„Ör­stutt þung­lyndi yfir niður­stöðunum“

Hann gerði upp hina stuttu en snörpu baráttu á samfélagsmiðlum rétt í þessu.

„Ég vaknaði í morgun eftir skemmtilegt kvöld, smá örstutt þunglyndi yfir niðurstöðunum,“ skrifar Guðmundur. Tvær mjög krefjandi vikur séu nú að baki.

Þrátt fyrir að hann hafi ekki komist í sex efstu sætin – sem eru bindandi – þá finnist honum árangur sinn góður þegar niðurstöðurnar eru skoðaðar í heild sinni.

„Það er greinilega ekki nóg að halda skemmtilegasta partýið til að vinna kosningu, en það var allavega vel mætt og ógleymanlegt.“

Hann þakkar stuðningsfólki sínu innilega og segist munu halda áfram að vinna með flokknum. Nú muni hann snúa sér aftur að því sem hann kunni best. „Vinna með fólki á vettvangi, baráttu láglaunafólks, velferðarmálum og fangelsum landsins.“