Segir kærastann einstakan á alla vegu

Parið hefur verið að gera upp parhús síðastliðna mánuði sem er nú orðið íbúðarhæft. 

„Við erum á lokasprettinum í framkvæmdum á húsinu okkar þar sem það er orðið íbúðarhæft. Við flytjum inn í vikunni á meðan við klárum það síðasta,“ segir Camilla spennt fyrir nýjum kafla.

Vandað eintak af manni

Camy og Valli byrjuðu að hittast í fyrra sumar, en höfðu þekkst nokkuð lengi fyrir það.  Parið átti gott deit-tímabil eins og hún orðar það, þar sem þau náðu að kynnast vel og vera kærustupar eina vikuna, og foreldrar þá næstu.

Hvernig myndir þú lýsa sambandinu ykkar? 

„Ég myndi lýsa sambandinu sem týnda púslinu sem fannst undir sófa, eða vel smurða tannhjólinu sem einfaldlega virkar. Við höfum bæði gengið í gegnum allskonar lífsreynslu áður en við tókum saman. Það sem mér þykir hvað vænst um í okkar sambandi er hversu opinská, heiðarleg og  samstíga við erum. Það er skilyrðislaus kærleikur og stuðningur á bæði góðu dögunum og þeim slæmu líka,“ segir Camilla og bætir við:

„Við stefnum í sömu átt og getum tekið prumpufýlu hvors annars hvort sem það sé eftir salat, prótein eða spicy máltíð.“

Að sögn Camillu hafi hún heillast að Valla fyrir það hversu vandað eintak hann er af manni.

„Hann er líflegur, skemmtilegur og innilegur í öllu á sama tíma og sem setur börnin í fyrsta sæti.“ 

Camilla hefur í nógu að snúast um þessar mundir. Flutningar á nýtt heimili og æfingar fyrir tónleikasýninguna Halloween Horror Show sem fer fram í Háskólabíói 28. október næstkomandi.  

Camilla er nýjasti viðmælandi í viðtalsliðnum Ást er.

Fyrsti kossinn: Ég gæti svo sem búið til einhverja rómantíska útgáfu af fyrsta kossinum hjá okkur Valla en hráa útgáfan er sú að ég var búin að vera úti að skemmta mér með stelpunum, hann með sínum vinum en var orðinn frekar öflugur í instagram DM’s Við endum með að mæla okkur mót og fyrsti kossinn kom samstundis, ætli hann hafi ekki verið svona spenntur að hitta mig.

Uppáhalds rómantíska kvikmyndin mín er: Ég er meira að horfa á þætti heldur en myndir en horfði á myndina Blended í flugvélinni í gær sem mér fannst rosa falleg.

Uppáhalds break up ballaðan mín er: I drink wine - Adele.

Lagið okkar: 6’s to 9’s - Big Wild, Rationale.

Mér finnst rómantískt stefnumót vera: þegar við gerum eitthvað skemmtilegt, upplifum og sköpum minningar Þetta klassíska að borða góðan mat og spjalla símalaus er eitthvað sem mér finnst næs líka.

Maturinn: Við erum miklir matgæðingar svo það fer eftir stemmingu en við erum alveg veik fyrir Ribye steikinni & rauðvínsglasi á Brand Hafnartorgi.

Fyrsta gjöfin sem ég gaf kærastanum mínum: Les Deux jogging galli í afmælisgjöf í fyrra.

Fyrsta gjöfin sem kærastinn minn gaf mér: Ofboðslega fallegt listaverk af Marilyn Monroe.

Kærastinn minn er: Einstakur á alla vegu.

Rómantískasti staður á landinu: Þorsteinslundur í Fljótshlíð á fallegum sumardegi.