Nýtist í aðildarviðræðum við ESB

Jón Bjarnason, sjávarútvegs- og landbúnaðarráðherra, hefur skipað starfshóp sérfræðinga um stefnumörkun vegna banns á innflutningi á hráum dýraafurðum og lifandi dýrum.

Hugrakkar konur viðurkenndar

Fimm konur og einn aðgerðahópur hlutu viðurkenningu Stígamóta í ár. Viðurkenningin var veitt í gær, á alþjóðlegum baráttudegi gegn kynbundnu ofbeldi.

Lögreglan herðir eftirlit með ölvunarkakstri

Lögreglan hefur nú hafið átak til að sporna við ölvunarakstri og í kvöld voru fjölmargir bílar stöðvaðir í því skyni. „Ástæðan er einföld - ölvunarakstur eða akstur undir áhrifum annarra vímuefna er dauðans alvara,“ segir í tilkynningu frá lögreglu.

iDUMP4U slítur samböndum gegn vægu gjaldi

Sambandsslit eru alltaf erfið en núna er hægt að losna við þá sálarkvöl sem fylgir því að yfirgefa félaga sinn.

Sóley, Guðrún Ebba og Stóra systir fengu viðurkenningar

Stígamót útdeildu viðurkenningum ársins í dag á alþjóðlegum degi gegn kynferðisofbeldi. Á heimasíðu samtakanna segir að í ár hafi sjónum verið beint að „þeim hugrökku konum sem á ólíka vegu hafa fylgt réttlætiskennd sinni og rutt brautina fyrir raunverulegt kvenfrelsi.“

Idol-stjarna floppar í Macy's skrúðgöngunni - myndband

American Idol sigurvegarinn Scotty McCreery átti að syngja fyrir áhorfendur Macy's skrúðgöngunnar í dag. Hann náði því miður ekki að heilla áhorfendurnar því hann hreyfði ekki varirnar í takt við tónlistina.

Nýr heimsenda spádómur Maya finnst

Sérfræðingar í menningarsögu Maya indíána hafa lengi reynt að draga úr vægi dagsetningarinnar 2012. En fornleifafræðingar í Suður-Ameríku hafa nú tilkynnt að þeir hafi fundið nýja vísun í dagsetninguna.

Berlínarbollu heilsast vel

Risabarn fæddist á spítala í Berlín í gær. Pilturinn var 6 kíló og er langstærsta barn sem fæðst hefur í Þýskalandi. Barnið er kallað Jihad.

Hafnarbolti og þakkargjörðarmáltíð í þyngdarleysi - myndband

Eftir rúmlega fimm mánaða dvöl í Alþjóðlegu geimstöðinni var geimfaranum Satoshi Furukawa farið að leiðast. Honum datt því í hug að spila hafnarbolta við sjálfan sig.

Skotárás í Bryggjuhverfi - Laus úr varðhaldi en samt í fangelsi

Karl á þrítugsaldri, sem var handtekinn í tengslum við rannsókn á skotárás í síðustu viku og úrskurðaður í gæsluvarðhald til 25. nóvember, er laus úr haldi lögreglu. Í tilkynningu frá lögreglu segir að maðurinn sé þó áfram í fangelsi, því hann hefur hafið afplánun vegna annarra mála. "Karl á svipuðum aldri er hins vegar áfram í haldi lögreglu vegna skotárásarinnar en sá var úrskurðaður í gæsluvarðhald til 2. desember,“ segir ennfremur.

Tölvur lítið notaðar í kennslustofunni

Tölvur eru aðeins notaðar í tíu prósent kennslustunda í grunnskólum og tækjabúnaði skólanna hefur hrakað á síðustu árum. Lektor á menntavísindasviði við Háskóla Íslands segir kreppuna hafa bitnað helst á kaupum á tækjabúnaði.

Norsku lærin duga í hangikjötið

Íslendingar búsettir í Noregi, sem hvorki vilja sleppa hangikjöti né sviðahausum, deyja ekki ráðalausir. Þeir einfaldlega reykja norsk lambalæri útí skógi og svíða norska kindahausa. Hangikjöt með uppstúf er maturinn sem Gunnar Karl Garðarsson frá Bíldudal býður gestum frá Íslandi.

Mikill meirihluti á móti því að lögreglan beri skotvopn

Um 70 prósent eru andvígir því að lögreglumenn beri skotvopn við almenn skyldustörf samkvæmt niðurstöðu könnunar á vegum MMR.

Bandaríkjastjórn vill stjórnarskipti í Egyptalandi hið fyrsta

Yfirvöld í Bandaríkjunum hvetja bráðabirgðastjórn Egyptalands til að flýta valdaskiptum í landinu. Þúsundir mótmælenda eru nú á Friðartorginu í Kaíró og krefjast þess að herforingjaráðið fari frá völdum hið fyrsta.

Tölvuþrjótar settir á internet-skilorð

Ríkisstjórn Bretlands mun innleiða nýjar refsiaðgerðir gegn tölvuglæpamönnum á næstunni. Þeir sem verða uppvísir að brotum verður meinað að nota internetið í ákveðinn tíma.

Þingkosningar í Rússlandi: Hægt að kjósa í rússneska sendiráðinu

Sunnudaginn þann 4. desember nk. verða haldnar kosningar til rússneska þingsins, Ríkisdúmunnar. Rússneskum ríkisborgurum, 18 ára og eldri, sem dvelja á landi tímabundið eða eru búsettir hér, býðst á þeim degi að taka þátt í atkvæðagreiðslu í ræðisskrifstofu sendiráðs Rússlands, Túngötu 24, 101 Reykjavík, frá kl. 8:00 til kl. 20:00 að íslenskum tíma.

Myrti eiginmann til að vernda dóttur sína

Lögreglan í Karachi í Pakistan hefur handtekið 32 ára gamla konu fyrir að myrða eiginmann sinn. Hún reyndi að losa sig við líkið með því að sjóða það.

Færri einir í einkabíl - hjólareiðafólki fjölgar um helming

Færri keyra einir til og frá vinnu og skóla í Reykjavík en áður eða 61% - og börnum sem ganga í skólann fjölgar ef marka má niðurstöður nýrrar ferðamátakönnunar sem Umhverfis- og samgöngusvið Reykjavíkurborgar hefur gert.

Vilja að nýr Landspítali verði forgangsverkefni

Félags atvinnurekenda vill að uppbygging nýs Landspítala Háskólasjúkrahúss verði gert að forgangsverkefni samkvæmt yfirlýsingu sem þeir sendu frá sér í dag. Þar er vitnað í skýrslu norska ráðgjafarfyrirtækisins Hospitalitet, en þar kemur fram að talið er að nýr spítali muni skila u.þ.b. 2,6 ma.kr. árlegum sparnaði í rekstri.

Dæmdur til fangelsisvistar á Balí

Dómstólar á Balí hafa dæmt 14 ára pilt frá Ástralíu í tveggja mánaða fangelsi. Hann var handtekinn eftir að tæplega fjögur grömm af kannabis fundust á honum.

Ávarp Obama fær misjafnar viðtökur - myndband

Trúræknir Bandaríkjamenn eru æfir vegna þakkargjörðarræðu Baracks Obama en Bandaríkjaforseti nefndi ekki guð í ávarpinu.

Fundað um Nubo á ríkisstjórnarfundi

Ríkisstjórnarfundur stendur nú yfir í stjórnarráðshúsinu en meðal málefna sem eru á dagskrá, samkvæmt heimildum fréttastofu, er umsókn Kínverjans Huangs Nubo um undaþágu frá lögum um eignarrétt og afnotarétt fasteigna vegna fjárfestingar á jörðinni Grímsstöðum á Fjöllum.

Símhringingar Breiviks opinberaðar - myndband

Símhringingar hryðjuverkamannsins Anders Behring Breivik til lögreglunnar í Noregi hafa verið gerðar opinberar. Breivik hefur játað að hafa myrt 77 manns í sprengjuárás í Osló og skotárás í Útey skömmu síðar.

Verndaði vörur með piparúða

Talið er að um 20 viðskiptavinir Walmart verslunar í Los Angeles hafi hlotið minniháttar meiðsli eftir að kona sprautaði piparúða yfir þau. Konan vildi vernda varning sinn frá öðrum viðskiptavinum.

Sakar öryggissveitir um kynferðisegar áreitni

Dálkahöfundurinn Mona Eltahawy segir meðlimi öryggissveita í Kaíró hafa beitt sig kynferðislegu ofbeldi eftir að hún var færð í varðhald í kjölfar mótmælanna á Friðartorginu.

Hundur beit þingmann

„Ég endaði á Læknavaktinni eftir að smáhundur réðist á mig í gærmorgun og beit í fótinn á mér,“ skrifar þingmaðurinn Lilja Mósesdóttir á Facebook-síðu sinni, en svo virðist sem þingmaðurinn hafi lent í óvæntri hundaárás í gær.

Stormurinn frá Færeyjum skellur á Noregi

Norðmenn undirbúa sig nú undir komu stormsins Berit sem herjaði á Færeyjar í gærvköldi og nótt.

Flóð í suðurhluta Tælands

Mikil flóð hafa verið í Tælandi síðastliðnar vikur og hefur nú suðurhluti landsins fundið fyrir áhrifum þeirra. Neyðarástandi hefur verið lýst yfir í Songkhla-héraði eftir að stúlkubarn lést í flóðunum.

Veturinn er kominn - og helgarspáin er nokkuð góð

Það hefur líklega ekki farið framhjá mörgum að veturinn er kominn, í það minnsta á höfuðborgarsvæðinu. Þannig náði myndatökumaður fréttastofu mynd af mæðginum á leiðinni í leikskólann í hlíðunum í morgun.

Sendiför Curiosity til Mars hefst á morgun

Tölvustýrðu rannsóknarstöðinni Curiosity verður skotið á loft frá Cape Canaveral í Bandaríkjunum á morgun. Curiosity mun leita eftir ummerkjum lífs á plánetunni Mars.

Dæmdir fyrir stórþjófnað - sprengdu sér leið inn í verkfæraskúra

Tveir karlmenn um og rétt undir þrítugt búsettir á Suðurnesjunum voru dæmdir í átta mánaða fangelsi í Héraðsdómi Reykjaness í dag, fyrir stórfelldan þjófnað.

Afturför ef Reykjavikurflugvöllur hverfur

Stjórn Landsambands heilbrigðisstofnana segir í ályktun, að ef Reykjavíkurflugvöllur hverfi, valdi það mikilli afturför í bráðaþjónustu við þá landsmenn, sem þurfi að komast á Landsspítalann í sjúkraflugi.

Síðasta áfengislausa hótelið í Danmörku lokar

Rekstur á áfengislausum hótelum í Danmörku heyrir brátt sögunni til. Síðasta áfengislausa hótelinu, sem er í Svendborg, verður lokað þann 1. desember næstkomandi.

Verkfallinu hjá Hafrannsókn frestað

Rúmlega átta vikna verkfalli undirmanna á skipum Hafrannsóknastofnunar var frestað á fundi samningamanna sjómanna og ríkisins hjá Ríkissáttasemjara í gærkvöldi með undirritun rammasamkomulags, sem á að verða fullbúið fyrir 11. desember.

Stjornvöld í Sýrlandi að falla á tíma

Stjórnvöld í Sýrlandi hafa aðeins nokkra klukkutíma til að bregðast við úrslitakostum Arababandalagsins um að stöðva drápin á almenningi í landinu og hleypa 500 eftirlitsmönnum frá bandalaginu inn í Sýrland.

Fjölmenn mótmæli boðuð í Egyptlandi í dag

Egyptar búa sig undir fjölmenn mótmæli í dag þar sem þess verður krafist að herforingjaráð landsins láti af völdum. Þar að auki vilja mótmælendurnir að þingkosningum sem áttu að fara fram á mánudag verði frestað.

Ökumaður tekinn réttindalaus og dópaður

Lögreglan á höfuðborgarsvæðinu tók ökumann úr umferð í nótt eftir að í ljós koma að hann var undir áhrifum fíkniefna. Hann reyndist líka réttindalaus, eftir að hafa áður verið sviftur réttindum fyrir fíkniefnaakstur. Auk þess sem bíllinn, sem hann hafði fengið lánaðan, var ótryggður.

Mikil skjálftavirkni norður af Grímsey

Mikil skjálftavirkni er nú norður af Grímsey. Þar varð skjálfti upp á 3,1 í gærdag, með upptök innan við tvo kílómetar norður af eynni.

Þyrla sótti slasaðan sjómann í nótt

Sjómaður um borð í íslenskum togara slasaðist við vinnu þar um borð laust fyrir miðnætti, þegar togarinn var staddur rúmlega 50 sjómílur suðvestur af Reykjanesi, og var óskað eftir að þyrla Landhelgisgæslunnar sækti hann.

Óveður gekk yfir austanvert landið

Óveður gekk inn á austanvert landið seint í gærkvöldi með allt að 23 metra vindi á sekúndu og talsverðri sjókomu eða slyddu.

Fyrsta skáldsaga Jack Kerouac loks gefin út

Fyrsta skáldsagan sem bandaríski rithöfundurinn Jack Kerouac skrifaði hefur verið gefin út rúmum 40 árum eftir að hann lést.

Gífurlegt eignatjón eftir ofsaveður í Færeyjum

Gífurlegt eignatjón hefur orðið í Færeyjum eftir ofsaveður sem skall á eyjunum í gærkvöldi og herjaði þar fram eftir nóttu.

Fleiri mótmælendur drepnir

Mótmælin í Jemen hættu ekki þótt Ali Abdullah Saleh forseti hafi samþykkt að segja af sér. Ekkert lát er heldur á ofbeldi af hálfu stjórnarinnar. Öryggissveitir urðu fimm mótmælendum að bana í gær í höfuðborginni Sana.

Ofbeldið ekki refsivert í þriðjungi ríkja

603 milljónir kvenna búa í löndum þar sem heimilisofbeldi er ekki skilgreint sem glæpur samkvæmt lögum. Þetta kemur fram í skýrslu UN Women, stofnunar Sameinuðu þjóðanna sem vinnur í þágu kvenna og jafnréttis. Skýrslan nefnist Staða kvenna í heiminum: Leitin að réttlæti. Fjallað verður um skýrsluna á morgunverðarfundi íslensku landsnefndar UN Women í dag.

Ungi morðinginn talinn vera veill á geði

Ungi maðurinn sem myrti vin sinn og særði annan lífshættulega með hnífi eftir gleðskap í Ósló í síðasta mánuði var undir áhrifum eiturlyfja og mögulega veill á geði er hann framdi ódæðið. Hann hefur nú verið fluttur á öryggisdeild þar sem hann mun gangast undir geðrannsókn.