Lífið samstarf

Nýr blandari frá KitchenAid

Heimilistæki

KitchenAid þarf vart að kynna fyrir landanum en hrærivélarnar þeirra hafa um áraraðir prýtt eldhús landsins. Nýlega kynnti KitchenAid nýjasta blandarann úr sinni smiðju, K150 blandarann sem býður upp á sömu frábæru KitchenAid gæðin á enn betra verði.

Þessi blandari fer létt með hvers kyns þeytinga, sósugerð og mylur meira að segja klaka hratt og örugglega og stendur stöðugur á meðan hann vinnur.

Ísmulningur er leikur einn

Einstök hönnun hnífsins og lögun könnunar sjá til þess að innihaldið dregst að miðjunni og því blandast það vel og fær silkimjúka áferð, hvort sem þú ert að vinna með fersk hráefni eða frosin. Blandarinn er með þrjár hraðastillingar en mótorinn aðlagar sig einnig eftir innihaldi blandarans til að nýta kraftinn sem best við blöndunina. Lokið er þétt og því sullast ekkert við blöndunina og ekkert mál er að bæta við vökva eða öðrum hráefnum með því að opna gat í lokinu.

K150 blandarinn er auðveldur í notkun

Auðvelt er að þrífa þessa mögnuðu græju en þú einfaldlega setur smá uppþvottalög og fyllir könnuna til hálfs með volgu vatni og notar pulse stillinguna nokkrum sinnum, þannig að vatnið nái að skola alla fleti könnunnar að innan. Einnig má kannan og lokið fara í uppþvottavél.

K150 blandararnir frá KitchenAid eru nú þegar komnir á fjölmarga sölustaði KitchenAid á Íslandi, m.a. Heimilistæki, Kúnígúnd, Byggt og búið og Rafland, en Rafland sér um innflutning og dreifingu á KitchenAid vörum á Íslandi. 

Skoðaðu úrvalið af K150 blöndurum í vefverslun Raflands.






Fleiri fréttir

Sjá meira


×