Lífið

Hönnunarparadís í Hafnarfirði

Svava Marín Óskarsdóttir skrifar
Húsið var endurhannað að innan af Sæju innanhúshönnuði árið 2017.
Húsið var endurhannað að innan af Sæju innanhúshönnuði árið 2017. Eignamiðlun

Í miðbæ Hafnarfjarðar er einstakt hönnunarhús til sölu. Húsið var byggt árið 1948 teiknað af Kjartani Sveinssyni og endurhannað af einum þekktasta innanhúshönnuði landsins, Sæ­björgu Guðjóns­dótt­ur eða Sæju, árið 2017. Ásett verð fyrir eignina eru 189 milljónir.

Húsið er 325,5 fermetrar að stærð á þremur hæðum staðsett á stórri og skjólsælli lóð þar sem langt er í næstu hús. 

Húsið er við Mánastíg í Hafnarfirði.Eignamiðlun

Gengið er upp tröppur að aðalinngangi og miðhæð hússins sem samanstendur af eldhúsi, tveimur stofum með fallegum rennihurðum, baðherbergi og stórri hjónasvítu með fataherbergi. Þaðan er útgengt á rúmgóðar svalir. Alls eru sex svefnherbergi og þrjú baðherbergi í eigninni. 

Gengið er upp upphitaðar útitröppur að aðalinngangi á miðhæð.Eginamiðlun

Hjónin og eigendur hússins eru Signý Jóna Tryggvadóttir, fræðslustjóri starfsmannasviðs Daga, og Einar Númi Sveinsson, fjármálaráðgjafi hjá SDG. Þau festu kaup á eigninni árið 2016 og fengu Sæju til liðs við sig með það að markmiði að sameina ólíkan smekk hjónanna í innanhússtíl. 

„Ég vil hafa allt ótrúlega dökkt, helst svart á svart, en hann er svolítið skandinavískur, vill hafa allt ljóst og stílhreint,“ segir Signý Jóna í þættinum Heimsókn hjá Sindra Sindrasyni í febrúar 2019.

„Það var ótrúlega góð lending að fá hana til að hjálpa okkur.“ 

Dökkur viður og ljósir veggir

Heimilið er stílhreint en hlýlegt þar sem ljósir veggir, dökkur viður og bláir litatónar mynda stórglæsilega heildarmynd en viðheldur tengingunni við upprunanlegan stíl hússins. 

Eldhús er með fallegri innréttingu og borðplötum úr marmara sem einnig er sætisaðstaða við.Eignamiðlun

Í eldhúsi er dökk innrétting úr svarbæsuðum ask og hvítur marmari á borðum. Á gólf­um er mer­bau par­ket í herr­ing­bo­ne mynstri bæsað í dökkum lit. Baðherbergi miðhæðarinnar er sannkallaður draumur með innréttingu úr marmara, tveimur sturtum og flísum hólf í gólf.

Formfagur stigi með svartlökkuðu handriði og franskir gluggar leiða upp í ris hússins sem samsanstendur af sjónvarpsstofu, baðherbergi og svefnherbergi.

Nánari upplýsingar um eignina má finna á fasteignavef Vísis.

Opið er á milli stofu og borðstofu.Eignamiðlun
Stofurnar eru tvær og hægt er að loka á milli með fallegum rennihurðum.Eignamiðlun
Stofan er björt og opin með fallegu dökku parketi.Eignamiðlun
Rúmgóðar svalir.Eignamiðlun
Baðherbergi er einkar glæsilegt með tveimur sturtuhausum.Eignamiðlun
Hjónaherbergi er á aðalhæðinni.Eignamiðlun
Stórt og glæsilegt hjónaherberbergi með samtengdu fataherbergi og útgengi út á svalir.Eignamiðlun
Gengið er upp einstaklega fallegan tréstiga upp í risið.Eignamiðlun
Á efri hæðinni er parketlagt sjónvarpsrými, tvö parketlögð svefnherbergi og baðherbergi með salerni og vask.Eignamiðlun
Sex svefnherbergi eru í húsinu.Eignamiðlun
Skrifstofan er innréttuð á smekklegan hátt með bláum lit á veggjum.Eignamiðlun
Á neðri hæð hússins er flísalagt baðherbergi með sturtu og saunu, þar inn af er rúmgott þvottahús.Eignamiðlun

Tengdar fréttir






Fleiri fréttir

Sjá meira


×

Velkomin á Vísi. Þessi vefur notar vafrakökur. Sjá nánar.