Lífið

Pissaði á fæturna á sér rétt áður en hún labbaði rauða dregilinn á Met Gala

Elma Rut Valtýsdóttir skrifar
Ofurfyrirsætan Kendall Jenner leynir á sér.
Ofurfyrirsætan Kendall Jenner leynir á sér. Getty/Dimitrios Kambouris

Áhorfendur The Kardashians voru minntir á það að stjörnurnar eru í raun alveg eins og við hin, þegar hin undurfagra ofurfyrirsæta Kendall Jenner pissaði í ísfötu á leið á sinni á stærsta og glæsilegasta tískuviðburð í heimi.

Í nýjasta þætti af The Kardashians raunveruleikaþáttunum var systrunum fylgt eftir á meðan þær höfðu sig til og fóru á Met Gala tískuviðburðinn. Var þetta í fyrsta skipti sem allar systurnar fengu boð á viðburðinn.

Kendall Jenner var hin glæsilegasta, klædd gegnsæjan Prada topp og Prada pils með fyrirferðamiklum slóða. Hún toppaði lúkkið svo með aflituðum augabrúnum.

„Prada mér þykir það leitt“

Á leiðinni á viðburðinn vandaðist málið þegar Kendall varð mál að pissa. Það var ekki hlaupið að því í þessu umfangsmikla pilsi, auk þess sem ekkert salerni var í bifreiðinni.

Hinni úrræðagóðu Kendall datt þá í hug að pissa í ísfötu sem var til taks í bílnum. „Prada mér þykir það leitt,“ sagði hún og greip í fötuna og smeygði henni undir pilsið.

Þetta virtist þó ganga eitthvað brösuglega hjá Kendall sem tókst að pissa á nærföt sín og yfir fótinn á sér. Hún kippti sér hins vegar ekki mikið upp við það.

„Þetta er bara góð saga, að ég hafi pissað yfir fótinn á mér,“ sagði hún sultuslök.

Kendall hefur gjarnan verið talin sú Kardashian/Jenner systir sem er hvað jarðbundnust, en hún kemur sífellt á óvart.

Ofurfyrirsætan Kendall Jenner á rauða dreglinum aðeins suttu eftir að hún pissaði í ísfötu.Getty/Dimitrios Kambouris

Tengdar fréttir

Kendall Jenner og NBA stjarnan Devin Booker eru hætt saman

Fyrirsætan Kendall Jenner og körfuboltamaðurinn Devin Booker eru hætt saman eftir tveggja ára samband samkvæmt Entertainment Tonight, allavegana í bili þar sem talið er að þau gætu náð aftur saman. 

Kórónur, tvífarar og glitrandi klæði á Met Gala

Met Gala fór fram í gær, fyrsta mánudaginn í maí á Metropolitan listasafninu í New York. Anna Wintour hefur verið gestgjafi síðan 1995 en á viðburðinum fer fram söfnun fyrir búningadeild safnsins.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.