Eldvirkni í Merapi meiri eftir jarðskjálftann

Yfirmaður hjálparstarfs hjá Sameinuðu þjóðunum segir björgunarsveitir og lækna í kapphlaupi við tímann að bjarga þeim sem slösuðust í jarðskjálfta sem skall á indónesísku eyjunni Jövu um helgina og varð minnst 5.000 manns að bana. Eldvirkni í eldfjallinu Merapi á Jövu hefur aukist.

D-listi og F-listi að ná saman í Reykjavík?

Margt bendir til að Frjálslyndi flokkurinn og Sjálfstæðisflokkurinn séu að ná saman um myndun borgarstjórnar í Reykjavík. Efstu menn á lista Frjálslyndra sitja nú á undirbúningsfundi fyrir fund með sjálfstæðismönnum upp úr hádegi.

Enn óvitað um eldsupptök

Rannsóknadeild lögreglunnar í Hafnarfirði og menn frá tæknideild lögreglunnar í Reykjavík eru enn að rannsaka eldsupptök í togaranum Akureyrinni sem nú er í Hafnarfjarðarhöfn.

Verkamenn myrtir í Bagdad

Tíu féllu og tólf særðust þegar vegsprengja sprakk nálægt rútu um áttatíu kílómetra norður af Bagdad, höfuðborg Íraks, í morgun. Allir þeir sem féllu voru verkamenn.

Flestir hálendisvegir enn lokaðir

Flestir hálendisvegir eru enn lokaðir og eru þeir sérstaklega viðkvæmir fyrir akstri þessa dagana þegar frost er að fara úr þeim. Þó er sumstaðar hægt að komast upp á hálendið, eins og til dæmis Kjalveg að norðan, alveg upp á Hveravelli.

Sjálftæðismenn og Frjálslyndir funda á Akranesi í dag

Sjálfstæðisflokkurinn og Frjálslyndi flokkurinn funda í dag um myndun nýs meirihluta á Akranesi. Á Akranesi féll meirihluti Framsóknarflokksins og Samfylkingarinnar. Sjálfstæðisflokkurinn fékk fjóra menn í kosningunum. Framsóknarflokkurinn, Frjálslyndi flokkurinn og Vinstri-grænir einn hver og Samfylkingin tvo menn.

Blóðugur morgunn í Kabúl

Til blóðugra átaka kom í Kabúl, höfuðborg Afganistans, í morgun eftir að bandarískur herbíll lenti í hörðum árekstri við leigubíl og ók síðan á brott. Rúmlega fimmtíu skæruliðar talíbana munu hafa fallið í loftárás Bandaríkjamanna á mosku í suðurhluta landsins í morgun.

Fundað í Árborg um myndun nýs meirihluta

Fulltrúar Samfylkingarinnar, Framsóknarflokksins og Vinstri-grænna í Árborg funda seinna í dag um myndun nýs meirihluta. Í Árborg féll meirihluti Samfylkingarinnar og Framsóknarflokksins. Ragnheiður Hergeirsdóttir, oddviti Samfylkingarinnar, sagði í samtali við NFS í morgun að hún vonaðist til að málin færu að skýrast eftir fundinn í dag.

Ríkisstjórn Austur-Tímor á neyðarfundi

Ríkisstjórnin á Austur-Tímor kom saman til neyðarfundar í morgun eftir að uppreisnarmenn sögðust reiðubúnir að mæta til friðarviðræðna. Á sama tíma fara vígasveitir um höfuðborgina og leggja eld að húsum þrátt fyrir að ástralskir friðargæslumenn sjái um eftirlit á svæðinu.

Dótturfélag Dagsbrúnar í eina sæng með danska póstinum

Dótturfélag Dagsbrúnar í Danmörku og danski pósturinn ætla að stofna sameiginlegt dreifingarfyrirtæki þar í landi. Fyrsta verkefni félagsins verður að dreifa nýja Fréttablaðinu á landsvísu í Danmörku.

Gunnar Birgisson áfram bæjarstjóri í Kópavogi

Sjálfstæðismenn og Framsóknarmenn í Kópavogi náðu undir miðnætti samkomulagi um að halda meirihluta samstarfi sínu áfram í bæjarstjórn. Gunnar Birgisson verður áfram bæjarstjóri og Ómar Stefánsson forseti bæjarráðs.

Ekið á kyrrstæðan bíl

Farþegi í kyrrstæðum bíl slasaðist þegar ekið var á bílinn á Garðsvegi í gærkvöldi. Sá sem slysinu olli, ók fyrst utan í bíl, sem hann var að aka framúr, en kastaðist af honum á kyrrstæða bílinn. Hann er grunaður um ölvunarakstur.

Páfi í Auschwitz-útrýmingarbúðunum

Hinn þýskættaði Benedikt páfi sextándi skoðaði Auschwitz-útrýmingabúðirnar í Póllandi í gær, en um ein og hálf milljón manna, meirihlutinn gyðingar, voru drepnir í búðunum í helför Nazista í síðari heimsstyrjöld.

Uribe endurkjörinn forseti Kólumbíu

Hægrimaðurinn Alvaro Uribe var endurkjörinn forseti Kólumbíu í gær með miklum yfirburðum, eða 62% greiddra atkvæða. Næsti maður var einungis með rúmlega tuttugu prósenta fylgi, en úrslitin þykja ekki síst merkileg í ljósi þess að sitjandi forseti landsins hefur ekki náð endurkjöri í meira en öld.

Jarðskjálfti á Hengilsvæðinu

Jarðskjálfti upp á þrjá á Richter kvarða mældist á Hengilsvæðinu um fjóra kílómetra norðvestur af Hveragerði klukkan hálf sex í morgun. Skjálftahrina hefur verið í gangi á þessu svæði síðan á sjötta tímanum í morgun og hafa um fjörtíu skjálftar mælst, flestir minni en hálfur richter að stærð.

Sjálfstæðismenn og Framsóknarmenn áfram í meirihluta í Kópavogi

Sjálfstæðismenn og Framsóknarmenn í Kópavogi náðu undir miðnætti samkomulegi um að halda meirihluta samstarfi sínu áfram í bæjarstjórn.

Tölur yfir fjölda látinna nokkuð á reiki

Tala þeirra sem týndu lífi í jarðskjálftanum sem reið yfir á eyjunni Jövu í Indónesíu-eyjaklasanum aðfararnótt laugardags er nokkuð á reiki. Sumir fjölmiðlar segja hana nú allt að fimm þúsund og eitt hundrað á meðan aðrir segja hana nær fjögur þúsund, en talsmaður yfirvalda í Indónesíu sagði í morgun að ljóst sé að að minnsta kosti fjögur þúsund níu hundruð og áttatíu manns hafi beðið bana.

Segir slit R-listans hafa verið mistök

Vel kemur til greina að endurvekja Reykjavíkurlistann fyrir borgarstjórnarkosningarnar árið 2010, að mati Katrínar Jakobsdóttur, varaformanns Vinstrihreyfingarinnar-græns framboðs. Þetta kom fram í umræðum forystumanna stjórnmálaflokkanna á NFS og Stöð 2 í gærkvöldi.

Getting Out of Town for Pocket Change

Úrslit í Eyja- og Miklaholtshreppi

Óbundinni kosningu í Eyja- og Miklaholtshreppi er lokið. Á kjörskrá voru 96 og greiddu 88 manns atkvæði.

Úrslit í Skaftárhreppi

Óbundinni kosningu í Skaftárhreppi er lokið. Á kjörskrá voru 394 og greiddu 246 manns atkvæði.

Gunnar Birgisson áfram bæjarstjóri

Oddvitar Framsóknarflokks og Sjálfstæðisflokks í Kópavogi náðu nú í kvöld samkomulagi um meirihlutasamstarf á komandi kjörtímabili. Samkomulag er um að Gunnar I. Birgisson verði bæjarstjóri og að Ómar Stefánsson, oddviti Framsóknarflokks verði formaður bæjarráðs. Málefnasamningur liggur fyrir og veðrur hann lagður fyrir fulltrúaráð flokkanna á miðvikudag.

Síðustu tónleikar I Fagiolini

Framsækin endurreisnartónlist, - hljómar eins og þversögn, en þetta er eitt einkennismerki sönghópsins I Fagiolini, sem hélt síðari tónleika sína á Listahátíð í Íslensku óperunni í dag.

Helgimyndir í Hallgrímskirkju

Roðagylltar helgimyndir skreyta veggi Hallgrímskirkju þessa dagana. Sýning á balkönskum íkonum var opnuð þar í gær og stendur í heilan mánuð. Verkin eru eftir leikmenn í íkonagerð frá Balkanlöndunum, bæði karla og konur.

Ósætti um eftirlit á kjörstað

Ósætti er um hvernig framboð mega standa að eftirliti á kjörstað og frambjóðendur sem tóku að sér hlutverk kjörstjórnarfulltrúa voru meðal ágreiningsmála sem upp komu í sveitarstjórnarkosningunum í gær.

Kemur til greina að endurvekja R-listann

Katrín Jakobsdóttir, varaformaður Vinstrihreyfingarinnar-græns framboðs, segir vel koma til greina að endurvekja Reykjavíkurlistann fyrir borgarstjórnarkosningarnar árið 2010. Ingibjörg Sólrún Gísladóttir, formaður Samfylkingarinnar, tók í sama streng og ítrekaði þá skoðun sína að slit Reykjavíkurlistasamstarfsins hefðu verið mistök.

Tekur aftur við oddvitahlutverkinu

Eyþór Arnalds segist líta á það sem traustsyfirlýsingu við sig hversu margir kusu Sjálfstæðisflokkinn í Árborg. Hann ætlar að taka strax til starfa með bæjarstjórnarflokki sjálfstæðismanna í Árborg.

Nýjar meirihlutastjórnir að taka á sig mynd

Meirihlutastjórnir í fimm af ellefu stærstu sveitarfélögum landsins féllu í kosningunum í gær. Þreifingar hófust þegar í dag um meirihlutasamstarf vítt og breitt um landið. Akureyri, Mosfellsbær og Akranes eru meðal þeirra staða þar sem búast má við breytingum.

Herréttur mun dæma Hill

Bandaríski flugherinn hefur ákveðið að herréttur skeri úr um örlög Calvin Hills, fyrrverandi þyrluflugliða hjá Varnarliðinu, sem ákærður er fyrir morðið samstarfsmanni sínum, Ashley Turner.

Liðhlaup færast í vöxt

Yfir eitt þúsund breskir hermenn hafa gerst liðhlaupar síðan ófriðurinn í Írak braust út vorið 2003, að því er könnun breska ríkisútvarpsins leiðir í ljós.

Sigur Á-listans staðfestur

Kjörstjórn á Álftanesi lauk fyrir skemmstu endurtalningu á atkvæðum sem greidd voru í sveitarstjórnarkosningunum í gær. Endurtalningin staðfesti sigur Álftaneslistans. Sjálfstæðismenn fóru fram á endurtalningu vegna þess hversu mjótt var á munum en aðeins munaði þremur atkvæðum þegar talningu lauk í gærkvöldi.

Unnið hratt að því að mynda meirihluta í borgarstjórn

Vilhjálmur Þ. Vilhjálmsson oddviti Sjálfstæðismanna í Reykjavík hefur rætt við fulltrúa flestra hinna flokkanna um myndun meirihluta í borgarstjórn Reykjavíkur. Nú fyrir nokkrum mínútum lauk fundi hans, Gísla Marteins Baldurssonar, og Hönnu Birnu Kristjánsdóttur að heimili Ólafs F. Magnússonar oddvita Frjálslynda flokksins.

Viðræður um myndun nýs meirihluta í Mosfellsbæ

Fulltrúar Samfylkingarinnar, Vinstri-grænna og Framsóknarflokksins í Mosfellsbæ hafa hafið formlegar viðræður um myndun nýs meirihluta í bænum. Sjálfstæðisflokkurinn tapaði meirihluta sínum í gær.

Börnum haldið í Guantanamo

Bresk mannréttindasamtök staðhæfa að allt að sextíu börn undir átján ára aldri hafi verið látin dúsa í Guantanamo-fangabúðunum illræmdu og jafnvel sætt þar pyntingum.

Ísraelar gera loftárásir í Líbanon

Ísraelskar herþotur skutu í morgun eldflaugum að búðum lítilla en herskárra palestínskra samtaka í Líbanon.

Líðan Sharons óbreytt

Ariel Sharon, fyrrverandi forsætisráðherra Ísraels, var í morgun fluttur af Hadassah-sjúkrahúsinu í Jerúsalem á dvalarheimili í Tel Aviv fyrir fólk í dauðadái.

Ganga samkynhneigðra leyst upp

Rússneska lögreglan leysti upp kröfugöngu samkynhneigðra sem fram átti að fara í höfuðborginni Mosvku í gær.

Meirihlutinn féll í fimm af ellefu stærstu sveitarfélögum landsins

Meirihlutinn í bæjarstjórn féll í fimm af ellefu stærstu sveitarfélögum landsins í kosningunum í gær. Það var fyrirséð að nýr meirihluti tæki við í Reykjavík þar sem R-listinn bauð ekki fram.

Eyþór Arnalds heldur sæti sínu sem oddviti

Eyþór Arnalds var að vonum kátur í gærkvöldi þegar fyrstu tölur úr Árborg voru birtar. Staða hans og flokksins fyrir kosningarnar var óljós en nú liggur fyrir að hann haldi sæti sínu sem oddviti flokksins.

Óvíst hver verður næsti borgarstjóri Reykvíkinga

Óvíst er hver verður næsti borgarstjóri Reykvíkinga. Sjálfstæðisflokkurinn fékk ekki hreinan meirihluta en vantaði bara einn mann upp á. Tæplega 86.000 manns voru á kjörskrá í Reykjavík.

Glundroði og gripdeildir í Dili

Algert stjórnleysi virðist ríkja á Austur-Tímor þrátt fyrir að erlent friðargæslulið sé komið til landsins.

Stöðugt finnast fleiri látnir

Nú er orðið ljóst að 4.600 hið minnsta hafi týnt lífi í jarðskjálftanum á Jövu í fyrrinótt. Hjálparstarf er í fullum gangi en hver mínúta er dýrmæt þar sem margir eru enn grafnir í rústum.

Þreifingar fyrir meirihlutamyndun í borginni

Oddvitar flokkanna í Reykjavík vildu ekkert gefa upp um þreifingar fyrir meirihlutamyndun í borginni. Ýmsir spá því að Sjálfstæðisflokkur leiti til annað hvort Frjálslynda flokksins eða Framsóknar um meirihlutasamstarf.

Meirihlutinn hélt óvænt velli

Meirihlutinn hélt á Ísafirði, þvert á það sem skoðanakannanir höfðu gefið ástæðu til að ætla. Bæjarstjórinn og oddviti Sjálfstæðismanna vill halda áfram samstarfinu við Framsóknarflokkinn undir sinni forystu.

Straumurinn lá til vinstri

Straumur kjósenda lá til vinstri í nótt í stærstu sveitarfélögum landsins þar sem Vinstri-grænir og Samfylkingin bættu við sig fjölda sveitarstjórnarmanna. Sjálfstæðismenn bættu lítillega við sig en Framsóknarmenn töpuðu miklu.