Engin svör enn frá El Salvador vegna morðsins á Jóni Þór Ólafssyni

Íslensk lögregluyfirvöld hafa engin svör fengið frá El Salvador, um það hvernig rannsókninni á morðinu á Jóni Þór Ólafssyni miðar. Jón Þór var myrtur á sunnudagsmorgun, ásamt innfæddri konu, en þau voru bæði skotin með sjálfvirkri byssu, -hann að minnsta kosti tuttugu skotum.

Hrottaleg nauðgun í Grafarvogi um helgina

Hrottaleg nauðgun átti sér stað í heimahúsi í Grafarvogi um helgina. Kona um fimmtugt hefur kært ítrekaðar nauðganir og líkamsmeiðingar sem stóðu í marga klukkutíma.

Fimm umferðaróhöpp á Akureyri

Haglél varð til þessa að fimm umferðaróhöpp voru með skömmu millibili síðdegis í dag á Akureyri. Að sögn lögreglu byrjaði að snjóa og gekk á með éljum sem varð til þess að hálka myndaðist fljótt á vegum sem kom ökumönnum í opna skjöldu með fyrrnefndum afleiðingum. Engin slys urðu þó á fólki.

Ekið á vegfaranda í Garðabæ

Ekið var á gangandi vegfaranda sem var á leið yfir gangbraut á Bæjarbraut í Garðabæ nú síðdegis. Vegfarandinn var fluttur á sjúkrahús og er ekki vitað um líða hans að svo stöddu. Bæjarbraut er enn lokuð fyrir umferð á meðan lögregla rannsakar slysstað.

Bændur loki alifugla sína inni

Fuglaflensutilfelli af gerðinni H5N1 eru komin upp í Þýskalandi og Austurríki. Frá þessu greindi landbúnaðarráðuneytið í Þýskalandi í gær. Alls hefur því fuglaflensa greinst í tíu Evrópulöndum.

Umferðaslys á Snorrabraut

Umferð hefur verið stöðvuð við Snorrabraut vegna umferðaslyss en harður árekstur var á gatnamótum Snorrabrautar og Egilsgötu á fimmta tímanum. Sjúkrabílar og tækjabíll slökkviliðsins voru sendir á slysstað en ekki er enn vitað hvort einhver hafi slasast.

Hönnun á tengingu Sundabrautar við Grafarvog er ekki hafin

Hönnun á tengingu Sundabrautar við Grafarvog er ekki hafin. Sturla Böðvarsson samgönguráðherra greindi frá þessu í fyrirspurnartíma á Alþingi fyrir stundu. Hann sagði hönnunina ekki geta hafist fyrr en samráðsferli við íbúa hefði farið fram og allri undirbúningsvinnu væri lokið. Fyrirspyrjandi, Guðlaugur Þór Þórðarson Sjálfstæðisflokki, spurði einnig hvort til greina kæmi að færa brautina út fyrir Hamarinn svo kallaða í Grafarvogi, og sagðist ráðherra til í að líta til þess möguleika, ef það myndi ekki leiði til frekari tafa á framkvæmdinni.

Er í skoðun hvort ríkið haldi eftir virðisauka af smáskífunni Hjálpum þeim

Árni M. Mathiesen fjármálaráðherra segir að verið sé að skoða hvort ríkið muni halda eftir virðisaukaskatt af söluágóða smáskífunnar Hjálpum þeim, og samskonar verkefnum til styrktar bágstöddum.

Leitað eftir samningi vegna Heilsuverndarstöðvar

Heilbrigðisráðherra hyggst leita eftir samningum um að starfsemi Heilsuverndarstöðvarinnar verði þar áfram, að minnsta kosti tímabundið, eftir að nýir eigendur taka við húsinu. Ráðherra opnaði í dag nýjan vef Heilsugæslu höfuðborgarsvæðisins í húsinu.

Breytingar á frumvarpinu ná til allra skólastiga

Breytingar á frumvarpi um styttri framhaldsskóla ná til allra skólastiga. Þetta kom fram í máli Þorgerðar Katrínar Gunnarsdóttur menntamálaráðherra í fyrirspurnatíma á Alþingi í dag.

Ráðherra opnaði í dag nýjan vef Heilsugæslu

Ráðherra opnaði í dag nýjan vef Heilsugæslu höfuðborgarsvæðisins í húsinu. Eins og greint hefur verið frá í fréttum voru allar heilsugæslustofnanir á höfuðborgarsvæðinu sameinaðar um áramótin í eina stofnun og í dag var nýr vefur stofunarinnar kynntur.

Engin samræmd próf fyrir grunnskólanema?

Breytingar á frumvarpi um styttri framhaldsskóla ná til allra skólastiga en Þetta kom fram í máli Þorgerðar Katrínu Gunnarsdóttur menntamálaráðherra í fyrirspurnatíma á Alþingi í dag.

Laun hækka hjá þeim er lægst hafa launin hjá Kópavogsbæ

Laun hækka hjá lægstlaunuðustu starfsmönnum hjá Kópavogsbæ, en bæjarráð Kópavogs samþykkti á fundi sínum 9. febrúar síðastliðinn að nýta sér heimildir til að hækka laun þeirra lægstlaunuðu, er þetta gert með því að hækka lægsta útborgaða launaflokk í 115.

Styrkir til foreldra sem ættleiða börn frá útlöndum

Styrkir til ættleiðinga gætu orðið að veruleika ef þingsályktunartillaga sem lögð var fyrir Alþingi verður samþykkt.

Sparisjóður Hafnarfjarðar kaupir 80% hlut í Allianz Ísland hf.

Sparisjóður Hafnarfjarðar (SPH) hefur fest kaup á 80% hlutafjár í eignarhaldsfélaginu Hring. Hringur á allt hlutafé í Allianz Ísland hf., sem er söluumboð fyrir þýska trygginga- og sjóðastýringarfyrirtækið Allianz.

Gengu í hjónaband um borð í flugvél

Átta hollensk pör gengu í það heilaga um borð í flugvél Icelandair á degi elskenda, Valentínusardeginum, í gær. IcelandAir stóð fyrir samkeppni í Hollandi af því tilefni að fimmtán eru liðin frá því að IcelandAir hóf að fljúga frá Amsterdam til Íslands.

Þjóðskrá frá Hagstofu til dómsmálaráðuneytis

Þjóðskráin verður flutt frá Hagstofunni til dómsmálaráðuneytisins 1. maí næstkomandi ef frumvarp forsætisráðherra þar að lútandi nær fram að ganga. Ætlunin með þessu er að skilja betur milli hagskýrslugerðar og stjórnsýslustarfsemi að sögn hagstofustjóra.

Alifuglar hér á landi verða lokaðir inni ef til fuglaflensu kemur

Reikna má með að alifuglar hér á landi verði lokaðir inni líkt og annars staðar á Norðurlöndum þegar og ef fuglaflensa berst hingað til lands. Sóttvarnalæknir segir að ekki verði gripið til sérstakra aðgerða nú umfram það sem þegar hefur verið gert eftir að fuglaflensa hefur greinst í Þýskalandi og Austurríki.

Undirskriftalistar í Hveragerði

Tæplega fjögur hundruð Hvergerðingar hafa skrifað undir mómæli gegn því að bæjaryfirvöld semji við verktakafyrirtækið Eykt um uppbyggingu nýs bæjarhluta, án þess að athuga fleiri valkosti. Listinn var afhentur í morgun.

Impregilo og starfsmannaleigur sýknuð

Impregilo og tvær portúgalskar starfsmannaleigur voru í morgun sýknuð af kröfu AFLs, starfsgreinafélags Austurlands, um greiðslu félagsgjalda og gjalda í sjúkra- og orlofssjóði.

Roger Waters til Íslands

Roger Waters, fyrrum forsprakki Pink Floyd, heldur tónleikaí Egilshöll 12. júní næst komandi. Þar flytur hann öll helstu lög Pink Floyd, þar á meðal öll lögin af plötunni Dark Side of the Moon. Sú plata hefur selst í þrjátíu og fjórum milljónum eintaka og var rúm ellefu ár samfleytt á lista Billboard yfir 200 mest seldu plötur Bandaríkjanna.

Tveir slösuðust í bílslysi

Tveir menn slösuðust þegar bíll þeirra valt út af veginum við Urriðavatn, skammt frá Egilsstöðum í gærkvöldi. Þeir voru fluttir á heilsugæslustöðina á Egilsstöðum og ákváðu læknar þar að senda þá áfram með sjúkraflugi á Landspítalann í Reykjavík.

Miklar hækkanir á hlutabréfamarkaði

Ekkert lát var á hækkun fyrirtækja í Kauphöllinni í morgun og hefur FL Group hækkað um tæp fimmtíu prósent frá áramótum, svo dæmi sé tekið.

Unglingspiltar handsamaðir eftir árásir

Þrír unglingspiltar réðust í gærkvöldi á konu, sem var nýbúin að taka reiðufé út úr hraðbanka við Fífuhvammsveg í Kópavogi og reyndu að hrifsa af henni veskið. Hún brást hart við, hristi þá af sér og hringdi á lögreglu.

Sjúkraflugvélin fjarri þegar hennar var þörf

Rúmur klukkutími leið frá því óskað var eftir sjúkraflugi fyrir fárveikt tveggja ára barn í Vestmannaeyjum þar til flugvélin sem sinna átti fluginu kom til Eyja. Flugvélin á að vera þar að staðaldri en var í viðgerð í Reykjavík þegar hennar var þörf.

Suðurverk átti lægsta tilboðið

Suðurverk ehf átti lægsta tilboð í gatna- og stígagerð lagningu fráveitu-, neysluvatns og veitulagna í fimmta áfanga Vallahverfis í Hafnarfirði. Tilboðið hljómaði upp á 211 milljónir króna en kostnaðaráætlun upp á rúmar 240 milljónir.

Frumvarpið samræmist ekki EES-ákvæðum

Samtök atvinnulífsins telja að lagafrumvarp um Ríkisútvarpið samræmist ekki ákvæðum EES-samningsins um ríkisstyrki og sé í andstöðu við markmið samkeppnislaga.

Mikill áhugi á lóðum í Úlfarsfelli

Um 5.500 manns hafa skoðað gögn vegna útboðs á lóðum í Úlfarársdal eða sótt sér geisladisk með gögnunum. Frestur til að skila inn kauptilboðum rennur út klukkan fjögur síðdegis á morgun og verða opnuð hálftíma síðar að þeim bjóðendum viðstöddum sem þess óska.

Öll aðildarfélög styðja samkomulagið

Stjórnir allra aðildarfélaga Kennarasambands Íslands styðja samkomulag sambandsins við menntamálaráðherra um samstarf í skólamálum. Samkomulagið, sem var gert eftir miklar deilur um fyrirhugaða styttingu náms til stúdentsprófs, hefur verið gagnrýnt af kennurum í mörgum skólum.

Vilja flytja inn erfðaefni til kynbóta

Bændur í Félagi kúabænda á Suðurlandi vilja að hafinn verði innflutningur á erfðaefni til að kynbæta kúastofninn. Tillaga þessa efnis var samþykkt með 23 atkvæðum gegn tíu á aðalfundi félagsins í gær.

Vísitala framleiðsluverðs lækkar

Vísitala framleiðsluverðs var 97,1 stig á síðasta ársfjórðungi síðasta árs og hafði þá lækkað um 0,3 prósentustig frá næsta ársfjórðungi á undan.

Straumi hleypt á fyrstu kerin

Straumi verður hleypt á fyrstu kerin í stækkun álvers Norðuráls á Grundartanga klukkan tíu í dag. Þetta er fyrsti hluti stækkunarinnar sem er tekinn í notkun en framleiðslugeta álversins eykst úr 90 þúsund tonnum í 220 þúsund tonn.

Rúmlega þrjátíu prósent sveitarstórnarmanna konur

Konur eru nú um þrjátíu og tvö prósent sveitarstjórnarmanna. Í sveitarstjórnarkosningunum 2002 fór hlutfall kvenna í sveitarstjórnum landsins í fyrsta skipti yfir þrjátíu prósent og í tíu prósent sveitarfélaga eru konur í meirihluta. Þetta kemur fram í stuttri greiningu á hlut kvenna í sveitarstjórnum á kosningarvef félagsmálaráðuneytisins.

200 þúsund manns á hryðjuverkalista

Bandarísk yfirvöld búa yfir gagnagrunni sem hefur að geyma nöfn 325 þúsund manna sem grunaðir eru um aðild eða stuðning við hryðjuverk. Frá þessu greinir bandaríska dagblaðið Washington Post.

Reiðubúnir að axla nokkra ábyrgð

Hópur danskra múslímaleiðtoga, sem sakaður hefur verið um að hafa kynnt undir deilur vegna myndanna af Múhameð, kvaðst í gær reiðubúinn að axla nokkra ábyrgð.

Áfram mótmæli í Pakistan vegna Múhameðsmynda

Lítið lát er á mótmælum í Pakistan vegna skopmyndanna af Múhameð spámanni sem birtar hafa verið í fjölmörgum evrópskum dagblöðum. Mótmælendur kveiktu í morgun í veitingastað Kentucky Fried Chicken í bænum Pashawar í norðurhluta Pakistans ásamt því að brenna bandaríska og danska fánann og hrópa slagorð gegn löndunum.

Vilja segja upp samningum við SAS vegna flugmannadeilu

Stórir viðskiptavinir skandinavíska flugfélagsins SAS vilja nú hverjir á fætur öðrum segja upp samningum sínum við félagið vegna langvarandi deilu þess við flugmenn sína. Frá þessu er greint í Jótlandspóstinum.

Keyptu 40 prósent fleiri bíla en árið áður

Íslendingar slógu öllum Vestur-Evrópumönnum við í bílakaupum í fyrra, sem jukust um rúm 40 prósent frá árinu á undan. Næst mest var aukningin í Danmörku, eða um 20 prósent og þar næst á Írlandi, ellefu prósent.

Norðmenn hættir loðnuveiðum

Síðasta norska loðnuskipið hélt út úr íslenskri lögsögu í gær, en veiðar norsku skipanna hér við land gengu illa að þessu sinni. Þau voru flest ellefu við veiðar hér og máttu aðeins veiða í nætur, en ekki flottroll.

Íslensk börn eru að þyngjast

Íslensk börn eru sífellt að þyngjast og dæmi eru um að börn á leikskólaaldri mælist of þung. Þetta var meðal þess sem kom fram á málþingi um mataræði grunnskólanema sem Náttúrulækningafélag Íslands stóð fyrir í gærkvöldi.

Stígamót ekki alls kostar ánægð með frumvarp um kynferðisbrot

Talskona Stígamóta hefur ýmislegt að setja út á nýtt frumvarp dómsmálaráðherra um kynferðisbrot, þó ýmislegt jákvætt sé þar að finna að hennar mati. Afnám fyrningafrests vegna kynferðisbrota gegn börnum er meðal þess sem hún vildi sjá í frumvarpinu.

Leita að ömurlegu ljóði

Leitin að ömurlegasta ljóðinu er hafin. Það þarf að vera þrjú erindi sem hvert inniheldur fjórar fimmtán atkvæða ljóðlínur. Tekið verður tillit til asnalegra myndlíkinga, klaufalegs orðalags og ósmekklegs umfjöllunarefnis auk annarra stílbragða ömurðarinnar.

Tveir féllu í óeirðum

Tveir menn féllu í Pakistan í gær í einhverjum verstu óeirðum sem brotist hafa út í landinu í kjölfar birtingar á skopmyndum af Múhameð spámanni. Öryggisverðir skutu mennina sem reyndu að bera eld að banka í aðgerðum sem beint var gegn Vesturlöndum.

Algjört reykingabann á krám

Neðri málstofa breska þingsins samþykkti í gær frumvarp til laga um algjört reykingabann á krám og skemmtistöðum á Englandi, sem taka á gildi um mitt næsta ár. Breytingatillaga sem hefði undanskilið krár og veitingastaði sem ekki hefðu mat á boðstólnum var felld.

Þrír piltar réðust á konu

Þrír unglingspiltar réðust í gærkvöldi á konu, sem var ný búin að taka reiðufé út úr hraðbanka í Kópavogi og reyndu að hrifsa af henni veskið. Hún brást hart við, hristi þá af sér og hringdi á lögreglu. Nokkru síðar ruddust piltarnir, sem eru 14 og 15 ára inn á fund dagmæðra í Kópavogi og ætluðu að ræna þær.