10 mánaða fangelsi fyrir kynferðisbrot

Fjörutíu og sjö ára karlmaður var dæmdur í 10 mánaða fangelsi í Héraðsdómi Suðurlands í dag fyrir kynferðisbrot gegn 14 ára stúlku. Þá var hann einnig dæmdur til að greiða stúlkunni 600 þúsund krónur í miskabætur.

Maðurinn var ákærður fyrir að hafa um páskana í fyrra fyrir að hafa ítrekað lagst upp í rúm við hlið stúlkunnar þar sem hún lá ásamt vinkonu sinni. Hann var fundinn sekur um að hafa strokið handleggi hennar, maga utan klæða og brjóst innan klæða og tvisvar kysst hana tungukossi. Hann var ákærður að hafa gefið stúlkunni áfengi á skemmtistað fyrr um kvöldið en var sýknaður af þeim ákærulið.

Þá var maðurinn einnig fundinn sekur um að hafa, um morguninn, lagt upp í rúm til stúlkunnar, þar sem hún lá á nærbuxunum, strokið maga hennar, brjóst, læri og ítrekað litið undir sæng hennar á líkama hennar og reynt að kyssa hana.

Maðurinn neitaði sök en hann er heimilisvinur foreldrar stúlkunnar. Þrír dómarar við dóminn komust hins vegar að þeirri niðurstöðu að hann hafi haft í frammi kynferðislega áreitni gagnvart stúlkunni.