvirkjað hér á landi. Fagnar viðurkenningu fyrirtækisins á því að jarðvarmavinnsla taki tíma. Vonast til að Rammaáætlun verði samþykkt í vor.

Ísleysið á Öskjuvatni er til marks um aukinn jarðhita

Vísindamenn lögðu í gær línurnar vegna óvenjulegs ástands við Öskju, sem er eldstöð norðan Vatnajökuls. Öskjuvatn var orðið íslaust í mars, sem er óþekkt. Almannavarnir vara við ferðalögum um svæðið.

Fleiri íslamistar teknir höndum

Franska lögreglan handtók í gær tíu róttæka íslamista í fimm borgum landsins. Í síðustu viku handtók lögreglan 13 manns í sams konar aðgerðum.

Boris Tadic reynir að flýta uppgjöri

Forseti Serbíu hefur sagt af sér svo hægt verði að efna til forsetakosninga í maí, samhliða þingkosningum. Flokki hans er kennt um efnahagsvanda og þjóðernissinnar óttast að Tadic muni fórna Kosovo fyrir Evrópusambandsaðild.

Íslandsbanki óttast áhrif veiðigjaldsins

Boðaðar breytingar á stjórnkerfi fiskveiða og sérstakt veiðigjald munu hafa veruleg áhrif á íslenskt efnahagslíf, er mat Íslandsbanka. Afkoma fyrirtækja og sjávarútvegs í heild er undir. Eins verða áhrifin á efnahag bankanna neikvæð.

Blóðbað stæði árum saman

„Jafnvel þótt þeir útveguðu sýrlensku uppreisnarmönnunum fullkomnasta vopnabúnað gætu þeir ekki sigrast á sýrlenska hernum,“ segir Sergei Lavrov, utanríkisráðherra Rússlands, um stuðning Vesturlanda og arabaríkja við uppreisnina í Sýrlandi.

Geitungar rumska til að pissa

Það að garðyglur, flökkufiðrildi frá meginlandi Evrópu, séu óvenjusnemma hér á ferðinni þetta árið þýðir ekki að nú vori fyrr en alla jafna. Þetta er mat Erlings Ólafssonar, skordýrafræðings.

Ekki ekið föstudag og sunnudag

Enginn akstur verður hjá Strætó á föstudaginn langa og páskadag. Fyrirkomulagið hjá Strætó er eins og undanfarin ár um páska.

Ein sprunga er vísbending um fleiri

Góður undirbúningur er lykilatriði til að tryggja öryggi ferðalanga. Bleyta í veðurkortum helgarinnar veldur björgunarsveitum ákveðnum áhyggjum. Landsbjörg er ekki með sérstakan viðbúnað vegna páskanna. Sveitir eru ávallt til reiðu.

Aldrei fleiri ferðamenn í mars

Rúmlega fjórðungi fleiri ferðamenn fóru frá landinu í nýliðnum marsmánuði en í sama mánuði í fyrra og hafa aldrei verið jafnmargir. Þetta kemur fram í nýjum talningum Ferðamálastofu.

Fjöldamorðinginn í Oakland hataði konur

Talið er að fjöldamorðinginn One Goh hafi leitað stjórnanda hjúkrunarfræðisviðs Oikos-háskólans í Oakland þegar hann myrti sjö manns á miðvikudaginn. Goh var dreginn fyrir dómstóla í dag og voru ákæruatriðin á hendur honum kynnt.

Mótmælendur og lögregla takast á í Aþenu

Átök brutust út á milli mótmælenda og lögreglu í Aþenu í kvöld. Mótmælin hófust í kjölfar minningarathafnar sem haldin var fyrir utan þinghús borgarinnar.

Yfirveðsettum heimilum fækkar milli ára

Athugun Ríkisskattstjóra fyrir stjórnvöld sýnir að yfirveðsettum heimilum hefur fækkað úr 25.876 í 14.412 frá árinu 2010 til 2011. Skuldir heimilanna hafa lækkað um 3 til 4 prósent eða um 9 prósent að raunvirði.

Fjölmenni í útgáfuhófi Gunnlaugs Jónssonar

Gunnlaugur Jónsson fjárfestir efndi til útgáfuhófs í verslun Eymundssonar í Reykjavík síðdegis. Á meðal gesta í hófinu voru meðal annars foreldrar hans, Jón Steinar Gunnlaugsson og Kristín Pálsdóttir, Sigurður Kári Kristjánsson lögmaður, Gísli Marteinn Baldursson borgarfulltrúi, Ásgeir Jónsson hagfræðingur, Ólafur Arnarson hagfræðingur, Guðmundur Andri Thorsson rithöfundur, Kristinn H. Gunnarsson, fyrrverandi þingmaður, auk fleiri. Gunnar V. Andrésson ljósmyndari var á ferðinni og smellti nokkrum myndum af gestum.

Jón Steinar íhugar að setjast í helgan stein

Jón Steinar Gunnlaugsson, hæstaréttardómari íhugar nú að setjast í helgan stein, en hann hefur í hyggju að rita æviminningar sínar. Jón Steinar vísar alfarið á bug því sem haldið er fram í nýjasta tölublaði Mannlífs um að gjá hafi skapast milli dómara í Hæstarétti vegna skipunar hans og Ólafs Barkar Þorvaldssonar að undirlagi Davíðs Oddssonar. Jón Steinar segir þetta hreinan hugarburð.

Sjá næstu 50 fréttir

Mest lesið