Innlent

Ógnaði starfsmanni og sagðist vera smitaður af COVID-19

Sylvía Hall skrifar
Lögregla var kölluð til og fjarlægði manninn.
Lögregla var kölluð til og fjarlægði manninn. Vísir/vilhelm

Maður í annarlegu ástandi ógnaði starfsmanni Nettó í Lágmúla á sunnudagskvöld og þurfti að kalla til lögreglu vegna málsins. Gunnur Líf Gunnarsdóttir, framkvæmdastjóri mannauðssviðs hjá Samkaupum, staðfestir þetta í svari til Fréttablaðsins.

Maðurinn sagðist vera smitaður af kórónuveirunni sem veldur COVID-19 sjúkdómnum og hótaði ítrekað nálægt starfsmanninum. Þá hrækti hann í áttina að honum, gekk á eftir honum og elti hann inn á baksvæði verslunarinnar þar sem hann ógnaði starfsmanninum.

Í svari Gunnar segir starfsfólk ekki hafa orðið fyrir auknu ofbeldi eftir að samkomubannið tók gildi en þjófnaður hafi aukist að undanförnu. Þá séu dæmi um að starfsfólki hafi verið ógnað.

Faraldur kórónuveiru (COVID-19) Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið