Fótbolti

Rodriguez: Draumur að spila fyrir Real Madrid

Ingvi Þór Sæmundsson skrifar
James Rodriguez hefur gefið Real Madrid undir fótinn.
James Rodriguez hefur gefið Real Madrid undir fótinn. Vísir/Getty
Kólumbíski knattspyrnumaðurinn James Rodriguez, leikmaður franska liðsins Monaco, sagði í samtali við spænska dagblaðið Marca að draumur hans væri að leika með Evrópumeisturum Real Madrid.

Aðspurður hvert svar hans yrði ef hann fengi tækifæri til að klæðast treyju spænska stórliðsins sagði Rodriguez:

"Það er enginn spurning um það, ég myndi segja já. Draumur minn er að spila fyrir Real Madrid. Það væru forréttindi að spila með svo mörgum stórstjörnum. Ef tækifærið byðist, þá myndi ég njóta þess til hins ítrasta," sagði hinn 23 ára gamli Rodriguez og bætti við:

"Það er mikill heiður fyrir mig að vita af áhuga félags af stærðargráðu Real Madrid. Það væri draumur að ganga til liðs við félagið.

"Ég ber mikla virðingu fyrir öðrum félögum og fótboltanum sem þau spila, en þegar öllu er á botninn hvolft er Real Madrid Real Madrid. Eins og ég sagði hef ég alltaf verið hrifinn af félaginu," sagði Kólumbíumaðurinn sem sagði þó hann væri enn leikmaður Monaco og að framtíð hans væri í höndum félagsins.

"Ég verð ævinlega þakklátur Dimitry Robalev (forseta Monaco) og Vadim Vasilyev fyrir tækifærið sem þeir gáfu mér. Monaco er félag sem ætlar sér stóra hluti," sagði Rodriguez, en Vasilyev ítrekaði það fyrr í mánuðinum að leikmaðurinn væri ekki til sölu.

"Auðvitað væri það draumur að spila fyrir Real Madrid, en ég mun alltaf virða félagið sem ég spila fyrir sem hefur lokaorðið um framtíð mína," sagði Rodriguez að lokum, en hann sló í gegn með kólumbíska landsliðinu á HM í Brasilíu og er sem stendur markahæsti leikmaður mótsins með sex mörk.

HM 2014 í Brasilíu

Tengdar fréttir

David Luiz og Dani Alves hugguðu James í leikslok - myndir

Kólumbíumaðurinn James Rodríguez kemur örugglega til greina sem besti leikmaður HM í Brasilíu þrátt fyrir að hann hafi spilað sinn síðasta leik í átta liða úrslitunum í 1-2 tapi á móti Brasilíu í kvöld.

Kólumbía byrjar vel

Kólumbía vann Grikkland með þremur mörkum gegn engu í C-riðli á HM í Brasilíu í dag, en leikið var í Belo Horizonte. Grikkland hefur nú tapað sex af þeim sjö leikjum sem liðið hefur leikið á HM frá upphafi.

James tapaði í kvöld en komst í fámennan HM-hóp

Kólumbíumaðurinn James Rodríguez var í kvöld aðeins sjötti leikmaðurinn í sögu HM í fótbolta sem nær að skora sex mörk í fyrstu fimm leikjum sínum á HM í fótbolta og aðeins Pele var yngri þegar hann skoraði sitt sjötta HM-mark.

Kólumbía vann nauman sigur

Kólumbía skaust upp í toppsæti C-riðilsins á Heimsmeistaramótinu með 2-1 sigri á Fílabeinsströndinni í dag.

James: Sárir en stoltir

James Rodriguez, ein skærasta stjarna HM, segir að hann og liðsfélagar hans séu stoltir af árangri Kólumbíu á HM.

James leyfði sér að dreyma

James Rodriguez hefur slegið í gegn á HM í Brasilíu og verið í aðalhlutverki í mögnuðu kólumbísku landsliði.

Mest lesið


Fleiri fréttir

Sjá meira


×

Mest lesið