Sjö myrtir í messu

Sjö manns voru skotnir til bana og fleiri særðust í skotárás í messu á hótelinu Sheraton í Wisconsin á laugardaginn. Eftir að hafa skotið á kirkjugesti tók árásarmaðurinn eigið líf.

Costa del glæpur

Spænska lögreglan kom upp um víðfeðman, alþjóðlegan glæpahring sem hafði bækistöðvar í Marbella við suðurströnd Spánar. Talið er að hringurinn hafi stundað peningaþvætti á yfir 300 milljónum dollara fyrir ýmis glæpasamtök.

Keppast um hylli Háskólans í Rvk.

Reykjavík og Garðabær keppast nú við að bjóða Háskólanum í Reykjavík góðar byggingalóðir. Reykjavík býður Vatnsmýrina í vísindaþorpi framtíðar. Garðabær býður land við Urriðaholt í göngufæri við Heiðmörkina.

Hreyfing sem þunglyndislyf

Komið hefur í ljós að hreyfing hefur áhrif á sömu taugaboðefni og þunglyndislyf. Í Svíþjóð geta læknar skrifað upp á svokallaða hreyfingarseðla til þunglyndra sem viðbót við önnur lyf. Rætt hefur verið um svipaðar breytingar á heilbrigðiskerfinu á hinum Norðurlöndunum.

Systkini létust er sjónvarp sprakk

Fjögur systkini, átta til sautján ára gömul, létust þegar sjónvarpstæki í svefnherbergi þeirra sprakk. Foreldrar barnanna fengu slæm brunasár eftir að hafa reynt að slökkva eldinn. Slysið varð í Alexandríu í Egyptalandi.

Hefðarkonur í söðli

Um 200 börn og unglingar sýndu listir sínar á sýningunni Æskan og hesturinn sem var haldin í þrettánda sinn um helgina í Reiðhöllinni í Víðidal.

Mesta hækkunin á Austurlandi

Verð á íbúðarhúsnæði á Austurlandi hækkaði um tæp 35 prósent milli áranna 2003 og 2004. Hækkunin var hvergi meiri á landinu öllu en á sama tímabili hækkaði íbúðaverð á höfuðborgarsvæðinu um rúm 13 prósent.

Kræklingarækt í sókn

Samningur um endurfjármögnun Norðurskeljar í Hrísey hefur verið undirritaður og þar með liggur fyrir uppbygging bláskeljaræktunar í Eyjafirði. Eins og fram kom í Fréttablaðinu í febrúar stefnir fyrirtækið á 800 tonna ársframleiðslu innan þriggja ára og enn umfangsmeiri ræktun árin þar á eftir. 

Glæfralegur hraðakstur á Selfossi

Átján ára ökumaður var stöðvaður í nótt eftir glæfralegan hraðakstur á Selfossi. Pilturinn, sem var á Toyota Land Cruiser jeppa, mældist á 137 kílómetra hraða innanbæjar á Selfossi þar sem leyfilegur hámarkshraði er 50 kílómetrar. Hann ók síðan yfir hringtorg og út úr bænum í átt til Reykjavíkur.

Al-Qaida fordæmir ráðstefnuna

Al-Qaida í Írak fordæmir ráðstefnu um öryggismál í Madríd á Spáni og segja formælendur samtakanna að þar séu trúleysingjar saman komnir. Í yfirlýsingu samtakanna segir að íslam muni lifa af, þó að trúleysingjar reyni að taka höndum saman í stríði sínu gegn múslímum um víða veröld.

Aukning í árásum tölvuhakkara

Mikil aukning hefur orðið á árásum svokallaðra tölvuhakkara á vefsíður íslenskra fyrirtækja upp á síðkastið. Lögreglan í Reykjavík hvetur einstaklinga og fyrirtæki til að huga vel að vírusvörnum í tölvum sínum.

Féll á milli hæða

Kona um tvítugt var flutt á sjúkrahús eftir að hafa stokkið eða fallið á milli hæða í fjölbýlishúsi á Ísafirði. Klukkan fimm í nótt var tilkynnt var um að kona hefði stokkið fram af svölum á þriðju hæð hússins og þegar lögreglan kom á staðinn reyndist hún hafa fallið niður á svalir á annarri hæð, en þær standa út undan svölunum á hæðinni fyrir ofan.

Flóttamaðurinn ófundinn

Sakborningurinn sem slapp eftir að hafa gripið skammbyssu öryggisvarðar í dómshúsi í Atlanta í gær, og skotið tvo öryggisverði og dómarann til bana, er enn leitað. Fé hefur verið lagt manninum til höfuðs en lögreglan hefur litla hugmynd um hvar hann gæti nú verið að finna.

Hamas taka þátt í kosningunum

Hamas-samtökin ætla að taka þátt í þingkosningum í Palestínu í sumar og verður rétturinn til vopnaðrar baráttu efst á stefnuskránni. Þetta gæti haft afdrifaríkar afleiðingar fyrir friðarferlið.

Góður skíðadagur um mest allt land

Þetta er góður skíðadagur um mest allt land. Nægur snjór er á skíðasvæðum höfuðborgarsvæðisins þar sem veður er gott. Hlíðarfjall verður opið frá klukkan tvö en þar ekki mikill snjór.

Í Hvíta húsið að nýju

Karen Hughes, sem var náinn samstarfsmaður Bush Bandaríkjaforseta í upphafi fyrra kjörtímabils hans, er nú á ný komin til starfa fyrir Hvíta húsið. Henni er ætlað að stýra ímyndarherferð Bandaríkjanna sem er til þess hugsuð að draga úr andúð á Bandaríkjunum erlendis, einkum meðal múslíma.

Mannskætt lestarslys í Víetnam

Á annan tug manna er látinn og 200 eru slasaðir eftir að hraðlest fór út af sporinu í Víetnam í dag. Að minnsta kosti 30 hinna slösuðu eru í lífshættu. Lestin var á leið frá Hanoí, höfuðborg Víetnam, til borgarinnar Ho Chi Minh með um 500 farþega innanborðs. Ekki liggur fyrir hvers vegna lestin fór út af sporinu.

Stofnunin sýknuð af kröfu föður

Tryggingastofnun var í Hæstarétti í gær sýknuð af kröfu föður um ógildingu á ákvörðun Tryggingastofnunar um synjun á greiðslum í fæðingarorlofi. Maðurinn var ekki talinn uppfylla þau skilyrði laga um fæðingar- og foreldraorlof að hafa verið samfellt sex mánuði á innlendum vinnumarkaði fyrir upphafsdag fæðingarorlofs.

Hryðjuverkalögin samþykkt

Ströng og umdeild hryðjuverkalög voru samþykkt á breska þinginu í gær eftir langar og sögulegar deilur þingmanna og stjórnar.

Hafís fyrir öllu Norðurlandi

Hafís er nú fyrir öllu Norðurlandi. Í gærkvöldi var hann skammt undan Grímsey en að sögn Theódórs Hervarssonar, veðurfræðings á Veðurstofunni, hefur ástandið versnað. Ísinn er nú kominn upp að eyjunni og umlykur hana alveg.

Stjórnmálasamband við Gvæönu

Ísland hefur tekið upp stjórnmálasamband við Gvæönu og var yfirlýsing þess efnis undirrituð í New York í fyrradag. Gvæana er á norðausturströnd Suður-Ameríku og á landamæri að Venesúela, Brasilíu og Súrinam.

15 ára piltar í gæsluvarðhaldi

Tveir fimmtán ára piltar sitja í gæsluvarðhaldi grunaðir um á annan tug innbrota á Seltjarnarnesi og í Vesturbæ Reykjavíkur. Annar piltanna hefur áður setið í gæsluvarðhaldi.

Heimsendir í nánd?

Líf á jörðu þurrkast út með 62 milljón ára millibili, samkvæmt því sem bandarískir vísindamenn hafa komist að. Hvers vegna liggur þó ekki alveg ljóst fyrir.

Newman hættir að leika

Paul Newman ætlar að hætta að leika. Newman, sem er orðinn áttræður, segist ætla að leika í einni kvikmynd til viðbótar áður en hann dregur sig í hlé. Hann segir einnig að líkindum tímabært að hætta að taka þátt í kappakstri en á yngri árum sagði Newman að kappakstur og kvikmyndaleikur væru einu ástríðurnar í lífinu.

Atlantsolía opnar brátt

Atlantsolía mun opna bensínstöð í Reykjanesbæ áður en langt um líður. Fyrsta skóflustungan að nýrri stöð þar var tekin í síðasta mánuði og í gær komu stóreflis eldsneytistankar frá Atlantsolíu til bæjarins og bíða þess að vera settir niður á lóð fyrirtækisins samkvæmt Víkurfréttum.

Peningaþvottur upp á 20 milljarða

Spænska lögreglan hefur handtekið 41 mann, grunaðan um að standa fyrir skipulögðum peningaþvotti. Talið er að hópurinn hafi þvegið peninga fyrir allt að 250 milljónir evra, eða sem samsvarar um 20 milljörðum íslenskra króna, og að sögn talsmanns í spænska innanríkisráðuneytinu leikur grunur á að rússneska olíufyritækið Yukos tengist aðgerðum hópsins.

Þyrlan sett í viðbragðsstöðu

Tveir unglingspiltar slösuðust í Bláfjöllum nú síðdegis þegar þeir lentu saman, að því er talið er, ofarlega í fjallinu, nærri nýju stólalyftunni. Tveir sjúkrabílar voru sendir á staðinn og er óttast að piltarnir hafi orðið fyrir hryggmeiðslum. Þyrla Landhelgisgæslunnar var sett í viðbragðsstöðu en ákveðið hefur verið senda hana ekki á vettvang.

Háskólasetur Vestfjarða stofnað

Háskólasetur Vestfjarða var stofnað við hátíðlega athöfn í framtíðarhúsnæði setursins, Vestrahúsinu á Ísafirði, í dag. Stofnfundurinn var í sal Ísfangs þar sem var margt góðra gesta, þ.á m. þrír ráðherrar. 

Peningar og kort liðin tíð?

Viðskiptavinir þýskrar verslanakeðju geta brátt farið algjörlega peninga- og kortalausir inn í verslanir fyrirtækisins og samt gengið þaðan út, klyfjaðir af vörum, eða a.m.k. í samræmi við það sem bankainnistæða þeirra leyfir. Verslanakeðjan vinnur nefnilega að því að setja fingraskanna í allar verslanir sínar.

Þyrlan sótti slasaðan vélsleðamann

Björgunarsveitarmenn úr Björgunarsveit Hafnarfjarðar komu að vélsleðamanni við Strútslaug um þrjúleytið í dag sem hafði slasast þegar sleði hans féll niður bratta. Óskað var eftir aðstoð þyrlu Landhelgisgæslunnar og fór hún frá Reykjavík um klukkan hálffjögur.

Hafísinn færist líklega nær

Fokkervél Landhelgisgæslunnar er nýlent eftir ískönnunarflug. Ísinn var kannaður allt frá Horni og austur úr. Hafísinn umlykur nú Grímsey og miðað við vindátt og spá má búast við að hann færist nær landi fyrir norðan.

Páfi að braggast

Jóhannes Páll páfi II yfirgefur að líkindum Gemelli-sjúkrahúsið í Rómaborg fyrir næstu helgi, jafnvel á mánudag eða þriðjudag. Páfi hefur legið á sjúkrahúsi í hálfan mánuð vegna öndunarerfiðleika. Talsmenn Páfagarðs segja páfa eiga betra með að tala nú en fyrir nokkrum dögum og að hann sé að braggast.

Byssumaðurinn handsamaður

Lögreglan í Atlanta í Bandaríkjunum handtók nú rétt áðan Brian Nichols sem skaut dómara og tvo aðra til bana í dómsal í Atlanta í gær. Hann var handtekinn norðan við borgina eftir að lögregla hafði umkringt manninn.

Herinn fer burt

Brotthvarf Sýrlendinga frá Líbanon er óhjákvæmilegt og frágengið, en greint var frá samkomulagi þess efnis síðdegis. Þrýstingurinn á stjórnvöld í Damaskus hefur aukist jafnt og þétt undanfarna sólarhringa og yfirlýsingar Bashars al-Assads, forseta Sýrlands, fyrr í vikunni, dugðu ekkert til að draga þar úr.

Nátturuleysi plagar pöndur

Hvað á að gera þegar náttúruleysi er við það að útrýma heilli dýrategund? Vísindamenn um allan heim standa frammi fyrir þessari spurningu og svarið skiptir sköpum fyrir pandabirni. Sérfræðingar í Bandaríkjunum sáu sér þann kost vænstan að grípa til tæknifrjóvgunar eftir að hafa reynt allt til að fá pöndurnar Mei-sjang og Tían-tían til að fjölga sér upp á gamla móðinn.

4 með matareitrun eftir túnfiskát

Fjórir einstaklingar veiktust í fyrra eftir að hafa borðað túnfisk á veitingahúsum en svokölluð krílfiskeitrun er ein af mörgum eitrunum sem geta komið upp við neyslu sjávarfangs.

Ofsaakstur á Selfossi

<font face="Helv"> Lögreglan á Selfossi þurfti að hafa afskipti af ökumanni í nótt, sem ók á 137 kílómetra hraða við brúna vestast í bænum. </font>

Búið að ná árásarmanninum

Gróf skotárás grunaðs manns í dómsal í Bandaríkjunum hefur vakið ótta og reiði þar í landi. Maðurinn drap þrjá og náðist í dag á flótta. Maðurinn sem heitir Brian Nichols og er 33 ára og starfaði áður sem tölvuviðgerðarmaður. Hann var sakaður um nauðgun, innbrot og fleiri afbrot sem beindust einkum að fyrrverandi unnustu hans.

Hafísinn kominn að Melrakkasléttu

Hafís nálgast norðurströnd landsins óðfluga og hefur náð landi við Melrakkasléttu. Siglingaleiðir þar eru varasamar og gangi veðurspáin eftir, mun ástandið enn versna.

Formaður eða ráðherra hindri leka

Jón Sveinsson, formaður einkavæðingarnefndar, segir það hlutverk stjórnarformanns Landssímans eða fjármálaráðherra að tryggja að trúnaðarupplýsingar leki ekki út við sölu Landssímans. Einkavæðingarnefnd bregðist hins vegar við, geri aðrir það ekki.

Landhelgisgæslan til Keflavíkur

Landhelgisgæslan mun flytja til Keflavíkur á næstu árum. Halldór Ásgrímsson forsætisráðherra segir að það liggi fyrir að Íslendingar taki að sér meiri verkefni í tengslum við Keflavíkurflugvöll og Varnarliðið. Þar nefndi ráðherra Landhelgisgæsluna og lögregluna en víkingasveitin verður efld og tólf manna sveit staðsett í Keflavík.

Seldu kökur fyrir sígarettur

Nemendur í 8. bekk HR í Austurbæjarskóla tóku reykingamenn á beinið í dag. Bekkurinn, sem er reyklaus, bakaði kökur og fór í Smáralind þar sem reykingamönnum voru boðnar kökur í skiptum fyrir sígarrettur. Sígarettunum var síðan eytt.

Assad lofar að draga herinn burt

Bashar al-Assad, forseti Sýrlands, fer á fund Kofi Annan, framkvæmdastjóra Sameinuðu þjóðanna, í næstu viku. Hann ætlar að láta Annan fá tímaáætlun um brottflutning her- og leyniþjónustumanna frá Líbanon. Sendiboði Sameinuðu þjóðanna fundaði með Assad í gær.

Munntóbak hefur þrefaldast í verði

Munntóbaksskortur er á höfuðborgarsvæðinu. Munntóbak er ólöglegt samkvæmt lögum en þrátt fyrir það er mikið verslað með þessa vöru á svarta markaðnum. Dósin hefur hækkað úr 500 krónum í 1.800 undanfarið.

Barnasáttmáli kynntur

Barnahjálp Sameinuðu þjóðanna á Íslandi (UNICEF) hélt upp á árs afmæli sitt í gær. Afmælisveislan var haldin á skrifstofu UNICEF á Íslandi við Skaftahlíð 24 í Reykjavík.