Kona giftist látnum kærasta sínum

Tuttugu og tveggja ára gömul frönsk kona, Karen Jumeux, fékk sérstakt leyfi frá Nicolas Sarkozy frakklandsforseta, til þess að giftast kærasta sínum. Það væri ekki í frásögur færandi nema fyrir þá staðreynd að kærastinn lést fyrir tveimur árum síðan. Forsetinn svaraði bréfinu og féllst á ráðahaginn, ekki síst í ljósi þess að parið hafði verið trúlofað áður en maðurinn lést.

Karen klæddist hvítum brúðarkjól og vegleg athöfn var haldin í ráðhúsinu í Dizi-le-Gros í austurhluta landsins. Eftir brúðkaupið sagði hún við fjölmiðla: „Við höfðum áformað að ala son okkar upp saman. Mig langaði aldrei að gera það ein, en örlögin kipptu í taumana. Hann var fyrsta og eina ástin mín í lífinu og við vorum saman í fjögur ár. Nú er ég eiginkona hans og ég mun ávallt elska hann.