Fótbolti

María á bekknum er Celtic vann deildar­bikarinn | Aron Elís, Elías Rafn og Kristófer Ingi á­­fram í bikarnum

Runólfur Trausti Þórhallsson skrifar
Caitlin Hayes fagnar sigurmarki sínu.
Caitlin Hayes fagnar sigurmarki sínu. Twitter/@CelticFCWomen

María Catharina Ólafsdóttir Gros sat allan tímann á bekknum er Celtic varð deildarbikarmeistari kvenna í Skotlandi í dag. Í Danmörku komust Aron Elís Þrándarson og Elías Rafn Ólafsson áfram í 8-liða úrslit.

Celtic lagði Glasgow City 1-0 í úrslitum skoska deildarbikarsins í kvöld þökk sé marki Caitlin Hayes í fyrri hálfleik. 

María Catharina Ólafsdóttir sat allan tímann á varamannabekk Celtic en hún gekk til liðs við félagið frá Þór/KA síðasta sumar.

Aron Elís spilaði allan leikinn á miðju OB er liðið lagði Randers 2-0 á útivelli og tryggði sér sæti í 8-liða úrslitum danska bikarsins. 

Markvörðurinn Elías Rafn stað hins vegar á bekknum er Midtjylland lagði Bröndby 2-0 á útivelli. Þá komust Kristófer Ingi Kristinsson og liðsfélagar hans í SönderjyskE áfram í 8-liða úrslit en liðið vann 1-0 sigur á Hvidovre fyrr í dag.

Þá skoraði Óttar Magnús Karlsson sitt fyrsta mark fyrir Siena er liðið tapaði gegn Ancona-Matelica í ítölsku C-deildinni en hann er láni frá Venezia sem leikur í Serie A, ítölsku úrvalsdeildinni. 

Að lokum lék Hjörtur Hermannsson allan leikinn í liði Pisa sem vann 1-0 útisigur á Como í Serie B.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.