Breytti tuðinu í grín sem hefur slegið í gegn Oddur Ævar Gunnarsson skrifar 16. mars 2025 07:03 Árni við skrifborðið sitt þar sem mörg myndbandanna hafa fæðst. Árni Árnason mannauðsstjóri hjá Elju hefur slegið í gegn á Facebook með allskyns ádeilugrínmyndböndum þar sem hann hefur hinar ýmsu stofnanir og stjórnmálamenn að háði og spotti. Þar má nefna Isavia og skipulagssvið Reykjavíkurborgar svo fátt eitt sé nefnt. Vinsældirnar eru orðnar svo miklar að búið er að bóka Árna í uppistand. Árni ræddi grínið meðal annars í Bítinu á Bylgjunni. Hugmyndin að myndböndunum kviknaði fyrst fyrir síðustu Alþingiskosningar en Árni segist lengi vel hafa birt föstudagspistla um ástandið í þjóðfélaginu. Það hafi byrjað eftir hrun en Árni hætti nýverið með pistlana þar sem hann upplifði takmarkaðan áhuga. Horfa má á nokkur af myndböndunum sem slegið hafa í gegn neðar í fréttinni. Fólk að tengja „Fólk kannski nennir ekki að lesa eitthvað tuð og þarna fann ég leið til þess að koma sannleikskornum á framfæri með grínívafi og smá vitleysisgangi og þá nennir fólk að hlusta,“ segir Árni léttur í bragði í Bítinu. Hann prófaði sig áfram með gríni um Miðflokkinn á Tik-Tok og svo fór sem fór. „Það bara sló ótrúlega í gegn þannig ég fór að fíflast og gera eitthver fleiri og svo hefur þetta bara undið upp á sig,“ segir Árni í Bítinu. Hann bregður sér í hlutverk persónu sinnar Uglu Trés í myndböndunum og þar er Gógó aðstoðarkona hennar aldrei langt undan. Árni segist aldrei skipuleggja sig langt fram í tímann, hann skrifar yfirleitt nokkra punkta niður á blað og notar spuna til að draga sig að landi. „Ég fylgist mjög vel með í fréttum og pikka eitthvað upp sem gerist akkúrat núna,“ segir Árni sem hefur mest fengið um áttatíu þúsund áhorf á eitt myndband á Facebook og á Tik-Tok. Hann segir reglulega rigna yfir hann athugasemdum þar sem fólk segist tengja mikið við grínið. „Svo er þetta svo skemmtilegt að ég hef verið að hitta fólk úti á götu sem hefur talað við mig og þá vinnur það hjá einhverri stofnun og þau segjast bíða spennt eftir því að sín stofnun verði tekin fyrir. Það eru margir að benda á sína stofnun, sem segir manni að auðvitað náttúrulega eru margir sem vinna hjá hinu opinbera sem vita hvað kerfið getur verið svifaseint og stundum asnalegt.“ Uppistand á næsta leyti Árni ræddi myndböndin ekki bara í Bítinu á Bylgjunni heldur líka við Vísi. Hann segir grínið vera farið að vinda svo mikið upp á sig að hann hafi nú verið beðinn um að koma fram á uppistandi á væntanlegum vorfögnuði. „Þetta er farið að vinda upp á sig og fólk vill fá mig á svið. Ég er að skoða þetta betur, upp á að hafa nægan tíma til að undirbúa mig,“ segir Árni. Hann segist strax vera farinn að hugsa næstu skref. „Við heyrum það í hverri kosningabaráttu að það á að einfalda kerfið, láta kerfið þjóna almenningi en svo gerist aldrei neitt. Ég hef einhvern veginn komið því til skila með þessum aulahúmor. Svo er bara spurning hvernig maður þróar þetta, Ugla Tré og Gógó geta kannski ekki lifað að eilífu, maður vill ekki að majónesið verði gult,“ segir Árni hlæjandi. Hann slær á létta strengi og segist vera miðaldra, tæknihefur maður sem væri til í að láta á það reyna að þróa myndböndin og gera þau flottari. Hingað til hefur hann notast við símann sinn og bara það. „Ég átti aldrei von á að ég myndi ná hljómgrunni hjá stórum hluta þjóðarinnar. Það var svo æðislegt um daginn, að ég fékk skilaboð frá bændum í Húnavatnssýslu og sama dag fékk ég skilaboð frá sjómanni á togara. Þannig maður virðist vera að ná til fólks, hvort sem það er til sjávar eða sveita.“ Grín og gaman Bítið Bylgjan Uppistand Mest lesið Ástfangin á ný Lífið Selja íbúð í Vesturbænum: „Við eigum of mörg börn til að búa í henni áfram“ Lífið Lýsir raunum einhleypra í Reykjavík: „Tilhugalífið minnir á lélegt bókunarkerfi“ Lífið Auður í Bæjarbíói: Frá slaufun í standandi fagnaðarlæti Gagnrýni Er ekki eðlilegt að stunda kynlíf á afmælinu? Lífið Hefur keypt fasteignir fyrir rúman milljarð íslenskra króna á árinu Lífið Vaða beint í aðra bók eftir Sigríði Hagalín Bíó og sjónvarp Hollywood-stjarna slær sér upp með prins Lífið Fargufan nýjasta æðið á Íslandi Lífið „Er ekki hér til að keppast um fegurð“ Lífið Fleiri fréttir Fargufan nýjasta æðið á Íslandi Selja íbúð í Vesturbænum: „Við eigum of mörg börn til að búa í henni áfram“ Lýsir raunum einhleypra í Reykjavík: „Tilhugalífið minnir á lélegt bókunarkerfi“ Þetta eru uppáhalds barnabækur ráðherranna Ástfangin á ný Hollywood-stjarna slær sér upp með prins „Er ekki hér til að keppast um fegurð“ Þriðja í heiminn hjá Rihönnu og A$AP Rocky Er ekki eðlilegt að stunda kynlíf á afmælinu? Hefur keypt fasteignir fyrir rúman milljarð íslenskra króna á árinu Minntist bróður síns fyrir fullum sal Leiðir skilja hjá Svala og Jóhönnu Stella og Davíð sjóðheitt nýtt par Elín tendrar eldana fyrir Laufeyju Mun aldrei gleyma augnaráði bílstjórans Óvænt stjörnuskipti í jólasýningu Þjóðleikhússins Unnur Birna verður Elma „Þrisvar sinnum hefur mér verið hótað lífláti“ Bragðgóð graskers- og púrrlaukssúpa með karrý og kókosmjólk Claudia Cardinale er látin O (Hringur) hlaut aðalverðlaun leikinna mynda á Nordisk Panorama Framkvæmdastjóri Olís selur glæsihús í Garðabæ Fyrsta Ungfrú Grænland í rúm þrjátíu ár Kynfræðingur, rektor og listakona styrktu tengslin FM Belfast bætir við aukatónleikum Þóttist hafa rekið bróður sinn sem mætti óvænt aftur Fann ástina loksins þegar hann tók sér marga elskhuga „Balí hefur einfaldlega stolið hjarta mínu“ 20 börn frá Grænlandi í sundi, skautum og í heimsókn hjá forsetanum Hver er Thomas Skinner? Tryllingur, framhjáhald og myndarlegar máltíðir Sjá meira
Árni ræddi grínið meðal annars í Bítinu á Bylgjunni. Hugmyndin að myndböndunum kviknaði fyrst fyrir síðustu Alþingiskosningar en Árni segist lengi vel hafa birt föstudagspistla um ástandið í þjóðfélaginu. Það hafi byrjað eftir hrun en Árni hætti nýverið með pistlana þar sem hann upplifði takmarkaðan áhuga. Horfa má á nokkur af myndböndunum sem slegið hafa í gegn neðar í fréttinni. Fólk að tengja „Fólk kannski nennir ekki að lesa eitthvað tuð og þarna fann ég leið til þess að koma sannleikskornum á framfæri með grínívafi og smá vitleysisgangi og þá nennir fólk að hlusta,“ segir Árni léttur í bragði í Bítinu. Hann prófaði sig áfram með gríni um Miðflokkinn á Tik-Tok og svo fór sem fór. „Það bara sló ótrúlega í gegn þannig ég fór að fíflast og gera eitthver fleiri og svo hefur þetta bara undið upp á sig,“ segir Árni í Bítinu. Hann bregður sér í hlutverk persónu sinnar Uglu Trés í myndböndunum og þar er Gógó aðstoðarkona hennar aldrei langt undan. Árni segist aldrei skipuleggja sig langt fram í tímann, hann skrifar yfirleitt nokkra punkta niður á blað og notar spuna til að draga sig að landi. „Ég fylgist mjög vel með í fréttum og pikka eitthvað upp sem gerist akkúrat núna,“ segir Árni sem hefur mest fengið um áttatíu þúsund áhorf á eitt myndband á Facebook og á Tik-Tok. Hann segir reglulega rigna yfir hann athugasemdum þar sem fólk segist tengja mikið við grínið. „Svo er þetta svo skemmtilegt að ég hef verið að hitta fólk úti á götu sem hefur talað við mig og þá vinnur það hjá einhverri stofnun og þau segjast bíða spennt eftir því að sín stofnun verði tekin fyrir. Það eru margir að benda á sína stofnun, sem segir manni að auðvitað náttúrulega eru margir sem vinna hjá hinu opinbera sem vita hvað kerfið getur verið svifaseint og stundum asnalegt.“ Uppistand á næsta leyti Árni ræddi myndböndin ekki bara í Bítinu á Bylgjunni heldur líka við Vísi. Hann segir grínið vera farið að vinda svo mikið upp á sig að hann hafi nú verið beðinn um að koma fram á uppistandi á væntanlegum vorfögnuði. „Þetta er farið að vinda upp á sig og fólk vill fá mig á svið. Ég er að skoða þetta betur, upp á að hafa nægan tíma til að undirbúa mig,“ segir Árni. Hann segist strax vera farinn að hugsa næstu skref. „Við heyrum það í hverri kosningabaráttu að það á að einfalda kerfið, láta kerfið þjóna almenningi en svo gerist aldrei neitt. Ég hef einhvern veginn komið því til skila með þessum aulahúmor. Svo er bara spurning hvernig maður þróar þetta, Ugla Tré og Gógó geta kannski ekki lifað að eilífu, maður vill ekki að majónesið verði gult,“ segir Árni hlæjandi. Hann slær á létta strengi og segist vera miðaldra, tæknihefur maður sem væri til í að láta á það reyna að þróa myndböndin og gera þau flottari. Hingað til hefur hann notast við símann sinn og bara það. „Ég átti aldrei von á að ég myndi ná hljómgrunni hjá stórum hluta þjóðarinnar. Það var svo æðislegt um daginn, að ég fékk skilaboð frá bændum í Húnavatnssýslu og sama dag fékk ég skilaboð frá sjómanni á togara. Þannig maður virðist vera að ná til fólks, hvort sem það er til sjávar eða sveita.“
Grín og gaman Bítið Bylgjan Uppistand Mest lesið Ástfangin á ný Lífið Selja íbúð í Vesturbænum: „Við eigum of mörg börn til að búa í henni áfram“ Lífið Lýsir raunum einhleypra í Reykjavík: „Tilhugalífið minnir á lélegt bókunarkerfi“ Lífið Auður í Bæjarbíói: Frá slaufun í standandi fagnaðarlæti Gagnrýni Er ekki eðlilegt að stunda kynlíf á afmælinu? Lífið Hefur keypt fasteignir fyrir rúman milljarð íslenskra króna á árinu Lífið Vaða beint í aðra bók eftir Sigríði Hagalín Bíó og sjónvarp Hollywood-stjarna slær sér upp með prins Lífið Fargufan nýjasta æðið á Íslandi Lífið „Er ekki hér til að keppast um fegurð“ Lífið Fleiri fréttir Fargufan nýjasta æðið á Íslandi Selja íbúð í Vesturbænum: „Við eigum of mörg börn til að búa í henni áfram“ Lýsir raunum einhleypra í Reykjavík: „Tilhugalífið minnir á lélegt bókunarkerfi“ Þetta eru uppáhalds barnabækur ráðherranna Ástfangin á ný Hollywood-stjarna slær sér upp með prins „Er ekki hér til að keppast um fegurð“ Þriðja í heiminn hjá Rihönnu og A$AP Rocky Er ekki eðlilegt að stunda kynlíf á afmælinu? Hefur keypt fasteignir fyrir rúman milljarð íslenskra króna á árinu Minntist bróður síns fyrir fullum sal Leiðir skilja hjá Svala og Jóhönnu Stella og Davíð sjóðheitt nýtt par Elín tendrar eldana fyrir Laufeyju Mun aldrei gleyma augnaráði bílstjórans Óvænt stjörnuskipti í jólasýningu Þjóðleikhússins Unnur Birna verður Elma „Þrisvar sinnum hefur mér verið hótað lífláti“ Bragðgóð graskers- og púrrlaukssúpa með karrý og kókosmjólk Claudia Cardinale er látin O (Hringur) hlaut aðalverðlaun leikinna mynda á Nordisk Panorama Framkvæmdastjóri Olís selur glæsihús í Garðabæ Fyrsta Ungfrú Grænland í rúm þrjátíu ár Kynfræðingur, rektor og listakona styrktu tengslin FM Belfast bætir við aukatónleikum Þóttist hafa rekið bróður sinn sem mætti óvænt aftur Fann ástina loksins þegar hann tók sér marga elskhuga „Balí hefur einfaldlega stolið hjarta mínu“ 20 börn frá Grænlandi í sundi, skautum og í heimsókn hjá forsetanum Hver er Thomas Skinner? Tryllingur, framhjáhald og myndarlegar máltíðir Sjá meira