Sígild sumarterta að hætti Dana

Svava Marín Óskarsdóttir skrifar 6. maí 2025 14:31

Berglind heldur úti vefsíðunni Gotterí og gersemar.

Þegar hin sígilda danska jarðaberjaterta er komin á útiborðið á sólríkum sumardegi, er sumarið formlega mætt hjá frændum okkar Dönum. Tertan samanstendur af stökkum kökubotni með mjúkri marsípanfyllingu, dökku súkkulaði, silkimjúkum vanillubúðingi og ferskum jarðarberjum. Tertan er tilvalin með kaffinu á mæðradaginn næstkomandi sunnudag.

Matgæðingurinn Berglind Hreiðarsdóttir hjá Gotterí og Gersemar útbjó sína eigin útgáfu af tertunni, eftir að hafa fengið innblástur frá danska bakaríinu Lagkagehuset við heimsókn til Danmerkur, og deildi henni á vefsíðu sinni.

View this post on Instagram

A post shared by Lagkagehuset (@lagkagehuset_official)

Sígild jarðaberjaterta að hætti Dana

Botninn

150 g hveiti

100 g smjör (kalt)

1 msk flórsykur

1 egg

¼ tsk salt

Aðferð:

Skerið smjörið í teninga og setjið allt saman í skál.

Hnoðið saman með höndunum eða með K-inu í hrærivélinni þar til blandað saman.

Smyrjið eldfast mót/kökuform að innan með smjöri og þjappið deiginu síðan í botninn og upp hliðarnar.

Einnig er hægt að kæla deigið í um klukkustund og fletja það út ef þið kjósið heldur að gera það þannig.

Kælið í ísskáp á meðan þið útbúið marsípanfyllinguna en gatið þó deigið með gaffli áður en þið hellið henni ofan á botninn.

Marsípanfylling og súkkulaðiskel

200 g marsípan

100 g sykur

100 g smjör (við stofuhita)

2 egg

50 g hveiti

70 g suðusúkkulaði

Aðferð:

Hitið ofninn í 180°C.

Hnoðið marsípan, sykur og smjör saman í hrærivélinni (með K-inu) og bætið síðan eggjunum saman við einu í einu.

Að lokum má sigta hveitið saman við og hræra vel saman, smyrjið síðan yfir gataðan smjördeigsbotninn.

Bakið í 23-25 mínútur og látið kólna.

Bræðið suðusúkkulaði og smyrjið því yfir og kælið áður en vanillurjóminn fer ofan á.

Þetta er gert til þess að kakan blotni ekki of mikið þegar vanillurjóminn er settur ofan á, svo gerir súkkulaði auðvitað allt betra.

Vanillurjómi og skreyting

250 ml nýmjólk

40 g sykur

1 egg

2 tsk. vanilla bean extract (eða vanillusykur)

1 msk. kartöflumjöl

250 ml rjómi (þeyttur)

Um 300 g jarðarber

Aðferð:

Setjið mjólk, sykur, egg, vanillu og kartöflumjöl saman í pott og hitið að suðu.

Pískið stanslaust í pottinum á meðan blandan er að hitna, þegar hún fer að nálgast suðu þykknar hún og þá megið þið taka af hellunni og færa yfir í skál og kæla í ísskáp. Blandan ætti að þykkna þannig að hún minni á þykkan jafning áður en þið takið af hitanum.

Kælið blönduna alveg og blandið henni síðan saman við þeytta rjómann.

Smyrjið vanillurjómanum yfir súkkulaðið.

Toppið með ferskum jarðarberjum.

Aðferðina má sjá í færslunni hér að neðan: