Tveir hand­teknir í tengslum við and­lát í Vest­manna­eyjum

Þetta staðfestir Jón Gunnar Þórhallsson, yfirlögregluþjónn lögreglunnar á Suðurlandi en mbl greindi fyrst frá.

„Við erum með til rannsóknar andlát í Vestmannaeyjum á sjúkrastofnun og við erum með tvo sakborninga í haldi. Skýrslutökur eru í gangi,“ segir Jón Gunnar.

Hann gat ekki veitt upplýsingar um sakborningana né hinn látna en staðfestir að tveir voru handteknir í dag.

Mbl segist hafa heimildir fyrir því að um tvo starfsmenn Heilbrigðisstofnunar Suðurlands í Vestmannaeyjum sé að ræða og þeir grunaðir um að eiga sök að andlátinu. Annar þeirra á að vera hjúkrunarfræðingar og beinist rannsóknin að því hvort lyfjagjöf hafi leitt til andlátsins.

Díana Óskarsdóttir, forstjóri Heilbrigðisstofnunar Suðurlands, vildi ekki tjá sig um málið þegar Vísir hafið samband.