Ester Bí­bí leiðir Vinstrið í Hafnar­firði

Greint er frá framboðinu í fréttatilkynningu frá Vinstri grænum (VG), sem sameina krafta sína með VG og Vors til vinstri, sem er fylking þeirra fyrrverandi sósíalista sem slitu sig úr Sósíalistaflokknum ásamt Sönnu Magdalenu Mörtudóttur, borgarfulltrúa Sósíalista í Reykjavík, síðasta vor.

Framboðið hefur þegar kynnt lista sinn í Reykjavík og nú hafa efstu sex sætin á listanum í Hafnarfirði verið opinberuð.

Oddvitinn Ester Bíbí lék á bassa í rokksveitinni Kolrössu krókríðandi á 10. áratugnum en sveitin sigraði Músíktilraunir árið 1992. Hljómsveitin gerði tilraun til þess að meika það í Bretlandi undir nafninu Bellatrix. Hún var áður á lista sósíalista.

Annað sætið skipar tónsmiðurinn Svenný Kristins og þriðja sætið skipar Davíð Arnar Stefánsson landfræðingur.

Þau sem leiða listann eru:

1. Ester Bíbí Ásgeirsdóttir, verkefnastjóri og MSc í Stjórnun og stefnumótun.
2. Svenný Kristins, aðstoðarmaður iðjuþjálfa og tónsmiður
3. Davíð Arnar Stefánsson, landfræðingur og fjallaleiðsögumaður
4. Guðrún Lína Thoroddsen, kvikmyndagerðarmaður
5. Margrét Pétursdóttir, leiðsögumaður
6. Anna Sigríður Sigurðardóttir framhaldsskólakennari

Í síðustu kosningum 2022 tapaði VG fylgi, hlaut aðeins um 4,3 prósent atkvæða í Hafnarfirði og fékk engan fulltrúa inn. Sósíalistar buðu ekki fram í síðustu kosningum í Hafnarfirði.