Franskir þingmenn ræða búrkubann

Franska þingið ræðir í dag hvort banna eigi svokallaðar búrkur eða slæður sem hylja allan líkama múslimskra kvenna. Nái frumvarpið um bann fram að ganga verður konum bannað að klæðast slíkum flíkum á opinberum stöðum um allt Frakkland og gerir lögreglu kleift að sekta konur um 22 þúsund krónur.

Öngþveiti í Toronto

Bruni í spennuvirki í kanadísku borginni Toronto olli í gærkvöldi rafmagnsleysi í stórum hluta borgarinnar. Um 250 þúsund manns voru án rafmagns og urðu gríðarlegar tafir í neðanjarðarlestarkerfi borgarinnar og á götum hennar þar sem rafmagnið fór af á háannatíma þegar fólk var á leið heim frá vinnu.

Leikreglunum breytt eftir á?

Breyting á frumvarpi iðnaðarráðherra um nýtingu vatnsafls og jarðvarma vekur spurningar um hvort stór svæði hafi verið útilokuð með tilliti til framtíðarorkunýtingar. Samkvæmt frumvarpinu mun verndar- og nýtingaráætlun ekki ná til svæða sem njóta nú þegar friðlýsingar nema það sé þegar heimilt samkvæmt skilmálum friðlýsingar viðkomandi svæðis.

Jesústyttan sýnileg á ný

Hin fræga Jesústytta í Rio de Janeiro í Brasilíu er nú aðgengileg ferðamönnum á ný.

Boða til mótmæla við stjórnarráðið

Hópur fólks ætlar að efna til mótmæla fyrir utan stjórnarráðið við Lækjargötu klukkan hálf tíu, eða rétt áður en ríkisstjórnarfundur hefst þar.

Hundrað handteknir á Hróarskeldu

Hróarskelduhátíðin þykir hafa farið friðsamlega fram í ár þrátt fyrir að lögregla hafi handtekið tvöfalt fleiri en í fyrra.

Komu fjallgöngukonu til bjargar

Björgunarsveitarmenn í Vestmannaeyjum komu erlendri göngukonu til hjálpar í gærkvöldi eftir að hana hafði borið af leið á fjalli ofan við Herjólfsdal á Heimaey. Þar er snarbratt og þegar hún áttaði sig á að hún var komin í vandræði, hringdi hún á gistiheimilið, þar sem hún bjó, og þaðan var kallað eftir aðstoð. Leiðangurinn gekk vel og kom konan heil til byggða.

Segja til um líkur á langlífi

Bandarískir vísindamenn segjast hafa þróað leið til að segja til um líkurnar á því að manneskja lifi í meira en 100 ár.

Þingmenn gagnrýna skort á undirbúningi

Með tilmælum Seðlabanka og Fjármálaeftirlits til fjármála­fyrirtækja vegna dóms Hæstaréttar um gengistryggingu lána er verið að hvetja almenning til að greiða fé inn í fyrirtæki sem standa sum mjög tæpt og gætu orðið gjaldþrota, segir Eygló Harðardóttir, þingmaður Framsóknarflokksins. Ljóst er að tilmælin eru hvorki skuldbindandi fyrir fyrirtækin eða almenning. Eygló gagnrýnir harðlega að þau hafi verið sett fram án nægilegs undirbúnings. Niðurstaða Hæstaréttar hafi komið stjórnsýslunni í opna skjöldu.

Breyting útilokar orkukosti

„Þetta kann að hafa þau áhrif að allt Torfajökulssvæðið standi utan rammaáætlunarinnar. Þá erum við að tala um einn þriðja af öllum nýtanlegum jarðhita sem eftir er í landinu að mati Orkustofnunar," segir Gústaf Adolf Skúlason, aðstoðarframkvæmdastjóri Samorku.

Mun betri veiði en búist var við

Veiðum frystitogara HB Granda á úthafskarfa á djúpslóð er lokið á þessari vertíð. Fjögur frystiskip stunduðu veiðarnar og varð afli þeirra alls um 4.600 tonn. Á heimasíðu fyrirtækisins segir að mun betur hafi gengið að veiða kvótann en menn áttu von á. Gefur það fyrirheit um að staða karfastofnsins á Reykjaneshryggnum sé betri en talið hefur verið lengi vel.

Strandblakvellir fullir öll kvöld

Mikill uppgangur er í strandblaki um þessar mundir. „Við erum að slá þátttökumet á hverju móti. Það má segja að fjöldi liða hafi tvöfaldast í sumar,“ segir Karl Sigurðsson, formaður strandblaksnefndar Blaksambands Íslands.

Krefjast 60 milljóna í bætur fyrir skítalykt

Hvalfjarðarsveit hefur verið stefnt fyrir Héraðsdóm Vesturlands til að greiða eigendum jarðarinnar Melaleitis sextíu milljónir króna í skaðabætur fyrir meinta rýrnun á verðmæti jarðarinnar í kjölfar útgáfu byggingarleyfis fyrir svínabú Stjörnugríss á Melum.

Askan hafði áhrif á tíunda hvern Svía

Aska úr eldgosinu í Eyjafjallajökli breytti áætlunum 42 prósenta sænskra ferðalanga, og hafði einhver áhrif á 11 prósent allra Svía.

Bæjarstjóralaun eru 850 þúsund

„Starf bæjarstjóra er gríðarlega umfangsmikið og undarlegt að minnihlutinn skuli sjá ofsjónum yfir því að það séu greidd þokkaleg laun fyrir það,“ segir Guðmundur Þór Guðjónsson, formaður bæjarráðs Hveragerðis, sem kveður umræðu minnihlutans í bæjarstjórn um laun bæjarstjórans vera villandi.

Netnotkun í símum lítil hér

Íslendingar sækja minna af gögnum í gegnum farsíma og netlykla en hinar Norðurlandaþjóðirnar. Áskrifendur að gagnaflutningi um breiðband eru að sama skapi fæstir hér en útbreiðsla á DSL-nettengingum er mest á Íslandi. Talið er að helsta ástæða þessa sé að 3G símaþjónusta hefur skemur verið í boði hér á landi.

Íbúar Djúpavogs geta drukkið rennandi vatn á ný

Nú geta íbúar Djúpavogs drukkið rennandi vatn á nýjan leik eftir að skemmdir urðu á vatnsveitunni fyrir helgi þegar að aurskriða féll á hana. Starfsmönnum hreppsins tókst að gera við skemmdirnar í gær og segir sveitarstjórinn skemmdirnar umtalsverðar í samtali við Austurgluggann.

Reif úr sér tennur með naglbít - hélt að það væri hlerunarbúnaður í þeim

Hæstiréttur staðfesti í dag dóm Héraðsdóms Reykjavíkur að karlmaður skuli vera vistaður nauðugur á sjúkrahúsi. Það var dómsmálaráðuneytið sem tók ákvörðunina en maðurinn kærði hana til dómstóla og var málið tekið fyrir 30. júní síðastliðinn.

Ari nýr framkvæmdastjóri Þjóðleikhússins

„Þetta leggst bara mjög vel í mig, þetta er mjög spennandi starf og mikil örgrun,“ segir Ari Matthíasson nýr framkvæmdastjóri Þjóðleikhússins. Starfið var auglýst til umsóknar í lok maímánaðar og rann umsóknarfrestur út þann 14. júní síðastliðinn. Tuttugu og fimm umsóknir bárust og mun Ari hefjast störf þegar leikhúsið tekur aftur til starfa að loknu sumarleyfi.

Endaði sársvangur upp á slysó eftir eltingaleik við kött í íbúð sinni

„Ég reyndi að króa köttinn af með Vuvuzela-lúðri sem ég fann hérna inn í stofu, en hann vildi ekki fara út,“ segir Andri Snær Njarðarson, íbúi í kjallaraíbúð í Múlunum í Reykjavík. Þegar hann kom heim til sín í hádegishléi í vinnu í dag, til að fá sér að borða, heyrði hann bjölluhljóð inn í herbergi hjá sér. Hann áttaði sig fljótlega á því að köttur úr nágrenninu hafði komist inn í íbúðina. Eftir mikinn eltingaleik við köttinn endaði hann á því að bíta og klóra Andra Snæ sem þurfti að fara upp á slysadeild og fá stífkrampasprautu. Kötturinn pissaði í rúmið hans og braut nokkra muni inn í stofu hjá honum.

Ætla að bjóða ríkisstjórnina velkomna í fyrramálið

„Við ætlum að vera fyrir framan stjórnarráðið klukkan hálf tíu í fyrramálið og bjóða ríkisstjórnina velkomna," segir Kristín Snæfells Arnþórsdóttir mótmælandi en ríkisstjórnin mun halda ríkisstjórnarfund klukkan tíu. „Við eigum eftir að ákveða hvort við munum hafa hátt," segir hún.

Eldur kviknaði í beinaverksmiðjunni í Grundarfirði

Eldur kviknaðir í plaströrum í gömlu beinaverksmiðjunni í Grundarfirði um sjö leytið í kvöld. Vel gekk að slökkva eldinn sem var ekki mikill, að sögn Valgeirs Þórs Magnússonar slökkviliðsstjóra í Grundarfirði. „Þetta var aðalega reykur, mikill reykur," sagði hann í samtali við Vísi.

Styrmir Þór einnig ákærður fyrir peningaþvætti

Styrmir Þór Bragason, fyrrverandi forstjóri MP banka, er ekki aðeins ákærður fyrir hlutdeild í umboðssvikum því hann er einnig ákærður fyrir peningaþvætti. Fyrstu ákærur sérstaks saksóknara verða þingfestar á morgun.

Lilja Mósesdóttir: Fólki ekki skylt að greiða af lánum sínum

Lilja Mósesdóttir, formaður viðskiptanefndar og stjórnarþingmaður, segir fólki ekki skylt að greiða af lánum sínum í samræmi við tilmæli Seðlabanka Íslands og Fjármálaeftirlitsins. Þetta er þvert á skoðun ráðherra í ríkisstjórn, sem sagði tilmælin sanngjörn.

Landsbankinn mun þurfa að afskrifa nokkur hundruð milljónir

Landsbankinn mun þurfa að afskrifa nokkur hundruð milljónir króna vegna sölu á dreifingarfyrirtækinu Parlogis. Bankinn lánaði fyrrverandi eigendum félagsins nær allt kaupverð þess og tók það svo yfir þegar móðurfélagið varð gjaldþrota á síðasta ári.

Síminn ekki ríkisstyrktur að mati sérfræðinga

Fjarskiptasjóður óskaði eftir umsögn fjármálaráðuneytisins til að taka allan vafa um að útboð sjóðsins, á háhraðanettengingum, gæti hugsanlega stangast á við ríkisstyrkjareglur ESB. Í tilkynningu frá Fjarskiptasjóði segir að það hafi verið álit sérfræðinga fjármálaráðuneytisins á sviði ríkisstyrkja að svo væri ekki.

Grafir hafa áður verið opnaðar

Engin fordæmi eru fyrir því að gröf sé opnuð eftir dómsúrskurð líkt og gert var í nótt með gröf Bobbys Fischer. Þórsteinn Ragnarsson,

Viðburðarík mótmæli við Seðlabankann - myndir

Það voru um fjögur hundruð manns sem mótmæltu tilmælum Seðlabankans og FME um seðlabankavexti á gengistryggðum lánum. Einn var handtekinn auk þess sem kona kastaði grjóti í áttina að lögreglunni.

Vara við hvassviðri á morgun

Veðurstofa Íslands varar við austan hvassviðri við suðurströndina og á Suðausturlandi á morgun. Seinni partinn á morgun mun djúp lægð nálgast úr suðri og því er spáð vaxandi austan- og norðaustanátt á öllu landinu. Annað kvöld er búist við austanhvassviðri við suðurströndina, frá Eyjafjöllum til Öræfa, og meðalvindi 15 - 20 m/s með vindkviðum allt að 40 m/s.

Össur fer til Ungverjalands og Króatíu

Össur Skarphéðinsson utanríkisráðherra heldur í dag til Króatíu og Ungverjalands í opinbera heimsókn. Hann mun eiga viðræður við æðstu ráðamenn beggja ríkja auk þess sem hann kynnir sér verkefni sem íslensk fyrirtæki standa að í báðum löndum.

500 milljónum veitt til átaksverkefna í atvinnumálum í Reykjavík

Borgarráð samþykkti tillögur nýs meirihluta borgarstjórnar að breytingum á framkvæmdaáætlun Reykjavíkurborgar á aukafundi sínum rétt í þessu.

Ísland fær undanþágur frá reglum um hvíldartíma bílstjóra

Yfirstjórn ESA, Eftirlitsstofnunar EFTA, hefur samþykkt undanþágur fyrir Ísland frá nokkrum ákvæðum reglna um aksturs- og hvíldartíma atvinnubílstjóra í farmflutningum. Undanþágurnar gilda tímabundið frá 30. október næstkomandi til 15. apríl 2011.

Skákborð úr heimsmeistaraeinvíginu 1972 til sölu

Sérsmíðað skákborð sem notað var í heimsmeistaraeinvígi Bobby Fischer og Boris Spassky er nú til sölu. Það er stórblaðið New York Times sem greinir frá þessu - á sama degi og fréttir af uppgreftri af líki Bobby Fischer eru í heimsfréttunum.

Fischer frábitinn svona meðferð

Einar S. Einarsson, einn af forsvarsmönnum RJF hópsins, gagnrýnir uppgröftinn á líki skákmeistarans Bobby Fischer. Hann segir að eðlilegra hefði verið að leita fyrst að lífsýnum í íbúð Fischer, það hafi hins vegar ekki verið gert.

Grjótkastarinn íhugar að keyra inn á Alþingi

„Það er ekki þér að þakka að við fengum ekki grjótið í andlitið,“ hreytti lögreglumaður í Aðalheiði Gunnlaugsdóttur þegar blaðamaður ræddi við hana fyrir utan Seðlabankann í hádeginu í dag. Aðalheiður játaði að hafa kastað grjóti í áttina að lögreglunni en minnstu munaði að það hefði farið í höfuðið á einum lögreglumanninum sem blaðamaður ræddi við.

Medvedev hughreystir Obama

Dmitry Medvedev forseti Rússlands hefur fullvissað Barack Obama um að handtaka ellefu Rússa fyrir njósnir muni ekki hafa neikvæð áhrif á samband ríkjanna.

Miðaldra kona grýtti lögreglumenn

Grjóti var kastað í átt að lögreglunni á mótmælunum við Seðlabankann nú fyrir skömmu. Kona á miðjum aldri játaði að hafa kastað steininum og sagði það hennar skilaboð til stjórnvalda. Lögreglan hefur yfirgefið vettvanginn.

Ráðherrar reknir fyrir bruðl

Tveir franskir ráðherrar hafa sagt af sér eftir að hafa orðið uppvísir að því að bruðla með opinbert fé.

Mótmæli við Seðlabankann - einn handtekinn

Einn hefur verið handtekinn í mótmælunum við Seðlabankann. Átök brutust út nú fyrir skömmu þar sem lögreglan yfirbugaði einn mótmælandann. Lögreglan er klædd í hlífðarvesti og hefur aukin harka færst í mótmælin.

Seðlabankinn læstur af öryggisástæðum

„Mér sýnist að menn séu búnir að segja sitt og séu að fara," segir Stefán Jóhann Stefánsson, starfsmaður Seðlabankans. Dyrum Seðlabankans var lokað í öryggisskini vegna mótmælanna en ekki gripið til frekari aðgerða.

Mótmælandi keyrði vélhjól á hurð Seðlabankans

Bifhjólamaður sem tók þátt í mótmælum við Seðlabanka Íslands ók hjóli sínu fjórum til fimm sinnum á hurð bankans.

Tyrkir hóta stjórnmálaslitum við Ísrael

Tyrkir hafa í fyrsta skipti hótað að slíta stjórnmálasambandi við Ísrael. Utanríkisráðherra Tyrklands sagði í dag að ef Ísraelar ekki annaðhvort bæðust afsökunar á árásinni á hjálparskipin til Gaza eða sættu sig við niðurstöðu alþjóðlegrar rannsóknarnefndar yrði stjórnmálasambandi slitið.

Kristján Loftsson: Fréttaflutningur af útflutningi „njósnastarfsemi“

Um ellefu hundruð tonn af hvalaafurðum sem Hvalur hf. hefur veitt eru í frystigeymslu, en það er tæpur fjórðungur af því sem fyrirtækið veiddi í heild sinni á síðasta ári. Kristján Loftsson segir útilokað að losa þúsund tonn á Japansmarkað á einu bretti og því sé þetta í frystigeymslu.

Kvartað til Umboðsmanns vegna tilmæla SÍ og FME

Umboðsmaður Alþingis hefur fengið formlega kvörtun frá gengislánaskuldara vegna tilmælanna sem Seðlabanki Íslands og Fjármálaeftirlitið sendu frá sér í síðustu viku um hvernig skyldi greiða af ólöglegum gengislánum þar til Hæstiréttur sker úr um vaxtakjör.

Rektor vill ekki gefa upp nöfn umsækjenda

Hjálmar Ragnarsson, rektor Listaháskóla Íslands, vill ekki gefa upp nöfn þeirra sem sóttu um stöðu prófessors í leiklist við skólann.