Innlent

Notaði eigin saur í baráttunni við öryggisvörð og lögreglu

Kolbeinn Tumi Daðason skrifar
Frá átökunum í Smáralind í gær.
Frá átökunum í Smáralind í gær.

Karlmaður var handtekinn í Smáralind eftir hádegið í gær eftir að hafa gengið úr verslun með vörur án þess að greiða fyrir. Í átökum við öryggisvörð og lögreglu notaði hann eigin saur.

DV greindi fyrst frá málinu í gær en fréttastofa hefur undir höndum myndband sem sýnir lögreglu í baráttu við umræddan mann. Þar liggur karlmaðurinn á jörðinni fyrir utan verslun Lego á 2. hæð verslunarmiðstöðvarinnar og þarf tvo lögreglumenn til að hafa manninn undir.

Samkvæmt upplýsingum frá lögreglunni í Kópavogi var óskað eftir aðstoð lögreglu eftir að átök brutust út milli öryggisvarðar í Smáralind og karlmannsins. Í átökunum hafði karlmaðurinn hægðir og ataði saur á öryggisvörðinn.

„Þetta var bara ógeðslegt, það var ástæðan fyrir því að allir fóru á bak við, bara út af lyktinni. Það voru bara slettur út um allt gólfið núna. Þetta var ógeðslegt. Löggan var að þrífa þetta eftir hann, bara vesen,“ sagði starfsmaður í verslun í Smáralind við DV í gær.

Karlmaðurinn gisti fangageymslur í nótt en hann mun hafa verið í annarlegu ástandi þegar atburðurinn átti sér stað. Hann var yfirheyrður í morgun og hefur verið látinn laus.

Hann verður kærður fyrir þjófnað og líkamsárás.

Smáralind Lögreglumál Kópavogur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið