Hagaskóli var hlutskarpastur í Skrekk, hæfileikakeppni grunnskóla Reykjavíkur, í Borgarleikhúsinu í kvöld.
Atriði Hagaskóla heitir „Líttu upp, taktu eftir“ og fjallar um hversu mikilvægt það er að fólk taki eftir því sem er að gerast í kringum það, og hvíli jafnvel snjalltækin smá.
Háteigsskóli endaði í öðru sæti keppninn og Seljaskóli í því þriðja. Langholtsskóli fékk svo Skrekkstunguna svokölluðu, en það eru verðlaun sem veitt eru því atriði sem þykir beita tungumálinu hvað best.
Úrslitakvöldið fór sem áður sagði fram í Borgarleikhúsinu, en það var sýnt í beinni útsendingu hjá Ríkissjónvarpinu.
Réttarholtsskóli og Háteigsskóli komust áfram í Skrekk, hæfileikakeppni grunnskóla Reykjavíkur, í Borgarleikhúsinu í kvöld. Atriði skólanna fjölluðu um sjálfsöryggi annars vegar og sjálfsvígshugsanir hins vegar.
Atriði Seljaskóla og Landakotsskóla komust áfram í úrslit á öðru undanúrslitakvöldi Skrekks, hæfileikakeppni grunnskólanna í Reykjavík, sem fram fór í Borgarleikhúsinu í gærkvöldi.
Atriði Hagaskóla og Laugalækjarskóla komust í gærkvöldi áfram í úrslit Skrekks, hæfileikakeppni grunnskólanna í Reykjavík, á fyrsta undanúrslitakvöldi keppninnar.
