Í gær var greint frá því að svæðinu yrði lokað frá því klukkan fimm í morgun og þar til tekin yrði ákvörðun um opnun. Eftir að hafa skoðað veðurspár hefur lögreglan ákveðið að halda svæðinu lokuðu til morguns í það minnsta.
Það voru þó nokkrir ferðamenn sem reyndu að koma sér að gosstöðvunum í morgun en var snúið við af björgunarsveitum. Almannavarnir hafa biðlað til fólks í ferðaþjónustunni að láta ferðamenn vita af lokuninni.
