Ánægður með athygli Páls Óskars

Jógvan Hanson kom sá og sigraði með yfirburðum í lokaumferð X-Factors í gærkvöldi. Hann bar sigurorð af Hara-systrum frá Hveragerði, þrátt fyrir að þær hafi að margra mati átt atriði kvöldsins. Jógvan er þar með fyrsti sigurvegari Íslands í X-Factor en hann sigraði með ríflega 70 prósent atkvæða. Hara systur gerðu hvað þær gátu en að margra mati áttu þær atriði kvöldsins þegar þær tóku Júróvisjon lag Ruslönu með miklum glæsibrag.

En það var hjartaknúsarinn Jógvan sem íslenska þjóðin kaus.

Jógvan er færeyskur og var keppnin send beint út þar. Fjölmiðlar í Færeyjum hafa sýnt keppninni mikinn áhuga og er talað um að nú sé Jógvan æði í Færeyjum líkt því þegar talað var um Magna æði hér heima á síðasta ári.

Áhorfendur hafa tekið eftir því að Páll Óskar Hjálmtýsson, einn dómaranna í keppnina hefur oft sinnis látið ástúðleg orð falla í garð Jógvans. Þegar Jógvan hafði flutt Lionel Ritchie slagarann, Hello, söng Páll Óskar til hans.

Jógvan er bara nokkuð ánægður með athyglina sem Páll Óskar sýndi honum og segir það bara vera gott mál þegar karlar jafnt sem konur heillast af honum.

Og fyrir þá sem eru að velta því fyrir sér þá var ekki úr vegi að spyrja hvort kappinn væri á lausu. Jú, það er hann en hann er ekki að leita sér að lífsförunaut að svo stöddu.

Nú hefst vinna að nýrri plötu Jógvans. Þegar er hægt nálgast lagið ,,Hvern einasta dag" inni á tónlist.is en það var sérstaklega samið fyrir keppnina. Lagið er eftir Óskar Pál Sveinsson og texti eftir Stefán Hilmarsson. Þrátt fyrir íslenska textann þá átti Jegvan ekki í erfiðleikum með lagið