Áfram er kolófært um Þröskulda

Lítið er enn vitað um færð á Vestfjörðum eftir snjókomu og hvassviðri í nótt, nema hvað Þröskuldar, á milli Reykhólasveitar og Hólmavíkur, er kolófær.

Hafa áhyggjur af miklu magni vopna í Líbíu

Öryggisráð Sameinuðu þjóðanna hefur lýst yfir áhyggjum yfir því mikla magni vopna sem til er í Líbíu og hverning eigi að koma í veg fyrir ólöglega sölu á þessum vopnum. Sérstaklega í hendur meðlima samtaka á borð við al-kaída.

Fullur ökumaður í stórsvigi niður Kambana

Ökumaður, sem lögregla tók úr umferð í gærkvöldi, reyndist svo ofurölvi, að hann gat ekki blásið í áfengismæli lögreglunnar svo það varð að taka úr honum blóðprufu.

Anonymous ræðst á stærsta fíkniefnagengi Mexíkó

Tölvuþrjótahópurinn Anonymous hefur hótað stærsta fíkniefnagengi Mexíkó að upplýsa allt um starfssemi þess.

Sauðfé er gáfaðra en áður var talið

Sauðfé hefur hingað til ekki þótt stíga í vitið samanber orðasambandið að vera sauðheimskur. Ný rannsókn sýnir hinsvegar að sauðfé er mun gáfaðra en talið var.

Með álklædda poka undir þýfið

Mæðgur sem sitja nú í gæsluvarðhaldi, grunaðar um að hafa stolið geysimiklu magni af fatnaði úr verslunum, höfðu útbúið sérstaka poka til að koma í veg fyrir að þjófavarnarkerfi verslana næmu innihaldið. Pokinn sem þær voru með þegar lögreglan tók þær við iðju sína í verslun í Smáralind var úr pappír en búið að fóðra hann að innan með álpappír.

Yngst allra í stól forsætisráðherra

Katrín Júlíusdóttir iðnaðarráðherra braut blað í stjórnmálasögu Íslands í gær þegar hún gegndi embætti forsætisráðherra í fjarveru Jóhönnu Sigurðardóttur, sem er í Kaupmannahöfn á fundum í tengslum við þing Norðurlandaráðs. Katrín, sem er 36 ára, er yngsti handhafi forsætisráðherravalds frá upphafi, eftir því sem Fréttablaðið kemst næst. Fram til þessa var það Hermann Jónasson sem var yngsti forsætisráðherrann, en Hermann var 37 ára þegar hann tók við starfinu árið 1934. - þj

Skekkjumörk upp á tugi milljóna manna

Á Filippseyjum ákváðu stjórnvöld að „eigna sér“ sjö milljarðasta barn jarðar, sem mannfjöldafræðingum reiknast til að hafi fæðst í fyrrinótt.

Magnús Geir endurráðinn

Magnús Geir Þórðarson hefur verið endurráðinn sem leikhússtjóri í Borgarleikhúsinu.

Bankar áhrifavaldar á olíumarkaði

Tvö af þremur stærstu olíufélögum landsins hafa lent í fangi viðskiptabanka sinna á undanförnum árum. Það þriðja á í rekstrarerfiðleikum og er í viðræðum um fjárhagslega endurskipulagningu. Fréttablaðið heldur áfram umfjöllun sinni um samkeppnismarkaði eftir hrun.

Enn ekki búið að yfirheyra þann grunaða

Fátt nýtt hefur komið í ljós um morðið sem framið var í Ósló um nýliðna helgi, en þar var 22ja ára maður stunginn til bana. Annar særðist illa en komst undan.

Suu Kyi fundar með valdhöfum

Aung San Suu Kyi, leiðtogi lýðræðishreyfingarinnar í Mjanmar, fundaði í fyrradag með vinnumálaráðherra landsins um lýðræðisumbætur. Þau ræddu einnig sakaruppgjöf pólitískra fanga, friðarviðræður við vopnaða hópa og efnahagsmál.

Hækka verð í sund og táningar á fullu gjaldi

"Með þessu móti er hugmyndin að ferðamenn og aðrir sem eru búsettir utan höfuðborgarsvæðisins greiði gjald sem endurspeglar betur rekstrarkostnað sundstaða,“ segir starfshópur á vegum Samtaka sveitarfélaga á höfuðborgarsvæðinu um þá tillögu sína að hækka verulega gjald fyrir stakar ferðir í sund.

Krabbavörn naut gjafanna

Ingunn S. Júlíusdóttir frá Vestmannaeyjum náði þeim merka áfanga að fagna 100 ára afmæli sínu hinn 24. október síðastliðinn.

Bandaríkin hætta að styðja UNESCO

Aðalráðstefna UNESCO samþykkti í gær fulla aðild Palestínu að stofnuninni. Aðildin markar þáttaskil í baráttu Palestínumanna fyrir sjálfstæðu ríki.

Breyta nýlegu hringtorgi fyrir milljónir

Vegagerðin vinnur nú að því að víkka hringtorg á Suðurlandsvegi í Norðlingaholti. Þó að hringtorgið sé nýlegt hafa flutningabílstjórar kvartað mikið undan því vegna þess hversu þröngt það þykir. Breytingarnar við hringtorgið kosta um tíu milljónir króna, að sögn Vegagerðarinnar.

Stefna flokkanna áréttuð til heimabrúks

Landsfundum beggja stjórnarflokkanna er nú lokið. Ljóst er að þrátt fyrir málamiðlun í ríkisstjórnarsamstarfi ber ýmislegt á milli í stefnu flokkanna. Flokksmenn eru þó rólegir yfir mismunandi stefnu samstarfsflokkanna enda virðist samstaða um að ályktanir á landsfundum séu ætlaðar til heimabrúks.

Faldi hálft kíló af kóki í hárinu

Spænsk kona var handtekin á Gardermoen-flugvelli við Ósló fyrir skemmstu vegna tilraunar til eiturlyfjasmygls.

Flækt fast við dautt hreindýr

Tvö hreindýr til viðbótar fundust dauð á Suðausturlandi um helgina eftir að hafa flækt sig í girðingarvír. Aflífa þurfti eitt dýr til viðbótar, en það hafði verið fast á hornunum við dautt dýr í nokkra daga.

Tabú að ræða um stöðu RÚV á auglýsingamarkaði

"Það er nú dæmi um stöðu að okkar mati sem er ekki á jafnréttisgrundvelli,“ sagði Páll Gunnar Pálsson, forstjóri Samkeppniseftirlitsins í þættinum Reykjavík síðdegis á Bylgjunni í dag, spurður um stöðu Ríkisútvarpsins á auglýsingamarkaði.

Eigandi Carter segist víst klippa fatlaða

Fatlaðri konu í hjólastól var neitað um klippingu á hárgreiðslustofu í Hafnarfiði um helgina. Eigandi stofunnar segir fatlaða almennt velkomna. Umrædd kona hafi hins vegar verið í stórum sérsmíðuðum stól sem gerði starfsfólki erfitt um vik.

Telja það nánast öruggt að Hanna Birna bjóði sig fram

Harður formannsslagur geisar nú bak við tjöldin í Sjálfstæðisflokknum milli stuðningsmanna Hönnu Birnu Kristjánsdóttur og Bjarna Benediktssonar. Landsfundur flokksins hefst eftir tæpar þrjár vikur en Hanna Birna er enn ekki búin að lýsa formlega yfir framboði.

Meintur höfuðpaur stöðvaður í Bandaríkjunum fyrr í mánuðinum

Rúmlega fertugur karlmaður sem talinn er vera höfuðpaur í stóra fíkniefnamálinu sem fréttastofan sagði frá í gær var stöðvaður við landamæraeftirlit í Bandaríkjunum fyrr í mánuðinum.

Fjöldauppsagnir hjá verktökum

KNH-verktakar á Ísafirði sögðu í dag upp öllum starfsmönnum sínum, þrjátíu og þremur talsins. Þá misstu fimmtán manns vinnuna í dag hjá Suðurverki. Forstjóri Suðurverks spyr hvar öll störfin séu sem búið er að lofa og segir að það eina sem stjórnvöld komi í verk séu skattahækkanir.

Tíu ára gömul og framleiðir barnaskó

Þótt Erla Guðmundsdóttir sé aðeins tíu ára gömul hefur hún síðustu vikur framleitt og selt barnaskó sem vakið hafa mikla athygli. Hugmyndin var upphaflega að safna fyrir miða á Frostrósartónleika.

10 mánaða fangelsi fyrir kynferðisbrot

Fjörutíu og sjö ára karlmaður var dæmdur í 10 mánaða fangelsi í Héraðsdómi Suðurlands í dag fyrir kynferðisbrot gegn 14 ára stúlku. Þá var hann einnig dæmdur til að greiða stúlkunni 600 þúsund krónur í miskabætur.

Eldur í heimavist Menntaskólans á Akureyri

Eldur kom upp í þurkara í kjallara heimavistar Menntaskólans á Akureyri við Eyrarlandsveg 17:00 í dag. Brunaviðvörunarkerfi hússins gerði viðvart og fór vakthafandi vakt á staðinn á dælubíl og sjúkrabíl. Reykkafarar fóru inn í kjallarann og gekk vel að slökkva staðbundinn eld í þurkaranum og var rýmið reykræst í kjölfarið. Talsverðar sót og reykskemmdir eru í þvottahúsinu en engum íbúa vistarinnar varð meint af.

Fimm mannlausir bílar runnu á aðra

Um tuttugu árekstrar urður á höfuðborgarsvæðinu í dag, samkvæmt upplýsingum frá Árekstri.is. Einn bíll er óökufær eftir árekstur við Ástorg í Hafnarfirði nú rétt fyrir klukkan sex. Fimm af þessum tuttugu árekstrum urðu með þeim hætti að mannlausir bílar runnu á aðrar bifreiðar. Árekstur.is brýnir fyrir ökumönnum að ganga vel frá bifreiðum sínum.

Dó snillingurinn úr heimsku?

„Það er svo sem ein leið til að kalla þetta, já," segir Sigurður Guðmundsson, forseti heilbrigðisvísindasviðs Háskóla Íslands og fyrrum Landlæknir, í samtali við þáttinn Reykjavík síðdegis á Bylgjunni. Hann var spurður hvort að það hafi verið heimska í snillingnum Steve Jobs, að fara ekki hinar hefðbundu leiðir í baráttu sinni við krabbameinið sem hann greindist með fyrr á þessari öld.

Rússar skjóta ómannaðri eldflaug á loft

Rússar skutu ómannaðri eldflaug á loft í gær. Henni er ætlað að flytja tæplega þrjú tonn af mat, eldsneyti og vatni til Alþjóðlegu geimstöðvarinnar.

Interpol lýsir eftir Rolex-ræningjunum

Myndir af Pólverjunum þremur sem grunaðir eru um ránið hjá Michelsen úrsmiði hafa verið birtar á síðu Interpol. Lögreglan vonast til þess að þeir finnist í Evrópu. Mennirnir þrír sem frömdu ránið fóru úr landi strax að því loknu, en þeir flugu til Kaupmannahafnar innan við sólarhring eftir ránið.

Isavia biður Túrista.is afsökunar

Isavia, sem annast rekstur og uppbyggingu allra flugvalla og lendingarstaða á Íslandi, hefur beðist velvirðingar á því að upplýsingagjöf til vefsíðunnar Túrista.is vegna vinnslu fréttar um öryggisleit í Leifsstöð hafi verið með þeim hætti að misskilnings gæti gætt.

Sjálfsmorðsárás við Flóttamannastofnun

Að minnsta kosti fimm manns létu lífið í sjálfsmorðsárás í Kandahar í Afganistan í dag. Yfirvöld segja að bíl hafi verið ekið að eftirlitsstöð hjá Flóttamannastofnun Sameinuðu Þjóðanna og hún sprengd.

Belgar ákveða að loka kjarnorkuverum

Yfirvöld í Belgíu hafa ákveðið að loka kjarnorkuverum landsins. Tvö kjarnorkuver eru í Belgíu og vonast yfirvöld til að geta lokað þremur af sjö kjarnaofnum landsins árið 2015.

Betri Reykjavík fær góðar viðtökur

Yfir 10.000 manns hafa heimsótt samráðsvefinn Betri Reykjavík og lagt fram yfir 200 hugmyndir frá því að vefurinn var opnaður þann 19. október síðastliðinn. Sextán hugmyndir af samráðsvefnum hafa nú verið sendar til formlegrar meðferðar viðkomandi fagráða hjá Reykjavíkurborg að því er fram kemur í tilkynningu frá borginni.

Skorið á tjald aðgerðarsinna

Mótmælendur staðhæfa að lögreglan hafi farið offorsi í aðgerðum gegn mótmælendum á Austurvelli í morgun. Þetta kemur fram á vefsíðunni Gagnauga í dag. Mótmælafundurinn bar heitið Occupy Reykjavík og er í takt við svipaðar hreyfingar sem sprottið hafa upp í Bandaríkjunum og víðar.

Stálu eftirlitsmyndavél á Hellu

Einhver óprúttinn aðili eða aðilar tóku sig til í gær og stálu eftirlitsmyndavél og raunar „hlutum úr hraðahindrun“ á Hellu. Í tilkynningu frá lögreglu segir að málið sé í rannsókn og óskar lögreglan eftir því að þeir sem búi yfir upplýsingum um málið hafi samband við lögregluna í síma 488 4110.

Katrín Jakobs snúin aftur úr fæðingarorlofi

Katrín Jakobsdóttir mennta- og menningarmálaráðherra, tók til starfa á ný í dag að loknu fæðingarorlofi. Svandís Svavarsdóttir, umhverfisráðherra gegndi starfi mennta- og menningarmálaráðherra í fjarveru Katrínar. Í tilkynningu frá menntamálaráðuneytinu segir að Katrín Jakobsdóttir sé einnig samstarfsráðherra Norðurlanda og meðal fyrstu verka hennar að loknu fæðingarorloffi verður að sækja Norðurlandaráðsþing, sem hefst í Kaupmannahöfn á morgun, 1. nóvember.

Róbert á Carter segist saklaus af færslu á bland.is

Róbert Magnússon, hárgreiðslumeistari og eigandi hárgreiðslustofunnar Carter, vill koma því á framfæri að hann er ekki höfundur bréfs sem birtist á vefnum bland.is í gær. Málið hefur vakið mikla athygli en það kom upp þegar Hanna Dóra Stefánsdóttir þroskaþjálfi greindi frá því að fatlaðri konu sem þarf að fara allra sinna ferða í hjólastól var synjað um afgreiðslu á stofu Róberts.

Palestína nú meðlimur UNESCO

Palestína fékk inngöngu í UNESCO í dag. Mikill fögnuður braust út þegar kosningunni var lokið. 81 atkvæði þurfti til að tryggja aðild Palestínu að UNESCO en alls greiddu 107 fulltrúar atkvæði með aðild á meðan 14 fulltrúar voru á móti. 52 sátu hjá við atkvæðagreiðsluna.

Gnarr heimsótti Occupy Wall Street með apagrímu á hausnum

Jón Gnarr borgarstjóri var staddur í New York um helgina þar sem hann tók þátt í ráðstefnu sem útvarpsstöð þar í borg stóð fyrir og fjallaði um framtíð útvarpsins. Jón var málshefjandi á ráðstefnunni en virðist þó ekki hafa fjallað mikið um útvarp í ræðu sinni ef marka má umfjöllun blaðakonunar Melenu Ryzik á bloggsíðu New York Times. Jón lýsti Besta flokknum fyrir ráðstefnugestum og sagði hann fyrsta "stjórnleysis - súrealista“ flokk sögunnar. Flokkurinn hefur enga heimspeki að hans sögn, allt sé byggt á vitleysu. "Ég trúi á vitleysuna,“ sagði Jón og bætti reyndar við að grín sé hans trúarbrögð.

Aðgerðum NATO lokið í Líbíu

Aðalritari Atlantshafsbandalagsins, Anders Fogh Rasmussen, lenti í Líbíu í dag og lýsti því yfir að aðgerðum NATO í landinu væri lokið. Sprengjuárásir NATO hjálpuðu byltingarhermönnum að koma höndum yfir fyrrverandi einræðisherra Líbíu, Muammar Gaddafi.

Falsaðir fimmþúsundkallar í umferð á Akranesi

Fimm falsaðir seðlar hafa komið fram síðustu daga á Akranesi. Um er að ræða fimmþúsund króna seðla sem eru það vel falsaðir að afgreiðslufólk í bænum hefur látið glepjast. Við nánari skoðun sést þó glöggt að um falsanir er að ræða og til dæmis glampar ekki á silfurlita fleti seðlanna. Lögreglan á Akranesi hvetur verslunarfólk í bænum til þess að gaumgæfa hvort seðlar séu í lagi. Allt að tólf ára fangelsi er við peningafalsi í hegningarlögum.

Líbískur fjársjóður finnst í Egyptalandi

Þjóðarráðið í Líbíu greindi frá því í dag að fornir smápeningar sem rænt var úr banka í Benghazi hafi fundist í Egyptalandi.

Dregur úr klamydíutilfellum

Tæplega sextánhundruð manns greindust með klamydíu fyrstu níu mánuði þessa árs. Fjöldi tilfella á þessu ári hefur dregist saman um tæp tíu prósent miðað við sambærilegt tímabil í fyrra. Þetta kemur fram í Farsóttafréttum Landlæknisembættisins. Alls greindust 1584 einstaklingar með klamydíu, þar af var 941 kona og 609 karlar en upplýsingar um kyn vantar fyrir 34 einstaklinga að því er fram kemur.