Ríkisstjórnin hafi sett efnahag venjulegs fólks á hvolf Sólrún Dögg Jósefsdóttir skrifar 12. júní 2024 19:59 Kristrún Fristadóttir og Dagbjört Hákonardóttir flytja ræður Samfylkingarinnar í eldhúsdagsumræðum þetta árið. Samfylkingin Formaður Samfylkingarinnar heitir því að flokkurinn muni endurheimta og tryggja efnahagslegan stöðugleika á Íslandi, nái flokkurinn í ríkisstjórn. Í eldhúsdagsræðu sinni í kvöld sagði hún ríkisstjórn Bjarna Benediktssonar hafa sett efnahag venjulegs fólks á hvolf, en Samfylkingin hafi getuna til að rétta úr kútnum. Kristrún Frostadóttir formaður Samfylkingarinnar nýtti eldhúsdagsræðu sína til að auglýsa forgangsmál Samfylkingarinnar nái hún í næstu ríkisstjórn. Hún sagði að í næstu Alþingiskosningum, sem að óbreyttu verða haldnar á næsta ári, get fólk spurt sig hvort það vilji áfram meira af því sama með sama fólk í brúnni eða nýtt upphaf með Samfylkingu. Kynnti áherslumál númer eitt „Í stað þess að eltast við upphlaupin í ríkisstjórninni þá höfum við einbeitt okkur að ströngum undirbúningi Samfylkingar og við höfum nú þegar kynnt tvö stór útspil, örugg skref í heilbrigðis- og öldrunarmálum og svo kröfu um árangur í atvinnu- og samgöngumálum,“ sagði Kristrún og að næstan hálfa árið verða húsnæðis- og kjaramál tekin af sama þunga. Þá sagði hún meginmarkmið Samfylkingarinnar í stjórnmálum næsta áratuginn sé endurreisn velferðarkerfisins á Íslandi „eftir áratug hnignunar“. Áherslumál þeirra númer eitt frá fyrsta degi verði eftirfarandi: „Samfylkingin mun endurheimta efnahagslegan stöðugleika á Íslandi og kveða niður verðbólgu og vaxtarstig. Og þetta er loforð. Ég heiti því að tryggja aftur efnahagslegan stöðugleika fyrir fólkið í landinu, með ábyrgum ríkisfjármálum,“ sagði Kristrún. Bjarni firrtur fyrir vandanum sem hann hafi sjálfur skapað Hún sagði flokkinn koma til með að gera það sem þarf til að passa upp á efnahag venjulegs fólks, „sem þessi ríkisstjórn hefur sett á hvolf, því miður, með hæstvirtan Bjarna Benediktsson forsætisráðherra í broddi fylkingar.“ Kristrún sagði Sjálfstæðisflokkinn hafa verið upptekinn við eitthvað annað en það, ríkisstjórnin hafi sýnt að hún ráði ekki við vandann og geti ekki komið sér saman um leið til að taka á efnahagsmálum. „Aftur og aftur hafa þau boðað bót og betrun. En mánuðirnir líða, árin líða, og hvað segja tölurnar? Eitt ár af vöxtum yfir 9 prósentum. Fjögur ár af verðbólgu yfir markmiði, og níu ár af hallarekstri hjá ríkissjóði. Er þetta virkilega það sem Sjálfstæðisflokkurinn kallar ráðdeild í ríkisfjármálum?“ Hún sagði Bjarna Benediktsson forsætisráðherra virðast vera í fullkominni afneitun. „Og þegar ég spurði um þessa stöðu í þinginu um daginn þá kallaði hann þetta, með leyfi forseta, bestu efnahagslegu stöðu í lýðveldissögunni“. Þvílík aftenging við efnahagslegan veruleika almennings. Maður sem er svo firrtur fyrir vandanum, sem hann hefur sjálfur skapað, er augljóslega ófær um að leiða okkur út úr þessari stöðu.“ Ráðherrar axli ekki ábyrgð Kristrún vísaði þá til þess að stuttu eftir að forsætisráðherra hafi lýst yfir bestu efnahagslegu stöðu lýðveldissögunnar hafi Hagstofa Íslands tekið saman þjóðhagsreikninga þar sem fram hafi komið að landsframleiðsla dróst saman um fjögur prósent á fyrsta ársfjórðungi 2024. Þrátt fyrir samdráttinn hafi verðbólgan aukist í síðustu mælingu. „Og staðan virðist bara versna þegar nær dregur kosningum og ráðherrarnir reyna hver í sínu horni að bjarga eigin skinni án þess að nokkur axli ábyrgð á heildarmyndinni,“ sagði Kristrún. „Ég spyr: Hvað þarf þjóðin að þola þetta ríkisstjórnarsamstarf lengi? Það er ekki mælikvarði á árangur hversu lengi ráðherrum tekst að hanga á valdastólum. Þegar erindið er svo augljóslega þrotið þá er það rétta í stöðunni að færa valdið aftur í hendur fólksins með því að boða til kosninga. En nú hóta þau að sitja í heilt ár í viðbót á meðan þau safna í sig kjarki til að mæta kjósendum. Þó að öllum sé ljóst að ríkisstjórnin sé löngu komin á endastöð þá halda þau áfram að sólunda dýrmætum tíma og tækifærum. svo ekki sé talað um skattfé almennings. Í fyllstu virðingu, þetta er ekki boðlegt lengur, “ sagði hún jafnframt. Samfylkingin Alþingi Ríkisstjórn Bjarna Benediktssonar Efnahagsmál Mest lesið Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Innlent Þingmaður úðaði eyrnameðali fyrir hunda í kokið á sér Innlent Kveður Glerártorg eftir sautján ár Innlent Skiptar skoðanir á „forljótum“ varðturnum gegn vasaþjófnaði Innlent Sást ekki til sólar fyrir mýi Innlent Dúxinn fjarri góðu gamni Innlent Árásarkonan Þjóðverji á fertugsaldri Erlent Beiðni Oscars hafnað: „Það bíður hans engin birta, það er enginn þarna“ Innlent Brennandi einbýlishús reyndist eyðibýli Innlent Tekist á um breytta ásýnd Suðurlandsbrautar með tilkomu Borgarlínunnar Innlent Fleiri fréttir Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Sjá meira
Kristrún Frostadóttir formaður Samfylkingarinnar nýtti eldhúsdagsræðu sína til að auglýsa forgangsmál Samfylkingarinnar nái hún í næstu ríkisstjórn. Hún sagði að í næstu Alþingiskosningum, sem að óbreyttu verða haldnar á næsta ári, get fólk spurt sig hvort það vilji áfram meira af því sama með sama fólk í brúnni eða nýtt upphaf með Samfylkingu. Kynnti áherslumál númer eitt „Í stað þess að eltast við upphlaupin í ríkisstjórninni þá höfum við einbeitt okkur að ströngum undirbúningi Samfylkingar og við höfum nú þegar kynnt tvö stór útspil, örugg skref í heilbrigðis- og öldrunarmálum og svo kröfu um árangur í atvinnu- og samgöngumálum,“ sagði Kristrún og að næstan hálfa árið verða húsnæðis- og kjaramál tekin af sama þunga. Þá sagði hún meginmarkmið Samfylkingarinnar í stjórnmálum næsta áratuginn sé endurreisn velferðarkerfisins á Íslandi „eftir áratug hnignunar“. Áherslumál þeirra númer eitt frá fyrsta degi verði eftirfarandi: „Samfylkingin mun endurheimta efnahagslegan stöðugleika á Íslandi og kveða niður verðbólgu og vaxtarstig. Og þetta er loforð. Ég heiti því að tryggja aftur efnahagslegan stöðugleika fyrir fólkið í landinu, með ábyrgum ríkisfjármálum,“ sagði Kristrún. Bjarni firrtur fyrir vandanum sem hann hafi sjálfur skapað Hún sagði flokkinn koma til með að gera það sem þarf til að passa upp á efnahag venjulegs fólks, „sem þessi ríkisstjórn hefur sett á hvolf, því miður, með hæstvirtan Bjarna Benediktsson forsætisráðherra í broddi fylkingar.“ Kristrún sagði Sjálfstæðisflokkinn hafa verið upptekinn við eitthvað annað en það, ríkisstjórnin hafi sýnt að hún ráði ekki við vandann og geti ekki komið sér saman um leið til að taka á efnahagsmálum. „Aftur og aftur hafa þau boðað bót og betrun. En mánuðirnir líða, árin líða, og hvað segja tölurnar? Eitt ár af vöxtum yfir 9 prósentum. Fjögur ár af verðbólgu yfir markmiði, og níu ár af hallarekstri hjá ríkissjóði. Er þetta virkilega það sem Sjálfstæðisflokkurinn kallar ráðdeild í ríkisfjármálum?“ Hún sagði Bjarna Benediktsson forsætisráðherra virðast vera í fullkominni afneitun. „Og þegar ég spurði um þessa stöðu í þinginu um daginn þá kallaði hann þetta, með leyfi forseta, bestu efnahagslegu stöðu í lýðveldissögunni“. Þvílík aftenging við efnahagslegan veruleika almennings. Maður sem er svo firrtur fyrir vandanum, sem hann hefur sjálfur skapað, er augljóslega ófær um að leiða okkur út úr þessari stöðu.“ Ráðherrar axli ekki ábyrgð Kristrún vísaði þá til þess að stuttu eftir að forsætisráðherra hafi lýst yfir bestu efnahagslegu stöðu lýðveldissögunnar hafi Hagstofa Íslands tekið saman þjóðhagsreikninga þar sem fram hafi komið að landsframleiðsla dróst saman um fjögur prósent á fyrsta ársfjórðungi 2024. Þrátt fyrir samdráttinn hafi verðbólgan aukist í síðustu mælingu. „Og staðan virðist bara versna þegar nær dregur kosningum og ráðherrarnir reyna hver í sínu horni að bjarga eigin skinni án þess að nokkur axli ábyrgð á heildarmyndinni,“ sagði Kristrún. „Ég spyr: Hvað þarf þjóðin að þola þetta ríkisstjórnarsamstarf lengi? Það er ekki mælikvarði á árangur hversu lengi ráðherrum tekst að hanga á valdastólum. Þegar erindið er svo augljóslega þrotið þá er það rétta í stöðunni að færa valdið aftur í hendur fólksins með því að boða til kosninga. En nú hóta þau að sitja í heilt ár í viðbót á meðan þau safna í sig kjarki til að mæta kjósendum. Þó að öllum sé ljóst að ríkisstjórnin sé löngu komin á endastöð þá halda þau áfram að sólunda dýrmætum tíma og tækifærum. svo ekki sé talað um skattfé almennings. Í fyllstu virðingu, þetta er ekki boðlegt lengur, “ sagði hún jafnframt.
Samfylkingin Alþingi Ríkisstjórn Bjarna Benediktssonar Efnahagsmál Mest lesið Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Innlent Þingmaður úðaði eyrnameðali fyrir hunda í kokið á sér Innlent Kveður Glerártorg eftir sautján ár Innlent Skiptar skoðanir á „forljótum“ varðturnum gegn vasaþjófnaði Innlent Sást ekki til sólar fyrir mýi Innlent Dúxinn fjarri góðu gamni Innlent Árásarkonan Þjóðverji á fertugsaldri Erlent Beiðni Oscars hafnað: „Það bíður hans engin birta, það er enginn þarna“ Innlent Brennandi einbýlishús reyndist eyðibýli Innlent Tekist á um breytta ásýnd Suðurlandsbrautar með tilkomu Borgarlínunnar Innlent Fleiri fréttir Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Sjá meira