Bein útsending: Kvöldfréttir Stöðvar 2

Heimir Már Pétursson skrifar 30. júní 2022 18:08

Erla Björg Gunnarsdóttir les fréttir í kvöld.

Í kvöldfréttum greinum við frá því að vaxtabyrði óverðtryggðra lána hefur hækkað verulega vegna vaxtahækkana að undanförnu. Þannig greiðir lántaki á 40 milljón króna láni hundrað þúsund krónum meira á mánuði í vexti nú en þegar vextirnir voru lægstir.

Á sama tíma og ættingjar eygja ennþá von um að finna ástvini á lífi, eða að minnsta kosti líkamsleifar þeirra, í verslunarmiðstöð sem Rússar sprengdu í loft upp með eldflaug á mánudag, heldur Putin Rússlandsforseti áfram að þræta fyrir að almennir borgarar séu skotmörk Rússa í stríðinu í Úkraínu.

Reykjavíkurborg hefur ákveðið að ryðja land við Leirtjörn í Úlfarsárdal fyrir tæplega fjögur hundruð íbúðir. Við förum yfir áformin í kvöldfréttum. - Og við fjöllum um deilur vegna auglýsingar nýsköpunarráðherra eftir starfskrafti án skilyrða um íslenskukunnáttu og kíkjum á samstöðufund með hinsegin samfélaginu á Austurvelli.

Þetta og margt fleira á samtengdum rásum Bylgjunnar og Stöðvar 2 klukkan hálf sjö.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.