Innlent

Stofnunin sýknuð af kröfu föður

Tryggingastofnun var í Hæstarétti í gær sýknuð af kröfu föður um ógildingu á ákvörðun Tryggingastofnunar um synjun á greiðslum í fæðingarorlofi. Maðurinn var ekki talinn uppfylla þau skilyrði laga um fæðingar- og foreldraorlof að hafa verið samfellt sex mánuði á innlendum vinnumarkaði fyrir upphafsdag fæðingarorlofs. Maðurinn hélt því ennfremur fram að honum hafi verið veittar rangar upplýsingar af starfsmönnum stofnunarinnar þegar hann sótti um greiðslu fæðingarorlofs. Hæstiréttur komst að þeirri niðurstöðu að ósannað væri að hann hefði fengið rangar upplýsingar eða að stofnunin hefði vanrækt upplýsingaskyldu sína, eða að dráttur hefði orðið á afgreiðslu á umsókn hans um þessar greiðslur sem leiða ættu til skaðabótaskyldu. Héraðsdómur hafði áður hafnað kröfum mannsins.
Dómsmál Fréttir Innlent Lög og regla
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið