Lífið

Védís Hervör eignaðist sitt þriðja barn: „Þú græðir hjartað heilt“

Sylvía Rut Sigfúsdóttir skrifar
Söngkonan Védís Hervör eignaðist valkyrjuna sína 30. desember.
Söngkonan Védís Hervör eignaðist valkyrjuna sína 30. desember. Facebook/Védís Hervör

Söngkonan Védís Hervör Árnadóttir eignaðist sitt þriðja barn undir lok síðasta árs. „Valkyrjan okkar Þórhallur Bergmann mætti í heiminn að morgni 30. desember. Stór, hraust og spriklandi.“

„Það er enn á ný staðfest að ljósmæður eru englar í mannsmynd. Nú virðist tíminn standa í stað og allt sett til hliðar til þess að umvefja, næra og elska litla ósjálfbjarga mannveru. Ég bara veit ekkert betra,“ segir Védís í tilkynningu sem hún birti á Facebook. Fréttablaðið sagði fyrst frá. 

Þetta er þriðja barn Védísar en fyrir átti hún tvo drengi. 

„Litla systir á víst sama afmælisdag og Tiger Woods og Lebron James þannig að það er kannski einhver von um íþróttaferil þó hún eigi afmæli kortér í áramót.“

Með færslunni birti hún myndir af fjölskyldunni og fallegan texta eftir sjálfa sig. 

Elsku barn

Elsku barn, þú ert elskunnar barn

- ástar sem hér spratt um árið.

Allt sem var virðist æ óralangt,

líkt og þú hafir ætíð verið.

Undur lífs, leiðandi ljós.

Þú græðir hjartað heilt.

Bernskubrek, æskunnar blóm

- rósa sem hér spruttu um árið.

Nóttin dimm kemur deginum frá,

allt á einn veginn endar.

En augu þín vekja von,

vorsins vindar fylgja þér.

Undur lífs, leiðandi ljós.

Þú græðir hjartað heilt.

-VHÁ



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.