Gerðu ítrekaðar tilraunir til að ræða við Hrauneigendur en var aldrei svarað Hallgerður Kolbrún E. Jónsdóttir skrifar 30. júní 2021 22:01 Birgir Ómar Haraldsson, framkvæmdastjóri Norðurflugs, segir fyrirtækið hafa gert ítrekaðar tilraunir til að ná í landeigendur Hrauns á Reykjanesi í upphafi eldgoss en aldrei hafa verið svarað, ekki fyrr en gerð var krafa um óhóflegt lendingargjald. Vísir/Vilhelm Framkvæmdastjóri Norðurflugs segir að þyrlufyrirtækið hafi ítrekað gert tilraunir til að ná í landeigendur Hrauns á Reykjanesi þegar eldgosið í Geldingadölum var nýbyrjað en aldrei borið erindi sem erfiði. Sýslumaður hefur sett lögbann á lendingar þyrlufyrirtækisins við gosið að beiðni landeigenda eins og greint var frá í morgun. Norðurflug er eina fyrirtækið sem hefur verið bannað slíkt en nokkur fyrirtæki til viðbótar halda úti ferðum að gosstöðvunum. Birgir Ómar Haraldsson, framkvæmdastjóri Norðurflugs, sagði í Reykjavík síðdegis á Bylgjunni í dag að lögbannið hafi ekki sérstaklega komið á óvart. Erfitt hafi reynst að ná í landeigendur til að hafa samráð við þá um flugin þrátt fyrir ítrekaðar tilraunir. „Síðan fengum við símtal þar sem okkur var tjáð að það ætti að setja á okkur lendingargjald og í því samtali varð alveg ljóst að lendingargjaldið átti að vera mjög stór hluti af þeim brúttótekjum sem við höfum af hverjum farþega,“ segir Birgir. „Öllum okkar rökum var hent í ruslið“ Hann segir að gjaldið sem landeigendur hafi krafist hafi verið langt umfram allt sem viðgangist í ferðaþjónustu og segir stjórnendur Norðurflugs hafa staldrað við þegar sú staða kom upp. Hraunseigendur hafi krafist fasts gjalds fyrir ákveðið tímabil, sama hversu margar ferðir Norðurflug færi á því tímabili. „Fyrir utan það að þetta gjald sem upphaflega var talað um tók ekki einu sinni tillit til þess hvort við gætum flogið út af veðri eða ekki,“ segir Birgir. „Einnig minntumst við á það á þeim tíma hvort það væri ekki eðlilegt að gjaldið tæki til dæmis mið af því sem þekkt er á Reykjavíkurflugvelli um lendingargjald, þar sem er full þjónusta, og það var ekki hlustað á nein af okkar rökum. Þannig að við áttum allt eins von á því að þar sem öllum okkar rökum var hent í ruslið að þá myndi þetta enda svona,“ segir Birgir. Hafa íhugað að fljúga yfir gosið og lenda ekki Hann telur að landeigendurnir hafi farið fram úr sér í gjaldkröfunum, þar sem þær kröfur rímuðu ekki við neitt sem tíðkist hjá öðrum. „Í Geldingadölum eru þetta bara óbyggðir, og varla einu sinni beitarland, þar sem er engin þjónusta og það er ekki búið að fjárfesta neitt í þessu svæði. Það kom reyndar líka fram í yfirlýsingu Samtaka ferðaþjónustufyrirtækja að það að taka fyrir væntanlega uppbyggingu í framtíðinni er heldur ekki rétt viðmið.“ Birgir Ómar segir landeigendur hafa talað um eldgosið sem viðburð.Vísir Hann segir það hafa verið í umræðu innan Norðurflugs í nokkurn tíma að hætta lendingum á svæðinu, alla vega að hluta. Margir sem nýti sér þjónustuna séu orðnir fullorðnir og treysti sér oft ekki til að fara út og skoða svæðið. „Það hefur örlað á því að fólk hafi kvartað undan óþægindum við að vera á staðnum. Síðan hefur gosið breyst talsvert mikið þannig að við höfum bara verið að vega og meta það miðað við öryggi að fara ekki að lenda heldur bara fljúga yfir. Þetta hefur flýtt þeirri ákvörðun,“ segir Birgir. Þó sé einnig hópur sem vilji lenda og skynja gosið og náttúruna í öllu sínu veldi. Segir landeigendur vilja selja inn á eldgosið sem „viðburð“ Áður hefur komið fram að minnst þrjú eða fjögur önnur þyrlufyrirtæki lendi við gosstöðvarnar. Birgir segir þau fimm eða sex. „Að því sem við vitum til hefur ekki verið talað við öll þessi þyrlufyrirtæki, eitt fyrirtæki fékk samningsdrög sem Norðurflug fékk ekki. Hin fyrirtækin hafa heldur verið að draga úr lendingum svipað eins og við erum að hugsa,“ segir Birgir. Hann telur ólíklegt að niðurstaða náist í deilur Hrauneigenda og Norðurflugs. „Það er alltaf æskilegt að menn setji niður deilur. Hins vegar er það aldrei hægt ef það er bara enginn grundvöllur fyrir þeim. Þannig að ég held að það sé ofboðslega erfitt að meta hver verður niðurstaðan af þessu,“ segir Birgir. Hann segir að í samtölum við landeigendur hafi þeir lýst eldgosinu sem viðburði. Það þyki honum skjóta skökku við, enda sé um náttúruhamfarir að ræða. „Í þeim umræðum sem við höfum átt hefur allt viðmið um kostnað verið hent út af borðinu og það hefur verið talað um að það sé verið að selja aðgengi að viðburði. Ég verð að viðurkenna það fyrir okkur að við höfum ekki haft það hugarflug að náttúruhamfarir séu viðburður, við höfum bara ekki haft það enn þá,“ segir Birgir. „En ef náttúruhamfarir á að flokka sem viðburð, sem auðveldlega gætu farið mjög illa í þessu gosi sem öðrum gosum þá er það nýtt viðmið sem við eigum mjög erfitt að átta okkur á. Það er mjög erfitt að finna flöt á því hvað á að kalla viðburð, ef viðburð á að kalla.“ Hægt er að hlusta á viðtalið við Birgi í heild sinni í spilaranum hér að neðan. Eldgos í Fagradalsfjalli Ferðamennska á Íslandi Jarðhræringar á Reykjanesi Reykjavík síðdegis Fréttir af flugi Grindavík Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Lýsisskip strandaði í Fáskrúðsfirði Innlent Voru sérstaklega varaðir við árás frá ISKP Erlent Ísland að tapa í slagnum um ferðamenn Innlent Átta ára stúlka sú eina sem lifði rútuslys af Erlent Vilja einfalda fólki að komast til sjúkraþjálfara Innlent „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Hætt við framboð og vonast eftir þjóðhollum og guðræknum forseta Innlent Fleiri fréttir Ógnaði dyraverði skemmtistaðar með hníf Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Sjá meira
Sýslumaður hefur sett lögbann á lendingar þyrlufyrirtækisins við gosið að beiðni landeigenda eins og greint var frá í morgun. Norðurflug er eina fyrirtækið sem hefur verið bannað slíkt en nokkur fyrirtæki til viðbótar halda úti ferðum að gosstöðvunum. Birgir Ómar Haraldsson, framkvæmdastjóri Norðurflugs, sagði í Reykjavík síðdegis á Bylgjunni í dag að lögbannið hafi ekki sérstaklega komið á óvart. Erfitt hafi reynst að ná í landeigendur til að hafa samráð við þá um flugin þrátt fyrir ítrekaðar tilraunir. „Síðan fengum við símtal þar sem okkur var tjáð að það ætti að setja á okkur lendingargjald og í því samtali varð alveg ljóst að lendingargjaldið átti að vera mjög stór hluti af þeim brúttótekjum sem við höfum af hverjum farþega,“ segir Birgir. „Öllum okkar rökum var hent í ruslið“ Hann segir að gjaldið sem landeigendur hafi krafist hafi verið langt umfram allt sem viðgangist í ferðaþjónustu og segir stjórnendur Norðurflugs hafa staldrað við þegar sú staða kom upp. Hraunseigendur hafi krafist fasts gjalds fyrir ákveðið tímabil, sama hversu margar ferðir Norðurflug færi á því tímabili. „Fyrir utan það að þetta gjald sem upphaflega var talað um tók ekki einu sinni tillit til þess hvort við gætum flogið út af veðri eða ekki,“ segir Birgir. „Einnig minntumst við á það á þeim tíma hvort það væri ekki eðlilegt að gjaldið tæki til dæmis mið af því sem þekkt er á Reykjavíkurflugvelli um lendingargjald, þar sem er full þjónusta, og það var ekki hlustað á nein af okkar rökum. Þannig að við áttum allt eins von á því að þar sem öllum okkar rökum var hent í ruslið að þá myndi þetta enda svona,“ segir Birgir. Hafa íhugað að fljúga yfir gosið og lenda ekki Hann telur að landeigendurnir hafi farið fram úr sér í gjaldkröfunum, þar sem þær kröfur rímuðu ekki við neitt sem tíðkist hjá öðrum. „Í Geldingadölum eru þetta bara óbyggðir, og varla einu sinni beitarland, þar sem er engin þjónusta og það er ekki búið að fjárfesta neitt í þessu svæði. Það kom reyndar líka fram í yfirlýsingu Samtaka ferðaþjónustufyrirtækja að það að taka fyrir væntanlega uppbyggingu í framtíðinni er heldur ekki rétt viðmið.“ Birgir Ómar segir landeigendur hafa talað um eldgosið sem viðburð.Vísir Hann segir það hafa verið í umræðu innan Norðurflugs í nokkurn tíma að hætta lendingum á svæðinu, alla vega að hluta. Margir sem nýti sér þjónustuna séu orðnir fullorðnir og treysti sér oft ekki til að fara út og skoða svæðið. „Það hefur örlað á því að fólk hafi kvartað undan óþægindum við að vera á staðnum. Síðan hefur gosið breyst talsvert mikið þannig að við höfum bara verið að vega og meta það miðað við öryggi að fara ekki að lenda heldur bara fljúga yfir. Þetta hefur flýtt þeirri ákvörðun,“ segir Birgir. Þó sé einnig hópur sem vilji lenda og skynja gosið og náttúruna í öllu sínu veldi. Segir landeigendur vilja selja inn á eldgosið sem „viðburð“ Áður hefur komið fram að minnst þrjú eða fjögur önnur þyrlufyrirtæki lendi við gosstöðvarnar. Birgir segir þau fimm eða sex. „Að því sem við vitum til hefur ekki verið talað við öll þessi þyrlufyrirtæki, eitt fyrirtæki fékk samningsdrög sem Norðurflug fékk ekki. Hin fyrirtækin hafa heldur verið að draga úr lendingum svipað eins og við erum að hugsa,“ segir Birgir. Hann telur ólíklegt að niðurstaða náist í deilur Hrauneigenda og Norðurflugs. „Það er alltaf æskilegt að menn setji niður deilur. Hins vegar er það aldrei hægt ef það er bara enginn grundvöllur fyrir þeim. Þannig að ég held að það sé ofboðslega erfitt að meta hver verður niðurstaðan af þessu,“ segir Birgir. Hann segir að í samtölum við landeigendur hafi þeir lýst eldgosinu sem viðburði. Það þyki honum skjóta skökku við, enda sé um náttúruhamfarir að ræða. „Í þeim umræðum sem við höfum átt hefur allt viðmið um kostnað verið hent út af borðinu og það hefur verið talað um að það sé verið að selja aðgengi að viðburði. Ég verð að viðurkenna það fyrir okkur að við höfum ekki haft það hugarflug að náttúruhamfarir séu viðburður, við höfum bara ekki haft það enn þá,“ segir Birgir. „En ef náttúruhamfarir á að flokka sem viðburð, sem auðveldlega gætu farið mjög illa í þessu gosi sem öðrum gosum þá er það nýtt viðmið sem við eigum mjög erfitt að átta okkur á. Það er mjög erfitt að finna flöt á því hvað á að kalla viðburð, ef viðburð á að kalla.“ Hægt er að hlusta á viðtalið við Birgi í heild sinni í spilaranum hér að neðan.
Eldgos í Fagradalsfjalli Ferðamennska á Íslandi Jarðhræringar á Reykjanesi Reykjavík síðdegis Fréttir af flugi Grindavík Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Lýsisskip strandaði í Fáskrúðsfirði Innlent Voru sérstaklega varaðir við árás frá ISKP Erlent Ísland að tapa í slagnum um ferðamenn Innlent Átta ára stúlka sú eina sem lifði rútuslys af Erlent Vilja einfalda fólki að komast til sjúkraþjálfara Innlent „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Hætt við framboð og vonast eftir þjóðhollum og guðræknum forseta Innlent Fleiri fréttir Ógnaði dyraverði skemmtistaðar með hníf Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Sjá meira