Hafa birt lista Flokks fólksins í Kraganum

Atli Ísleifsson skrifar 31. ágúst 2021 08:29

Sigurður Tyrfingsson, Jónína Óskarsdóttir, Guðmundur Ingi Kristinsson og Þóra Gunnlaug Briem skipa efstu sæti listans. Flokkur fólksins

Flokkur fólksins hefur birt framboðslista sinn í Suðvesturkjördæmi vegna alþingiskosninganna sem fram fara eftir tæpan mánuð. Guðmundur Ingi Kristinsson er þingmaður og varaformaður Flokks fólksins og skipar efsta sæti listans.

Í tilkynningu segir að Guðmundur hafi slasast illa í umferðaslysi fyrir 28 árum og hafi orðið öryrki í kjölfarið.

„Hann hefur æ síðan, helgað líf sitt baráttunni gegn óréttlæti, fátækt og mannvondu almannatryggingakerfi. Guðmundur sat í trúnaðarráði VR frá 2004 til 2012 og var fulltrúi þess á ársfundum Alþýðusambands Íslands. Frá 2010 hefur hann verið formaður Bótar, baráttu- og samstöðufélags fyrir bættum kjörum lífeyrisþega og gegn fátækt á Íslandi. Þá einnig verið í stjórn Sjálfsbjargar og ÖBÍ. Hann var fulltrúi í endurskoðunarnefnd laga um almannatryggingar frá 2014 til 2016.

Jónína Björk Óskarsdóttir skipar annað sæti á lista Flokks fólksins í Suðvesturkjördæmi. Jónína er eldri borgari og varaþingmaður. Hún hefur alla tíð barist fyrir velferð, bættum kjörum og aðbúnaði eldra fólks. Jónína var í stjórn dvalar og hjúkrunarheimilisins Hornbrekku og starfaði við heimaþjónustu aldraðra í Ólafsfirði frá árinu 1986. Árið 1998 hóf hún störf fyrir félagsþjónustu Hafnarfjarðar við heimaþjónustudeildina og tók síðan við félagsstarfi aldraðra 2004.

Sigurður Tyrfingsson, fasteignasali og hússmíðameistari, skipar þriðja sætið. Þóra Gunnlaug Briem, tölvunarfræðingur, er í fjórða sæti.“

Að neðan má svo sjá listann í heild sinni:

1. Guðmundur Ingi Kristinsson, alþingismaður/öryrki
2. Jónína Óskarsdóttir, eldri borgari
3. Sigurður Tyrfingsson, löggiltur fasteignasali / hússmíðameistari
4. Þóra Gunnlaug Briem, tölvunarfræðingur
5. Stefanía Sesselía Hinriksdóttir, bifvéla- og bifhjólavirki
6. Ósk Matthíasdóttir, förðunarfræðingur
7. Hafþór Gestsson, prófdómari
8. Magnús Bjarnarson, öryrki/eldri borgari
9. Bjarni G. Steinarsson, körfubílstjóri
10. Páll Þór Ómarsson Hillers, framkvæmdarstjóri
11. Davíð Örn Guðmundsson, mótökustjóri
12. Einar Magnússon, rafvirkjafræðingur
13. Gunnar Þór Þórhallsson, fv. vélfræðingur/eldri borgari
14. Heiða Kolbrún Leifsdóttir, huglistamaður
15. Karl Hjartarson, fv. varðstjóri/eldri borgari
16. Erla Magnúsdóttir, fv. sundlaugavöður/eldri borgari
17. Vilborg Reynisdóttir, starfsmaður Félagsstarfs aldraðra
18. Guðni Karl Harðarson, öryrki
19. Margrét G Sveinbjörnsdóttir, fv. skólaliði/eldri borgari
20. Andrea Kristjana Sigurðardóttir, atvinnulaus
21. Katrín Gerður Júlíusdóttir, öryrki
22. Kolbeinn Sigurðsson, framkvæmdarstjóri
23. Guðmundur Ingi Guðmundsson, sölumaður
24. Ragnheiður Hrefna Gunnarsdóttir, sjúkraliði
25. Baldur Freyr Guðmundsson, öryrki
26. Jón Númi Ástvaldsson, öryrki

Flokkur fólksins Alþingiskosningar 2021 Suðvesturkjördæmi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir