Lífið

Öllum lögum Söngva­keppninnar lekið

Árni Sæberg skrifar
Sólborg Guðbrandsdóttir er meðal þeirra sem taka þátt í Söngvakeppni sjónvarpsins í ár.
Sólborg Guðbrandsdóttir er meðal þeirra sem taka þátt í Söngvakeppni sjónvarpsins í ár. Stöð 2

Öllum lögum sem teflt verður fram í Söngvakeppni sjónvarpsins hefur verið lekið á netið. Til stóð að afhjúpa lög og keppendur í kvöld.

Á vefsíðunni Eurovision Fun má sjá lista yfir alla þá sem munu taka þátt í Söngvakeppninni þetta árið. Flytjendur eru níu en lögin tíu, svo ætla má að einhver flytji tvö lög í keppninni.

Keppendur Söngvakeppni sjónvarpsins árið 2022 eru:

  • Haffi Haff

  • Hanna Mia & The Astrotourists

  • Suncity & Sanna

  • Katla

  • Markéta Irglová

  • Reykjavíkurdætur

  • Stefán Óli

  • Stefanía Svavarsdottir

  • Amarosis

Lögin tíu má heyra á vefsíðu Eurovision Fun en þau eru:

  • Gía eða Volcano
  • Séns með þér eða Gemini
  • Þaðan af eða Then Again
  • Mögulegt eða Possible
  • Tökum af stað eða Turn This Around
  • Ljósið eða All I Know
  • Hjartað mitt eða Heart of Mine
  • Með hækkandi sól 
  • Hækkum í eða Keep It Cool
  • Don't You Know

Undankeppni söngvakeppninnar verður haldin dagana 26. febrúar og 5. mars og úrslitakeppnin 12. mars þar sem framlag Íslands í Eurovision verður valið. Eurovision-keppnin sjálf fer fram í Torino á Ítalíu í maí.

Samkvæmt frétt á RÚV frá því í desember voru alls 158 lög send inn í Söngvakeppnina í ár en ráðgefandi valnefnd og framkvæmdastjórn keppninnar valdi tíu lög af þessum 158 til að keppa.

Kynningarþátturinn Lögin í Söngvakeppninni 2022 er á dagskrá RÚV klukkan 19:50 í kvöld en þar stóð til að afhjúpa lögin.

Árið 2018 var lögum Söngvakeppninnar einnig lekið:

Ekki hefur náðst í Rúnar Frey Gíslason, verkefnastjóra Söngvakeppninnar, við vinnslu fréttarinnar.


Tengdar fréttir

Afhjúpa lögin tíu annað kvöld

Lögin í Söngvakeppninni 2022 verða afhjúpuð í sérstökum sjónvarpsþætti annað kvöld á RÚV. Í þættinum verður fjallað um höfunda og flytjendur laganna og spiluð brot úr þeim.

MIKA kynnir Eurovision í ár

Breski söngvarinn MIKA sem gerði garðinn frægan með laginu Grace Kelly verður einn af kynnum Eurovision hátíðarinnar 2022. Ásamt honum verða ítalska söngkonan Laura Pausini og ítalski þáttastjórnandinn Alessandro Cattelan kynnar en keppnin fer fram á Ítalíu.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.