María og Þór leiða lista sósíalista í Kraganum

Tryggvi Páll Tryggvason skrifar 30. júlí 2021 10:07

Þessir fulltrúar sósíalista skipa efstu sjö sætin á listanum. Mynd/Sósíalistar

Sósíalistar hafa birt framboðslista flokksins í Suðvesturkjördæmi, Kraganum svokallaða, fyrir komandi Alþingiskosningar. María Pétursdóttir skipar fyrsta sæti listans og Þór Saari, fyrrverandi alþingismaður er í öðru sæti.

Athygli vekur að það er slembivalinn hópur einstaklinga sem velur lista flokksins fyrir kosningarnar en sá háttur verður hafður á við val á lista flokksins fyrir þingkosningarnar í haust.

„Listinn er náttúrlega eins og fólkið í Sósíalistaflokknum, hópur af baráttuglöðu fólki sem vill breyta samfélaginu, gera það betra,“ er haft eftir myndlistarmanninum, öryrkjanum og aðgerðarsinnanum Maríu, sem skipar fyrsta sætið. Hún hefur undanfarin fjögur ár gegnt formennsku í Málefnastjórn Sósíalistaflokksins.

Í öðru sæti er Þór Saari hagfræðingur og fyrrverandi þingmaður Borgarahreyfingarinnar. Eftir þingsetu 2013 hefur Þór starfað fyrir OECD, átt sæti í bankaráði Seðlabanka Íslands, rekið ferðaþjónustu, verið atvinnulaus og lokið diplómanámi í þýðingum frá Háskóla Íslands, auk annarra starfa að því er fram kemur í tilkynningunni.

Listi Sósíalistaflokks Íslands í Suðvesturkjördæmi:

María Pétursdóttir, myndlistakona/öryrki
Þór Saari, hagfræðingur
Agnieszka Sokolowska, bókavörður
Luciano Dutra, þýðandi
Ester Bíbí Ásgeirsdóttir, tónlistarmaður og kvikmyndagerðarkona
Hörður Svavarsson, leikskólastjóri
Nanna Hlín Halldórsdóttir, nýdoktor
Sæþór Benjamín Randalsson, matráður
Ingibjörg Ýr Jóhannsdóttir, rannsóknarlögreglumaður og stjórnsýslufræðingur
Tómas Ponzi, garðyrkjubóndi
Sara Stef. Hildardóttir, upplýsingafræðingur
Agni Freyr Arnarson Kuzminov, námsmaður
Zuzanna Elvira Korpak, námsmaður
Sigurður H. Einarsson, vélvirki
Silja Rún Högnadóttir, myndlistarnemi
Alexey Matveev, skólaliði
Elísabet Freyja Úlfarsdóttir, námsmaður
Arnlaugur Samúel Arnþórsson, garðyrkjumaður
Kolbrún Valvesdóttir, starfsmaður i heimaþjónustu
Baldvin Björgvinsson, framhaldsskólakennari
Elsa Björk Harðardóttir, grunnskólakennari og öryrki
Jón Hallur Haraldsson, forritari
Brynhildur Yrsa Valkyrja Guðmundsdóttir, leikskólakennari
Gísli Pálsson, mannfræðiprófessor
Erling Smith, tæknifræðingur og öryrki
Sylviane Lecoultre, iðjuþjálfi

Fyrirsögn fréttarinnar hefur verið breytt.

Sósíalistaflokkurinn Alþingiskosningar 2021 Suðvesturkjördæmi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir