Innlent

Ein innritunargátt fyrir alla háskóla á island.is

Hólmfríður Gísladóttir skrifar
Áslaug Arna Sigurbjörnsdóttir, háskóla-, iðnaðar- og nýsköpunarráðherra.
Áslaug Arna Sigurbjörnsdóttir, háskóla-, iðnaðar- og nýsköpunarráðherra. Vísir/Vilhelm

Unnið er að því að koma á fót innritunargátt fyrir alla háskóla landsins. Í stað þess að hver skóli fyrir sig taki við skráningum munu allir tilvonandi háskólanemar skrá sig í nám á island.is.

Þetta er gert að undirlagi ríkisins en í pistli í Morgunblaðinu segir Áslaug Arna Sigurbjörnsdóttir, háskóla, iðnaðar og nýsköpunarráðherra, að hún hafi átt í viðræðum við rektora allra háskóla landsins og undirtektirnar hafi verið góðar.

Ráðherrann segir að þessi breyting muni gera fólki kleift að fá betri mynd af námsframboði í landinu, hvaða kröfur það verður að uppfylla og hvernig skipulagi námsins sé hátta. Þá verður í gáttinni samtenging við Menntasjóð og ýmsar fleiri upplýsingar.

Í pistlinum segir Áslaug Arna að um sé að ræða fyrsta skrefið í átt að breyttu fjármögnunarlíkani háskóla á Íslandi en það er ekki útskýrt nánar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.