Hrósar Verzlingum fyrir „vel skipu­lagða“ úti­legu

Fréttastofa ræddi við eiganda tjaldsvæðisins eftir að hann vakti athygli á því á Facebook að „gleði“ Verzlinganna hafi „farið úr böndunum“. Hann sagði í samtali við fréttastofu að mikið partístand hafi verið á ungmennunum, sem töldu 400, og hafi lætin ollið öðrum tjaldgestum ónæði fram eftir nóttu.

„Þetta var auðvitað rosalega mikil truflun, partí og mikil læti. Þess vegna ætlum við ekki að gera þetta aftur,“ sagði Gunnar Björn Gunnarsson, eiganda tjaldsvæðisins Hraunborga, í samtali við blaðamann í dag og tók þó fram að engin slagsmál hafi orðið.

Heiða Björg Hilmisdóttir borgarstjóri, sem sjálf á barn sem er nemandi í Verzlunarskólanum, deilir fréttinni á Facebook og bendir á það sem fram hafi kom í frétt Vísis, að menntskælingarnir hafi verið með leyfi og að gæsla hafi verið á svæðinu.

„Við sem samfélag gætum talað ungt fólk meira upp og hrósað fyrir það sem vel er gert,“ skrifar borgarstjóri.

„Ég geri það hér með, vel gert hjá ykkur að skipuleggja útilegu svona vel og hafa gaman saman.“