Berserkurinn á Reykjanesbrautinni hnepptur í varðhald

Hallgerður Kolbrún E. Jónsdóttir skrifar 24. janúar 2022 10:16

Maðurinn er til rannsóknar vegna atvikisins á Reykjanesbraut hjá lögreglunni á Suðurnesjum. Vísir/Þorgils

Maður sem grunaður er um að hafa gengið berskerksgang á Reykjanesbraut í síðustu viku var úrskurðaður í gæsluvarðhald um helgina.

Maðurinn var samkvæmt heimildum fréttastofu úrskurðaður í síbrotagæslu þar til 17. febrúar næstkomandi. Maðurinn hafi ítrekað komist í kast við lögin, síðast núna á þriðjudaginn, þegar hann stöðvaði bifreið sína á Reykjanesbraut, gekk út úr bílnum og sparkaði ítrekað af miklu afli í bílstjórarúðu bílsins fyrir aftan.

Myndband af atvikinu vakti mikla athygli í síðustu viku en þar mátti sjá manninn aka afar óvarlega, sveigja milli akreina og stöðva loks umferð áður en hann gekk út úr bílnum og réðist að þeim fyrir aftan sig.

Samkvæmt heimildum fréttastofu er maðurinn á þrítugsaldri, hefur verið til rannsóknar hjá lögreglu og sætt nálgunarbanni.

Lögreglumál

Tengdar fréttir

Lögregla rannsakar mann sem gekk berserksgang á Reykjanesbrautinni

Lögreglan á Suðurnesjum hefur til rannsóknar atvik, sem kom upp á Reykjanesbrautinni síðdegis í gær, þar sem karlmaður steig út úr bíl sínum, gekk upp að bílnum fyrir aftan og sparkaði í bílstjórarúðuna með miklu offorsi.

19. janúar 2022 10:28

Búið að handtaka eltihrellinn

Karlmaður á þrítugsaldri, sem meðal annars er grunaður um frelsissviptingu og ítrekuð brot gegn nálgunarbanni, var handtekinn í dag. Hann hafði áður verið handtekinn á heimili fyrrverandi kærustu sinnar 17. mars en sleppt eftir að héraðsdómur féllst ekki á að úrskurða hann í gæsluvarðhald.

23. mars 2021 18:12

Eltihrellirinn ekki gefið sig fram við lögreglu

Karlmaður á þrítugsaldri sem grunaður er um frelsissviptingu, ítrekuð brot gegn nálgunarbanni, hótanir og eignaspjöll og var úrskurðaður í gæsluvarðhald í gær hefur ekki gefið sig fram við lögreglu.

23. mars 2021 11:27

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir