Lögreglan á höfuðborgarsvæðinu var kölluð til vegna líkamsárásar í póstnúmerinu 111 um klukkan 22 í gærkvöldi. Áverkar þolandans reyndust minniháttar en ekki er vitað hver eða hverjir voru að verki.
Þetta er meðal þess sem kemur fram í yfirliti lögreglu yfir verkefni næturinnar.
Þar segir einnig að tveir einstaklingar hafi verið handteknir í Hlíðahverfi vegna gruns um sölu fíkniefna og voru þeir vistaðir í fangageymslum.
Um klukkan 21.30 barst tilkynning um grunsamlegan pakka á bifreiðastæði í sama hverfi en ekkert var að sjá þegar lögregla kom á vettvang.
Eitt umferðarslys kom inn á borð til lögreglu á sama tíma en þar hafði hjólreiðarmaður í Hafnarfirði dottið og meitt sig í hálku. Var hann fluttur með sjúkrabifreið á Landspítala.
Nokkrir voru stöðvaðir í umferðinni grunaðir um brot á umferðarlögum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
