Allt að fimmtán stiga frost

Sunna Kristín Hilmarsdóttir skrifar 2. febrúar 2021 06:59

Það verður ansi kalt á landinu næstu daga. Vísir/Vilhelm

Það verður austan og suðaustan gola eða kaldi og bjart með köflum í dag en stinningskaldi og stöku él við suðurströndina að því er segir í hugleiðingum veðurfræðings á vef Veðurstofu Íslands.

Hiti verður um eða yfir frostmarki syðst en það er spáð allt niður í tíu til fimmtán stiga í innsveitum á Norður- og Austurlandi.

Spáð er svipuðu veðri á morgun en þá má einnig reikna með éljum vestast á landinu. Þá má búast við keimlíku veðri á fimmtudag einnig.

Veðurhorfur á landinu:

Austan- og suðaustanátt, víða 3-10 m/s og bjartviðri, en 8-15 og stöku él við S-ströndina í dag og einnig vestast á morgun. Frost 0 til 15 stig, kaldast í innsveitum N- og A-lands, en frostlaust syðst.

Á miðvikudag, fimmtudag og föstudag:

Suðaustan og austan 3-10 og bjart með köflum, en 8-15 m/s og stöku él við S- og V-ströndina. Frost yfirleitt 0 til 12 stig, kaldast í innsveitum N- og A-lands.

Á laugardag og sunnudag:

Austlæg átt og bjartviðri V-til á landinu, en dálítil él á SA- og A-landi. Frost 0 til 10 stig, kaldast N-lands.

Á mánudag:

Útlit fyrir norðaustanátt með éljum og kólnandi veðri.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.