Fimm manns í haldi lögreglu vegna líkamsárása

Sunna Kristín Hilmarsdóttir skrifar 14. janúar 2021 06:19

Það var nóg að gera hjá lögreglu höfuðborgarsvæðisins í gær. Vísir/Vilhelm

Rétt fyrir klukkan hálfsex í gær handtók lögreglan á höfuðborgarsvæðinu mann og konu í íbúð í miðbæ Reykjavíkur. Þau eru grunuð um sölu fíkniefna, líkamsárás og brot á lyfja- og vopnalögum. Fólkið var vistað í fangageymslu lögreglu.

Skömmu fyrir klukkan eitt í nótt barst lögreglunni síðan tilkynning um líkamsárás í miðbænum.

Þrír menn voru handteknir grunaðir um líkamsárás og vörslu fíkniefna. Mennirnir voru færðir í fangageymslu lögreglu.

Sá sem ráðist var á var fluttur til aðhlynningar á bráðadeild Landspítalans en verður síðan einnig vistaður fyrir rannsókn málsins í fangageymslu. Hann var með áverka á höndum og víðar.

Upp úr klukkan fimm síðdegis var tilkynnt um umferðarslys. Ökumaður bíls ók á tvær bifreiðar, aðra í Fossvoginum og hina í Breiðholti.

Eftir seinni áreksturinn hljóp tjónvaldur af vettvangi og skildi bíl sinn eftir mjög illa farinn eftir árekstrana. Ekki urðu slys á fólki en eignatjón. Málið er í rannsókn.

Lögreglumál Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.