Stefndi í stjórnarkreppu

Svanhildur Árnadóttir, oddviti Sjálfstæðisflokks í bæjarstjórn Dalvíkurbyggðar, segir að fulltrúar bæði Sjálfstæðisflokks og Framsóknarflokks hafi slegið af sínum kröfum hvað varðar skólamál í Dalvíkurbyggð, því allt hafi stefnt í stjórnarkreppu í sveitarfélaginu.

Verulegir fjárhagserfiðleikar

Á landsþingi Sambands íslenskra sveitarfélaga í gær var rætt um bága fjárhagsstöðu sveitarfélaga. Vilhjálmur Þ. Vilhjálmsson, formaður Sambandsins segir nauðsynlegt að tekjustofnar sveitarfélaganna verði styrktir til að þeir geti á eðlilegan hátt sinnt lögbundnum verkefnum sínum. 

Fulltrúaráð lagt niður

Á aukaaðalfundi Sambands íslenskra sveitarfélaga í gær var samhljóða samþykkt að fella niður fulltrúaráð sambandsins. Þess í stað á að efna til landsþings árlega, með þátttöku allra sveitarfélaga.

Sekt verði borguð á staðnum

Mönnum gefst nú kostur á að ljúka málum fyrir umferðarlagabrot með sekt á vettvangi, verði nýtt frumvarp dómsmálaráðherra að lögum. Björn Bjarnason dómsmálaráðherra mælti í dag fyrir frumvarpi um breytingu á meðferð opinberra mála og frumvarpi um fullnustu refsinga. Ráðherrann dró síðara frumvarpið til baka í fyrra eftir að alvarlegar athugasemdir höfðu verið gerðar við það.

Ekkert gert í matarverðinu

Himinhátt matarverð hér á landi er ekkert nýtt, segir formaður Neytendasamtakanna. Það hafi hins vegar aldrei verið gert neitt í því. Við greindum í gær frá fyrirhugaðri rannsókn samkeppnisyfirvalda á Norðurlöndum á matvælaverði eftir að í ljós kom að það væri margfalt hærra en í ríkjum Evrópusambandsins.

Farið í grunnskóla

Slökkvillið höfuðborgarsvæðisins fer nú sem eldur í sinu á milli grunnskóla á höfðuborgarsvæðinu og brýnir fyrir börnunum að sýna aðgát í tengslum við jólaskreytingar og kanna hjá foreldrum sínum hvort að brunavarnir séu í lagi.

Stakk átta nemendur til bana

Maður stakk átta nemendur til bana í heimavist framhaldsskóla í Ruzhou-borg í Henan-héraði í miðhluta Kína. Maðurinn fór inn í heimavist pilta um miðnætti í fyrrinótt og réðist á nokkra piltanna með hníf. Fjórir særðust til viðbótar þeim sem létust, þeirra á meðal tveir lífshættulega.

Semja um friðsamlega lausn

Mennirnir sem takast enn á um völdin í Úkraínu, tæpri viku eftir seinni umferð forsetakosninganna, samþykktu í gær að semja um friðsamlega lausn deilunnar sem hefur valdið uppnámi í Úkraínu. Viktor Janukovitsj forsætisráðherra og Viktor Júsjenko, leiðtogi stjórnarandstöðunnar, hittust í gærkvöldi á fundi með Leoníd Kútsjma, fráfarandi forseta.

Ruðst inn í sendiráð

Andstæðingar Kárahnjúkavirkjunar ruddu sér leið inn í íslenska sendiráðið í London í gær, að því er fram kom í fréttum Sjónvarpsins í gærkvöld. Þar sagði að fólkið hefði viljað mótmæla Kárahnjúkavirkjun og tekið sér stöðu í sendiráðinu. Starfsfólk sendiráðsins kallaði eftir hjálp lögreglu, sem kom og handtók fólkið.

Vinstriflokkurinn tapar enn

Vinstriflokkurinn sænski heldur áfram að tapa fylgi og mælist nú með lægsta fylgi sitt í áratug í skoðanakönnun sem Dagens Nyheter birti. Flokkurinn mælist með 6,5 prósenta fylgi.

Snákatemjarar hóta stjórnvöldum

Indverskir snákatemjarar hóta að sleppa baneitruðum snákum í þinghúsi indverska fylkisins Orissa ef yfirvöld þar halda fast í bann við snákasýningum á gangstéttum.

Skiptinemum fækkar vestanhafs

Erlendum skiptinemum í Bandaríkjunum hefur fækkað mikið á síðustu árum. Þeir voru nær 28 þúsund síðasta vetur, meira en helmingi færri en þeir voru veturinn 1993 til 1994 þegar þeir voru 62 þúsund talsins.

Íhuga að fresta kosningum

Íraska kosningastjórnin tekur afstöðu til þess í dag hvort fresta eigi kosningum í landinu. Til stendur að halda kosningar fyrir 30 janúar næst komandi en tíu stjórnmálaflokkar hvöttu í gær til þess að kosningunum yrði frestað um hálft ár.

56 prósent sáu Davíð

Rúmlega 56 prósent landsmanna horfðu á Laugardagskvöld með Gísla Marteini hinn 13. nóvember og í endursýningu daginn eftir. Þetta kemur fram í könnun sem Gallup gerði fyrir RÚV dagana 14.-20. nóvember. Úrtak könnunarinnar var 820 manns á aldrinum 16-75 ára og var svarhlutfallið 63,2 prósent.

Fólk vakni til vitundar

Nemendur Listaháskóla Íslands gerðu gjörning við Hæstarétt í gær í tilefni af V-deginum. Nemendur beindu V-inu að húsinu á táknrænan hátt. Merkið er beiðni um vitunarvakningu sem miðar að því að breyta viðhorfum fólks til fórnarlamba kynferðisofbeldis.

Vilja hjúkrunarheimili í Vesturbæ

Borgaryfirvöld í Reykjavík og bæjaryfirvöld á Seltjarnarnesi vilja að reist verði 90 rýma hjúkrunarheimili fyrir aldraða á Lýsislóðinni við Grandaveg. Fyrr á árinu gerðu sveitarfélögin sér vonir um að framkvæmdir gætu hafist í lok þessa árs, en málinu hefur lítið þokað áfram.

Vilja flytja bandaríska sendiráðið

Forseti borgarstjórnar segir staðsetningu bandaríska sendiráðsins slæma. Vill ræða við utanríkisráðuneytið um að flytja sendiráðið. Frumkvæði þarf frá Washington, segir talsmaður sendiráðsins.Nágrannar eru æfir eftir að steyptir stöplar voru settir á götuna í gær.</font /></b />

Óperusöngvarar sungu veisluboðið

Síminn vill ekki gefa upp hvað boð sem fyrirtækið hélt fyrir sína stærstu viðskiptavini í Ásmundarsafni í gærkvöld kostaði. Fréttablaðið hefur heimildir fyrir því að boðið hafi verið mjög veglegt. Óperusöngvarar fóru til forsvarsmanna stærstu viðskiptavina Símans og sungu til þeirra veisluboðið.

Bílslys kosta 20 milljarða árlega

Umferðarslys kosta samfélagið tuttugu milljarða árlega. Þetta kom fram í erindi Jóns Sigurðssonar, fyrrverandi svæfingalæknis, á Umferðarþingi á fimmtudag.

Arfleifð Arafats skapar svigrúm

Forystumenn East-West Institute telja að Bandaríkin þurfi og muni treysta á bandamenn sína í baráttunni gegn útbreiðslu kjarnavopna. Þá segja þeir að arfleifð Arafats komi í veg fyrir að valdabarátta leiði til átaka í Palestínu muni skapa eftirmanni hans svigrúm til athafna.</font /></b />

Opna á innanlandsflug í Keflavík

Nýjar aðstæður kunna að skapast ef Íslendingar verða að taka að sér stóran hluta reksturs Keflavíkurflugvallar, segir Ingibjörg Sólrún, fyrrverandi borgarstjóri.

Elri gæti komið í stað lúpínu

Elri er trjátegund sem sögð er hafa uppgræðslueiginleika á borð við lúpínu. Elrinu svipar til birkis og sker sig því ekki jafn mikið úr landslaginu og litsterk lúpínan. Elri kann því sums staðar að henta betur.

Virkar stjórnir beri ábyrgð

"Með virkum stjórnum má fullyrða að fáist betri fyrirtæki," segir Elvar Steinn Þorkelsson, framkvæmdastjóri Microsoft á Íslandi, en í tengslum við samráð olíufélaganna hefur ábyrgð stjórnarmanna fyrirtækja borist í tal.

Bilið aldrei verið breiðara

Bilið milli hinna tekjuhæstu og tekjulægstu á Íslandi hefur breikkað um helming á síðasta áratug og er nú meira en nokkru sinni áður. Ellefu þúsund tekjuhæstu Íslendingarnir hafa að meðaltali 22 sinnum hærri laun en ellefu þúsund tekjulægstu. Það tekur hina tekjulægstu því nær tvö ár að afla sér mánaðarlauna hinna tekjuhæstu.

Slitnað upp úr meirihlutaviðræðum

Framsóknarflokkurinn á Dalvík ákvað á fundi sínum í fyrrakvöld að halda ekki áfram viðræðum við I-lista Sameiningu um meirihlutastarf í bæjarstjórn. Valdimar Bragason, bæjarfulltrúi Framsóknarflokksins og núverandi bæjarstjóri segir að tillögur Sameiningar muni auka útgjöld bæjarsjóðs og séu því óásættanlegar.

Hátt matvælaverð rannsakað

Samkeppnisyfirvöld á Norðurlöndunum ætla að hefja sameiginlega rannsókn á því að matvæli á Norðurlöndum eru miklu dýrari en að meðaltali í ríkjum Evrópusambandsins, jafnvel þótt Finnland, Svíþjóð og Danmörk séu í sambandinu.

Palestínumaður skotinn til bana

Ísraelskir hermenn skutu Palestínumann til bana á Gasa-ströndinni í morgun. Hermenn voru þar í leit að neðanjarðargöngum sem notuð eru til vopnasmygls. Ekki er ljóst á þessari stundu  hvort að maðurinn tengdist smygli eða hryðjuverkastarfsemi.

Kviknaði aftur í

Mikill hiti kraumar enn í dekkjahaugnum á athafnasvæði Hringrásar við Sundahöfn og kviknaði aftur í honum um tíuleytið í gærkvöldi þegar stórvirkar vinnuvélar voru að moka dekkjum úr honum. Slökkviliðið var kallað á vettvang til að slökkva eldinn og var það á vettvangi fram undir morgun til að tryggja að eldur gysi ekki aftur upp.

Boðað til allsherjarverkfalls

Boðað hefur verið til allsherjarverkfalls í Úkraínu til að mótmæla endanlegum úrslitum í forsetakosningum þar en yfirkjörstjórn sendi þau frá sér í gær. Slagsmál brutust út meðal þingmanna eftir að úrslitin voru kunngerð.

Ísland í hóp olíuframleiðsluríkja?

Deilendur til margra ára um Hatton Rockall grunnsævið, djúpt suður af Íslandi og vestur af Færeyjum, Bretlandi og Írlandi, þurfa nú í sameiningu að að skilgreina grunnið frá alþjóðlegu hafsbotnssvæði og leggja það fyrir landgrunnsnefnd Sameinuðu þjóðanna. Ekki er talið útilokað að olíu sé að finna á svæðinu en þá myndi Ísland bætast í hóp olíuframleiðsluríkja.

Fuglaflensa næsti heimsfaraldur

Næsti heimsfaraldur verður að líkindum af völdum fuglaflensu að mati sérfræðinga Alþjóða heilbrigðismálastofnunarinnar. Einn stofn fuglaflensu, H5N1, hefur reynst mannfólki banvænn og telja sérfræðingarnir að hann sé til þess fallinn að dreifast um heimsbyggðina og sýkjast á bilinu 25-30% jarðarbúa.

Nokkur umferðaróhöpp í hálkunni

Nokkur umferðaróhöpp urðu á norðaustanverðu landinu í gærkvöldi vegna fljúgandi hálku sem víðast hvar er enn á þessu svæði. Nokkrir árekstrar urðu á Akureyri en þar slasaðist engin og ökumaður flutningabíls slapp með skrekkinn þegar tengivagn, sem bíllinn dró, rann út af veginum í Blönduhlíð og valt. Bíllinn hélst aftur á móti á veginum.

Háttsettir CIA-menn segja upp

Tveir háttsettir starfsmenn CIA-leyniþjónustunnar hafa sagt upp störfum vegna óánægju með yfirstjórn CIA. Ekki verður upplýst hverjir starfsmennirnir tveir eru þar sem þeir hafa unnið að leynilegum verkefnum en að sögn háttsettra manna innan leyniþjónustunnar er um lykilmenn að ræða sem stjórnað hafa aðgerðum í Evrópu og Mið-Austurlöndum.

Ekki lengur hræddir við að ferðast

Bandaríkjamenn eru ekki lengur hræddir við að ferðast innanlands eins og þeir voru fyrst eftir hryðjuverkaárásirnar 11. september 2001. Þakkagjörðarhátíðarhelgin nálgast nú óðfluga og þegar í gær voru langar raðir á flugvöllum og járnbrautarstöðvum þó að aðalferðadagurinn sé venju samkvæmt í dag, fimmtudag.

Óskaði Janúkóvits til hamingju

Vladímír Pútín, forseti Rússlands, óskaði í morgun Viktor Janúkóvits til hamingju með sigurinn í forsetakosningunum sem fram fóru í Úkraínu á sunnudag. Háttsettur fulltrúi rússneskra stjórnvalda hafði það eftir Pútín að sigur Janúkóvits skapaði kjöraðstæður fyrir samskipti ríkjanna tveggja.

80 uppreisnarmenn handsamaðir

Hundruð breskra hermanna réðust á bækisstöðvar meintra stuðningsmanna Saddams Hússeins nærri Bagdad í Írak í morgun en hersveitir hafa undanfarna daga reynt að knésetja uppreisnarmenn suður af höfuðborginni. Áttatíu Írakar voru handsamaðir og hald lagt á tæki sem talin eru vera til sprengjugerðar.

Skattalækkanir valda áhyggjum

Trúnaðarmannaráð SFR hefur áhyggjur af þeim skattalækkunum sem nú hafa verið boðaðar þar sem líkur eru á að með þeim hagnist hinir best settu mest en hinir tekjulægstu minnst. Þetta er meðal þess sem kemur fram í ályktun trúnaðarmannaráðsins sem samþykkt var á fjölmennri samkomu þeirra og stjórnar SFR í gærkvöldi.

Tekinn með 140 grömm af kókaíni

Maður á þrítugsaldri var handtekinn í Leifsstöð í fyrrakvöld. Hann var að koma frá Amsterdam og var grunaður um fíkniefnasmygl. Við leit fundust 140 grömm af kókaíni, falin í endaþarmi hans.

9 ára stúlku rænt

Níu ára stúlka var numin á brott í austurbæ Kópavogs síðdegis í gær og var skilin eftir við afleggjarann að Skálafelli. Lögregla lýsir eftir manninum.

Lækkun gjaldsins veltur á ríkinu

Það myndi engu breyta um veggjaldið um Hvalfjarðargöng þótt Spölur endurfjármagnaði erlend lán sín. Innlendar skuldir Spalar eru hins vegar við ríkissjóð þannig að það stendur upp á ríkið að skapa svigrúm til lækkunar veggjaldsins.

Guggna á ástarsögu um sendiherra

Ritstjórar kanadíska stórblaðsins National Post í Ottawa, biðja Guðmund Eiríksson sendiherra Íslands, Adrienne Clarkson landstjóra Kanada og eiginmann hennar John Ralston Saul afsökunar á skrifum um meint samband þeirra. Ritstjórarnir segja ummælin um þau röng og viljandi missagnir koma fram. Orðalagið ber merki mikillar eftisjáar ritstjóranna.

Geta ekki tryggt öryggi borgaranna

Slökkvilið höfuðborgarsvæðisins vantar úrræði til að tryggja öryggi borgaranna, segir framkvæmdastjóri forvarnadeildar. Brýn þörf sé á að slökkviliðið hafi heimild til að sekta þá beint sem láta undir höfuð leggjast að sinna kröfum um úrbætur á brunavörnum. 

Systirin klessti Bens Hannesar

Áföllin dynja á Hannesi Hólmsteini Gissurarsyni eitt af öðru. Ekkja Laxness komin í mál við hann, botnlanginn sprunginn og nú síðast klessukeyrði systir hans bílinn hans. Hannes veit varla hvaðan á sig stendur veðrið. „Mestu skiptir að enginn slasaðist en systir mín tók þetta nærri sér,“ segir Hannes meðal annars í DV í dag.

Mikill baráttuhugur í almenningi

Urður Gunnarsdóttir, talsmaður ÖSE, Öryggis- og samvinnustofnunar Evrópu, sem starfar við kosningaeftirlit í Úkraínu, segir mikinn baráttuhug í almenningi í landinu. Hún segir ástandið í Kænugarði ótrúlega gott miðað við ólguna í landinu. 

Umferðarþing í Reykjavík

Umferðarþing á vegum Umferðarstofu og Umferðarráðs var sett í Reykjavík í dag. Á þinginu verður „Umferðarljósið“, sérstakur verðlaunagripur Umferðarráðs, veittur aðila sem lagt hefur mikið af mörkum til að auka umferðaröryggi í landinu.