Veður

Úr­koma á austan­verðu landinu og hlýjast sunnan­til

Atli Ísleifsson skrifar
Hiti á landinu verður á bilinu fjögur til þrettán stig.
Hiti á landinu verður á bilinu fjögur til þrettán stig. Vísir/Vilhelm

Reikna má með norðanátt í dag, yfirleitt golu eða kalda. Dálítil væta á norðaustanverðu landinu og skúrir á víð og dreif suðaustanlands, en bjart með köflum á Suðvestur- og Vesturlandi.

Á vef Veðurstofunnar segir að hiti verði á bilinu fjögur til þrettán stig, þar sem hlýjast verður sunnantil.

„Á morgun verður hæðarhryggur yfir landinu og víða léttskýjað, en líkur á stöku skúrum allra syðst. Hiti 6 til 12 stig yfir daginn.

Suðvestan og vestan 3-10 m/s á föstudag. Skýjað á landinu og dálítil súld vestast, en ætti að sjást eitthvað til sólar á Austurlandi. Milt veður.“

Spákort fyrir klukkan 14 í dag.Veðurstofan

Veðurhorfur á landinu næstu daga

Á fimmtudag: Fremur hæg breytileg átt og bjart með köflum. Hiti 5 til 11 stig að deginum.

Á föstudag: Suðvestan og vestan 3-10 m/s, skýjað og dálítil súld vestast. Hiti 6 til 12 stig.

Á laugardag: Austlæg átt 3-10 og skýjað en úrkomulítið. Hiti 4 til 12 stig, mildast á Suður- og Vesturlandi.

Á sunnudag: Suðaustanátt og fer að rigna sunnan- og vestanlands, en yfirleitt þurrt á Norður- og Austurlandi. Hiti 8 til 13 stig.

Á mánudag og þriðjudag: Sunnanátt og milt veður. Rigning með köflum, einkum um landið sunnan- og vestanvert.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×