Glampandi sól í Eyjum

Víða rigning eða skúrir á norðanverðu landinu en bjart með köflum sunnantil og þurrt að mestu leyti. Hiti á bilinu 5 til 9 stig fyrir norðan en 8 til 15 stig Sunnanlands. Á morgun verður svipað veður en skúrir suðaustantil.

Veðurhorfur á landinu næstu daga

Á miðvikudag: Norðan 8-13 m/s. Talsverð rigning á Norður- og Austurlandi, en skýjað með köflum sunnan heiða. Hiti 6 til 16 stig, hlýjast sunnanlands. 

Á fimmtudag: Norðvestan 8-13, en 10-15 við austurströndina. Rigning á norðanverðu landinu, en þurrt sunnantil. Hiti breytist lítið.

Á föstudag: Vestan og suðvestan 3-10. Skýjað vestantil, en víða bjart í öðrum landshlutum. Hiti 10 til 17 stig, hlýjast á Suðausturlandi.

Á laugardag: Suðlæg eða breytileg átt 3-8. Skýjað og lítilsháttar væta sunnan- og vestanlands, en bjartviðri norðaustantil. Hiti 12 til 19 stig, hlýjast norðaustanlands.

Á sunnudag: Stíf sunnan- og suðvestanátt með rigningu eða súld, en úrkomulítið um landið norðaustanvert. Hiti 11 til 20 stig, hlýjast á Austurlandi.