Lífið

Stefna á Ís­lands­met í perlun arm­banda: „Hver perla hefur sína sögu“

Sylvía Rut Sigfúsdóttir skrifar
Myndir úr nýrri herferð Krafts. 
Myndir úr nýrri herferð Krafts.  Atli Thor Alfreðsson

Í dag hófst fjáröflunar- og árvekniátak Krafts, stuðningsfélags fyrir ungt fólk sem greinst hefur með krabbamein og aðstandendur.

Markmið átaksins er að selja ný Lífið er núna armbönd, fá fólk til að koma saman og sýna samstöðu með því að perla armbönd og sýna almenningi inn í reynsluheim félagsmanna Krafts og þeim áskorunum sem verða á vegi þeirra.

Um 70 ungir einstaklingar greinast á ári hverju og hefur það bæði áhrif á þau greindu sem og fjölskyldu og ástvini þeirra. Vitundarvakningin er hafin og stendur til 6. júní og ætlar Kraftur að selja armbönd á tímabilinu sem verða seld í takmörkuðu upplagi en öll armböndin eru perluð af sjálfboðaliðum.

Valdimar og Róbert.Atli Thor Alfreðsson

„Hver perla hefur sína sögu er yfirskrift átaksins í ár og vísar til lífreynslu okkar félagsmanna og hvaða þýðingu „Lífið er núna“ armbandið hefur fyrir þau. Sem fyrr verður slagorð Krafts „Lífið er núna“ í hávegum haft og munum við hvetja fólk til að „sýna Kraft í verki“ með því að perla með okkur armbönd eða kaupa þau. En með því að bera armbandið sýnir fólk stuðning sem það jafnvel áttar sig ekki alveg á en félagsmenn okkar finna ætíð fyrir meðbyr og stuðningi þegar þeir sjá aðra með armböndin,“ segir Hulda Hjálmarsdóttir, framkvæmdastjóri Krafts.

Atli Thor Alfreðsson

Kraftur stendur fyrir risaperluviðburði í Hörpu þann 22. maí þar sem markmiðið er að slá Íslandsmet sem var sett fyrir fjórum árum í perlun armbanda. Fólk getur komið og perlað í nokkrar mínútur og allt upp í fjórar klukkustundar, allt eftir þeirra hentisemi en viðburðurinn verður milli klukkan 13:00 og 17:00. Skemmtidagskrá verður á svæðinu fyrir alla fjölskylduna en nánari dagskrá verður auglýst síðar á Facebook viðburðinum.  

Atli Thor Alfreðsson

Íslandsmetið stendur nú í 4233 armböndum. Kraftur hvetur því alla landsmenn til að koma og leggja hönd á perlu. Svipaður viðburður verður svo einnig á Akureyri, 28. maí en nánar má sjá um hann hér

Katla NjálsdóttirAtli Thor Alfreðsson

„Armböndin eru komin í forsölu í vefverslun Krafts á www.lifidernuna.is og verða einnig í völdum verslunum Krónunnar sem og vefverslun Krónunnar eftir stóra perluviðburðinn. Armböndin kosta 2.900 krónur og rennur allur ágóði af þeim í starfsemi Krafts og í að styðja þar með við bakið á ungu fólki sem greinst hefur með krabbamein og aðstandendum.“

Elín og HilmarAtli Thor Alfreðsson

Tengdar fréttir

Erfitt að vera ekki á landinu þegar hann lést

„Það sem ég mæli með fyrir alla sem þurfa að ganga í gegnum þetta er að tala opinskátt um hlutina,“ segir Katla Njálsdóttir Þórudóttir. Hún missti föður sinn Njál Þórðarson aðeins sextán ára gömul eftir mjög stutta og erfiða baráttu við krabbamein.

„Mér leið eins og hann væri búinn að gefast upp“

Svavar Pét­ur Ey­steins­son, einnig þekktur sem Prins Póló greindist með krabbamein á fjórða stigi í lok ársins 2018 og hefur hann ásamt eiginkonu sinni Berglindi Häsler verið að þreifa sig í gegnum það stóra verkefni. Það er á markmiðalistanum að vera á lífi og hjónin taka einn dag í einu. 

Mikilvægt að eiga heiðarleg samskipti um dauðann

„Maður er forréttindamanneskja að fá að vera í þessu starfi. Að fá að vera í þessu hlutverki og fá að sitja með þessu fólki,“ segir Rósa Kristjánsdóttir hjúkrunarfræðingur og djákni á Landspítalanum. Rósa hefur áratuga reynslu af sálgæslu og að styðja við fólk á erfiðum tímum í lífi þeirra, þar á meðal einstaklingum sem greinast með krabbamein.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.