Magnús Geir sópar til sín lykilfólki úr Borgarleikhúsinu Kristín Ólafsdóttir skrifar 20. febrúar 2020 16:02 Magnús Geir Þórðarson tók við starfi þjóðleikhússtjóra um áramótin. Hari Magnús Geir Þórðarson, nýr þjóðleikhússtjóri og fyrrverandi borgarleikhússtjóri, hefur sópað til sín lykilfólki af gamla vinnustað sínum. Fimm nýir listrænir stjórnendur ganga nú til liðs við Þjóðleikhúsið, samkvæmt tilkynningu, sem allir hafa gegnt burðarhlutverkum við Borgarleikhúsið undanfarin ár. Um er að ræða þau Hrafnhildi Hagalín Guðmundsdóttur, listrænan ráðunaut og staðgengil leikhússtjóra, Ólaf Egil Egilsson, fastráðinn leikstjóra, Ilmi Stefánsdóttur, fastráðinn leikmyndahönnuð, Björn Bergsteinn Guðmundsson, yfirljósahönnuð og Unni Ösp Stefánsdóttur, sem vinna mun jöfnum höndum sem leikari og leikstjóri á komandi árum. Hrafnhildur Hagalín Guðmundsdóttir hefur starfð sem listrænn ráðunautur Borgarleikhússins frá árinu 2014. .Hari Hrafnhildur hefur verið listrænn ráðunautur í Borgarleikhúsinu frá árinu 2014, Ólafur Egill hefur leikstýrt fjölda verka í Borgarleikhúsinu, nú síðast Bubbasöngleiknum Níu líf, og Ilmur og Björn hafa verið í fararbroddi í sínum deildum í Borgarleikhúsinu síðustu ár. Þá hefur Unnur leikið aðalhlutverk í nokkrum af stærstu sýningum leikhússins undanfarin leikár, auk þess sem hún leikstýrði hinum gríðarvinsæla söngleik Mamma Mia. Í tilkynningu segir að ráðningunum sé ætlað að „efla leikhúsið, skerpa á listrænni sýn og stöðu“. Listrænu stjórnendurnir munu jafnframt allir verða virkir í listrænni sköpun í leikhúsinu ásamt öðrum listamönnum hússins. Þá sé hlutverk þeirra að taka þátt í að móta listræna stefnu leikhússins með þjóðleikhússtjóra og styðja við hana, auk stefnumótunar fyrir leikhúsið almennt. Ólafur Egill Egilsson, leikstjóri.Hari Haft er eftir Magnúsi Geir, sem tók við starfi þjóðleikhússtjóra um áramótin, að það sé gríðarlegur fengur fyrir Þjóðleikhúsið að hafa ráðið hina nýju listrænu stjórnendur. „Þessir leikhúslistamenn eru leiðandi, hver í sínum flokki. Ég er ekki í vafa um að landsmenn eigi eftir að njóta margra ógleymanlegra sýninga undir þeirra stjórn á næstu árum,“ segir Magnús Geir. „Það eru spennandi tímar framundan í Þjóðleikhúsinu.“ Ljóst er að stórt skarð er nú hoggið í hóp listrænna stjórnenda í Borgarleikhúsinu. Ærið verkefni bíður því Brynhildar Guðjónsdóttur, nýráðins borgarleikhússtjóra, sem tekur við starfinu af Kristínu Eysteinsdóttur innan skamms. Ilmur Stefánsdóttir, leikmyndahönnuður.Hari Nánar um feril hinna nýju listrænu stjórnenda, samkvæmt tilkynningu Þjóðleikhússins: Hrafnhildur Hagalín Guðmundsdóttir hefur starfað sem leikskáld, þýðandi og nú síðast sem listrænn ráðunautur Borgarleikhússins frá árinu 2014. Meðal leikverka hennar eru Ég er meistarinn og Hægan Elektra. Hún hefur verið leiðandi við stjórnun Borgarleikhússins auk þess að vera sýningardramatúrg við margar af rómuðustu leiksýningum síðustu ára. Hún hefur hlotið margvísleg verðlaun og viðurkenningar fyrir sín störf, m.a. Norrænu leikskáldaverðlaunin. Ólafur Egill Egilsson hefur víðtæka reynslu sem leikari, leikstjóri og leikskáld. Hann hefur verið leiðandi handritshöfundur fyrir leikhús, sjónvarp og kvikmyndir auk þess sem hann hefur unnið rómaðar leikgerðir. Á undanförnum árum hefur hann fært sig æ meira yfir í leikstjórn þar sem hann hefur náð miklum árangri. Meðal leikgerða Ólafs eru Svar við bréfi Helgu, Karitas og Fólkið í kjallaranum og meðal leikstjórnarverkefna eru Brot úr hjónabandi, Allt sem er frábært, Ör og Níu líf Bubba. Björn Bergsteinn Guðmundsson hefur verið aðalljósahönnuður Borgarleikhússins síðan árið 2014.Hari Ilmur Stefánsdóttir vinnur jöfnum höndum við myndlist og leikmyndahönnun. Ilmur hefur hannað leikmyndir og búninga fyrir Þjóðleikhúsið, Borgarleikhúsið og víðar. Hún er einn stofnenda CommonNonsense hópsins en meðal leikmynda hennar á undanförnum árum eru leikmyndir við Njálu, Guð blessi Ísland, Tengdó, Mamma mía, Matthildur og Blái hnötturinn. Ilmur hefur hlotið fjölmörg verðlaun og viðurkenningar fyrir störf sín. Björn Bergsteinn Guðmundsson hefur verið í fremstu röð íslenskra ljósahönnuða um árabil. Hann hefur verið aðalljósahönnuður Borgarleikhússins frá árinu 2014, en þar á undan starfaði hann í fjögur ár hjá Leikfélagi Akureyrar eftir að hafa starfað um árabil í Þjóðleikhúsinu. Hann snýr nú aftur á sinn gamla vinnustað. Auk starfa á Íslandi hefur hann lýst sýningar víða, meðal annars í Konunglega leikhúsinu í Danmörku. Björn hefur hlotið ótal Grímuverðlaun fyrir störf sín. Unnur Ösp Stefánsdóttir, leikkona og leikstjóri.Hari Unnur Ösp Stefánsdóttir hefur leikið ótal hlutverk í leikhúsi, kvikmyndum og sjónvarpsþáttum. Auk þess hefur hún víðtæka reynslu sem leikstjóri og handritshöfundur. Meðal sýninga sem Unnur hefur leikið í eru Dúkkuheimilið, Elsku barn, Hamskiptin, Nei ráðherra!, Njála, Faust, Eldhaf, Sögur úr hjónabandi og Vanja frændi. Meðal sýninga sem Unnur hefur leikstýrt eru Fólkið í blokkinni, Mamma mía, Kæra Jelena. Unnur framleiddi, skrifaði og lék í sjónvarpsþáttaröðinni Fangar. Unnur hefur hlotið ótal verðlaun fyrir störf sín, þar á meðal Grímuverðlaun og Eddur. Leikhús Menning Vistaskipti Tengdar fréttir Brynhildur Guðjóns er nýr leikhússtjóri Borgarleikhússins Tekur við af Kristínu Eysteinsdóttur sem óskað hefur eftir því að hætta. 14. febrúar 2020 15:28 Kristín vill losna sem fyrst úr stóli Borgarleikhússtjóra Kristín Eysteinsdóttir Borgarleikhússtjóri hefur óskað eftir starfslokum hjá Borgarleikhúsinu einu og hálfu ári áður en hennar vertíð í húsinu á að ljúka. Hún greinir samstarfsfólki sínu frá þessu í tölvupósti og segist vera að hlusta á hjartað. 13. febrúar 2020 15:32 Mest lesið Straumhvörf í veðrinu Innlent Ísraelar gera árás á Íran Erlent Hættir með Matargjafir á Akureyri með sorg í hjarta Innlent Myndband sýnir þjófana í Hamraborg hafa lítið fyrir hlutunum Innlent Helga ekki tilbúin að henda inn handklæðinu Innlent Kæra bónda eftir að 29 naut fundust dauð Innlent Sakaður um fjölda afbrota: Ungar stúlkur einar heima urðu skelkaðar þegar hann ruddist inn Innlent Segjast hafa skotið niður dýrmæta sprengjuflugvél Erlent Handtekinn í tengslum við áform um að ráða Selenskí af dögum Erlent Stjórnarmaður í RÚV segir opinber hlutafélög fé án hirðis Innlent Fleiri fréttir Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Pallborðið: Vika í framboðsskil og línur að skýrast Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Sjá meira
Magnús Geir Þórðarson, nýr þjóðleikhússtjóri og fyrrverandi borgarleikhússtjóri, hefur sópað til sín lykilfólki af gamla vinnustað sínum. Fimm nýir listrænir stjórnendur ganga nú til liðs við Þjóðleikhúsið, samkvæmt tilkynningu, sem allir hafa gegnt burðarhlutverkum við Borgarleikhúsið undanfarin ár. Um er að ræða þau Hrafnhildi Hagalín Guðmundsdóttur, listrænan ráðunaut og staðgengil leikhússtjóra, Ólaf Egil Egilsson, fastráðinn leikstjóra, Ilmi Stefánsdóttur, fastráðinn leikmyndahönnuð, Björn Bergsteinn Guðmundsson, yfirljósahönnuð og Unni Ösp Stefánsdóttur, sem vinna mun jöfnum höndum sem leikari og leikstjóri á komandi árum. Hrafnhildur Hagalín Guðmundsdóttir hefur starfð sem listrænn ráðunautur Borgarleikhússins frá árinu 2014. .Hari Hrafnhildur hefur verið listrænn ráðunautur í Borgarleikhúsinu frá árinu 2014, Ólafur Egill hefur leikstýrt fjölda verka í Borgarleikhúsinu, nú síðast Bubbasöngleiknum Níu líf, og Ilmur og Björn hafa verið í fararbroddi í sínum deildum í Borgarleikhúsinu síðustu ár. Þá hefur Unnur leikið aðalhlutverk í nokkrum af stærstu sýningum leikhússins undanfarin leikár, auk þess sem hún leikstýrði hinum gríðarvinsæla söngleik Mamma Mia. Í tilkynningu segir að ráðningunum sé ætlað að „efla leikhúsið, skerpa á listrænni sýn og stöðu“. Listrænu stjórnendurnir munu jafnframt allir verða virkir í listrænni sköpun í leikhúsinu ásamt öðrum listamönnum hússins. Þá sé hlutverk þeirra að taka þátt í að móta listræna stefnu leikhússins með þjóðleikhússtjóra og styðja við hana, auk stefnumótunar fyrir leikhúsið almennt. Ólafur Egill Egilsson, leikstjóri.Hari Haft er eftir Magnúsi Geir, sem tók við starfi þjóðleikhússtjóra um áramótin, að það sé gríðarlegur fengur fyrir Þjóðleikhúsið að hafa ráðið hina nýju listrænu stjórnendur. „Þessir leikhúslistamenn eru leiðandi, hver í sínum flokki. Ég er ekki í vafa um að landsmenn eigi eftir að njóta margra ógleymanlegra sýninga undir þeirra stjórn á næstu árum,“ segir Magnús Geir. „Það eru spennandi tímar framundan í Þjóðleikhúsinu.“ Ljóst er að stórt skarð er nú hoggið í hóp listrænna stjórnenda í Borgarleikhúsinu. Ærið verkefni bíður því Brynhildar Guðjónsdóttur, nýráðins borgarleikhússtjóra, sem tekur við starfinu af Kristínu Eysteinsdóttur innan skamms. Ilmur Stefánsdóttir, leikmyndahönnuður.Hari Nánar um feril hinna nýju listrænu stjórnenda, samkvæmt tilkynningu Þjóðleikhússins: Hrafnhildur Hagalín Guðmundsdóttir hefur starfað sem leikskáld, þýðandi og nú síðast sem listrænn ráðunautur Borgarleikhússins frá árinu 2014. Meðal leikverka hennar eru Ég er meistarinn og Hægan Elektra. Hún hefur verið leiðandi við stjórnun Borgarleikhússins auk þess að vera sýningardramatúrg við margar af rómuðustu leiksýningum síðustu ára. Hún hefur hlotið margvísleg verðlaun og viðurkenningar fyrir sín störf, m.a. Norrænu leikskáldaverðlaunin. Ólafur Egill Egilsson hefur víðtæka reynslu sem leikari, leikstjóri og leikskáld. Hann hefur verið leiðandi handritshöfundur fyrir leikhús, sjónvarp og kvikmyndir auk þess sem hann hefur unnið rómaðar leikgerðir. Á undanförnum árum hefur hann fært sig æ meira yfir í leikstjórn þar sem hann hefur náð miklum árangri. Meðal leikgerða Ólafs eru Svar við bréfi Helgu, Karitas og Fólkið í kjallaranum og meðal leikstjórnarverkefna eru Brot úr hjónabandi, Allt sem er frábært, Ör og Níu líf Bubba. Björn Bergsteinn Guðmundsson hefur verið aðalljósahönnuður Borgarleikhússins síðan árið 2014.Hari Ilmur Stefánsdóttir vinnur jöfnum höndum við myndlist og leikmyndahönnun. Ilmur hefur hannað leikmyndir og búninga fyrir Þjóðleikhúsið, Borgarleikhúsið og víðar. Hún er einn stofnenda CommonNonsense hópsins en meðal leikmynda hennar á undanförnum árum eru leikmyndir við Njálu, Guð blessi Ísland, Tengdó, Mamma mía, Matthildur og Blái hnötturinn. Ilmur hefur hlotið fjölmörg verðlaun og viðurkenningar fyrir störf sín. Björn Bergsteinn Guðmundsson hefur verið í fremstu röð íslenskra ljósahönnuða um árabil. Hann hefur verið aðalljósahönnuður Borgarleikhússins frá árinu 2014, en þar á undan starfaði hann í fjögur ár hjá Leikfélagi Akureyrar eftir að hafa starfað um árabil í Þjóðleikhúsinu. Hann snýr nú aftur á sinn gamla vinnustað. Auk starfa á Íslandi hefur hann lýst sýningar víða, meðal annars í Konunglega leikhúsinu í Danmörku. Björn hefur hlotið ótal Grímuverðlaun fyrir störf sín. Unnur Ösp Stefánsdóttir, leikkona og leikstjóri.Hari Unnur Ösp Stefánsdóttir hefur leikið ótal hlutverk í leikhúsi, kvikmyndum og sjónvarpsþáttum. Auk þess hefur hún víðtæka reynslu sem leikstjóri og handritshöfundur. Meðal sýninga sem Unnur hefur leikið í eru Dúkkuheimilið, Elsku barn, Hamskiptin, Nei ráðherra!, Njála, Faust, Eldhaf, Sögur úr hjónabandi og Vanja frændi. Meðal sýninga sem Unnur hefur leikstýrt eru Fólkið í blokkinni, Mamma mía, Kæra Jelena. Unnur framleiddi, skrifaði og lék í sjónvarpsþáttaröðinni Fangar. Unnur hefur hlotið ótal verðlaun fyrir störf sín, þar á meðal Grímuverðlaun og Eddur.
Leikhús Menning Vistaskipti Tengdar fréttir Brynhildur Guðjóns er nýr leikhússtjóri Borgarleikhússins Tekur við af Kristínu Eysteinsdóttur sem óskað hefur eftir því að hætta. 14. febrúar 2020 15:28 Kristín vill losna sem fyrst úr stóli Borgarleikhússtjóra Kristín Eysteinsdóttir Borgarleikhússtjóri hefur óskað eftir starfslokum hjá Borgarleikhúsinu einu og hálfu ári áður en hennar vertíð í húsinu á að ljúka. Hún greinir samstarfsfólki sínu frá þessu í tölvupósti og segist vera að hlusta á hjartað. 13. febrúar 2020 15:32 Mest lesið Straumhvörf í veðrinu Innlent Ísraelar gera árás á Íran Erlent Hættir með Matargjafir á Akureyri með sorg í hjarta Innlent Myndband sýnir þjófana í Hamraborg hafa lítið fyrir hlutunum Innlent Helga ekki tilbúin að henda inn handklæðinu Innlent Kæra bónda eftir að 29 naut fundust dauð Innlent Sakaður um fjölda afbrota: Ungar stúlkur einar heima urðu skelkaðar þegar hann ruddist inn Innlent Segjast hafa skotið niður dýrmæta sprengjuflugvél Erlent Handtekinn í tengslum við áform um að ráða Selenskí af dögum Erlent Stjórnarmaður í RÚV segir opinber hlutafélög fé án hirðis Innlent Fleiri fréttir Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Pallborðið: Vika í framboðsskil og línur að skýrast Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Þórkatla kom í veg fyrir áætlun fjölskyldunnar: „Þetta tekur allt saman svo fjandi langan tíma“ Landris stöðugt og hraunbreiðan sex ferkílómetrar Katrín á toppnum um allt land Opna miðstöð fyrir palestínsk börn Íslenska landslagið ómetanlegt fyrir manninn með loftnet í höfuðkúpunni Myndband sýnir þjófana í Hamraborg hafa lítið fyrir hlutunum Greiðir 2000 krónur á dag í vexti á meðan beðið er eftir Þórkötlu Myndskeið úr Hamraborg og maður sem heyrir liti með loftneti Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Sjá meira
Brynhildur Guðjóns er nýr leikhússtjóri Borgarleikhússins Tekur við af Kristínu Eysteinsdóttur sem óskað hefur eftir því að hætta. 14. febrúar 2020 15:28
Kristín vill losna sem fyrst úr stóli Borgarleikhússtjóra Kristín Eysteinsdóttir Borgarleikhússtjóri hefur óskað eftir starfslokum hjá Borgarleikhúsinu einu og hálfu ári áður en hennar vertíð í húsinu á að ljúka. Hún greinir samstarfsfólki sínu frá þessu í tölvupósti og segist vera að hlusta á hjartað. 13. febrúar 2020 15:32